بسم الله الرحمن الرحيم

السلام عليكم ورحمة الله وبركاته

أخواني واخواتي أرجو منكم أفادتي بمشكلة أختي وتوجيهنا كيف نستطيع ان نحل المشلكة بطريقة نظامية .

أختي كانت موظفة في القطاع الخاص براتب 7000-7500 ريال تقريبا وقدمت على قطاع حكومي .وفعلا تم الاتصال بها واجراء المقابلة الشخصية من قبل مدير الموارد البشرية فأخبرها بنهاية المقابلة انها مقبولة وسيتم توقيع عقدها خلال اليومين القادمات فقالت له بالحرف الواحد (خلاص أقدم أستقالتي؟) قال لها : ( توكلي على الله وقدمي استقالتك , وفعلا قدمت استقالتها وباشرت بعد يومين تفاجأت لما قالها خليكي متطوعه هالاسبوع فقط وسيتم توقيع العقد خلال اليومين القادمات .
والمسكينة تداوم متطوعه صارلها 20 يوم والمدير قاعد يذلها كلماأسألته متى توقع العقد رد قال باليومين الجايات . والمشكلة أنه انها متطوعه ووقع عقد 3 موظفين خلال فترة تطوعها يعني لو يبغى يوظفها كان وظفها لكن قاعد يماطل وعلى هالحال كل يومين يقول بعد يومين .....

حسبنا الله عليه ونعم الوكيل وعلى كل مسئول ظالم متعجرف الظاهر الرواتب من جيبه ..

الان بليييييز قول لي وين تقدر تشتكية أختي ومين ينصفها بعد ما فصلها من وظيفتها وتركها بدون وظيفة يقول داومي تطوع احسن لك من النوم بالبيت ... بلى من قلة المخافة من الله .

علميني وينه بالله هذا الشخص اقسم بالله لادعس على وجهه

للاسف هذا واحد حقير يحسب الناس لعبه عنده بسس اختك لاتسسكت كل دقيقه خليه تجيه وتقول له الدعوه مو لعبه حسبي الله عليهم

تشتكى عليه فى ديوان المظالم وحسبنا الله ونعم الوكيل

المفروض إنها أخذت إجازة من عملها السابق حتى توقع العقد بطريقة صحيحة

الله يوفقها ويرزقها على قد نيتها

الله يكون بعونها استعجلت لمن استقالت كان قدمت إجازة من عملها وتشوف الوضع كيف معاها بالوظيفه بعدين تستقيل

الله يكون بعونها
بصراحة شي يخوف

لازم تكلم اللي اكبر من يتصرفون معه
وتقوله ماشفناك تطوعت يومنك تقوك التطوع ارحم من النوم بالبيت

اخت لياان الله يجزاك الخير فين هذا القطاع الحكومي عشان نتنبه من الالاعيب
والله شي يخوووف ....لو سمحتي ياليت تخبرينا عن القطاع الحكومي والله يكون في عونها لازم تثبت حقها باستشارة محامي

حسبي الله ونعم الوكيل
تروح تشتكى أختك في مكتب العمل والعمال

بصرااحه اخوي تااج انا ما انصحها ترووح مكتب العمل لانو هنااك يصبو الامووور زيااده بزيااده
او انهم يطفشو المرااجع بطلبااتهم وفي النهاايه ما يلااقو حلو او انو يطفش المرااجع الى ان يسلم
امررره الى النوووم لااكن لاكن زي ما قاال اخوي (ابو عيون خضر ) بعد الله مالك الى ديوان المضالم
ودمتم