بسم الله الرحمن الرحيم


اخواني وخواتي , حابة اطرح مشكلتي عليكم واللي تتلخص في اني مدري وش اسوي بعد ما تخرجت احس اني ضايعة ولا ادري وش طريق الوظايف ووشلون , أنا خريجة قانون من جامعة الملك سعود للعام الدراسي 1429/1430 هـ واخذت دورات متنوعة قانونية وغيرها وكنت نشيطة جدا بالجامعة .. والحين مدري وش الجهات اللي ممكن تقبلني .. ودي بشوركم ونصيحتكم .. لا تبخلون علي ...


وشكرا

نصيحتي : لاتتحمسين
شوري : دوري لك على واسطه









هههههههههههه حطمتك لاامزح معك شوفي يالغلا انا سمعت في وظايف في ديوان المظالم لانهم بيفتحون قسم نسا ان كان عندك واسطه طيري وان كان ماعندك صفي جنبي وامسكي سرا العطاله
وش بعد؟؟؟؟
على فكره ابشرك سمحوا بفتح مكاتب محاماه حتى للنسا او انهم بيسمحون لاني قريت خبر
وبالنسبه للجهات اللي تقبلك كل ماسمعتي عن وظيفه قدمي وخليها على ارحم الراحمين

تاابعي المنتدى وان شااء الله تحصلي مراادك

ربي يرزقك من اوسع ابواابه ... ويسخر لك الخير من حيث لا تحتسبي

الله يساعدك ويرزقك الرزق الحلال

الله يوفقك ويسهل امورك
ويـــــــــــــرزقك بالوظيفه يارب العالمين

ماشاءا لله تبارك الله
مؤهل ممتاز وابشري بالخير

فالشهاده سلاح لابد من نفعه يوما ما

وابشري توك حديثة تخرج فالخير قادم بإذن الله

تقبلي مروري ولك ودي وتقديري

والله يوفقك

مشكورين عالمرور والدعوات

بس ودي تفتحون عيوني على الجهات اللي ممكن تقبلني لو اقدم عليها

اختي اذا كانت لغتك الانجليزيه جيده
قدمي على مستشفى الملك فهد (الحرس الوطني)
فهم يقبلون على طول لجميع المؤهلات اهم شي تكون لغتك ممتازه
والتقديم مباشر عندهم في مكتب التوظيف في المستشفى
واتمنى لك التوفيق اخيتي

تحيه عطره

فيه كل الشركآت الشؤوون القانونيه يطلبون تخصص القانون
وفيه البنوك والمؤسسات وبعد سمعت مجلس التعاون الخليجي يطلبون هالتخصص
وبعد الوزآره الخآرجيه يطلبون . هذا الي اعرفه .. موفقة يـآرب

قدمي في المستشفيات في البنووك

انا مدري ليش تفتح بعض الاقسام دام مافية فررص وظيفية لها عندنا ؟؟

ولا تدرين قدمي على اقرب دولة خليجية

الله يوفقك ياررب