احمـ اولا ً .. كل عام وانتو بخير .. وثـانيـا ً .. قلت اسوي اكشن شوي اليوم .. لاني بـرجع اكتب في الليل ..وأكيد بتحطم اذا لقيت الموضوع مدحدر ..!!

لقيت خبر في صحيفـة الوئـام .. ! عجيب ..

نشوف الخبر وش يقـول .. !


خطـأ يربك طالبي الابتعاث .. سعوديون بالهند يطالبون بنقـلهم لدولة أخرى


وعلى جانب آخر وقع برنامج خادم الحرمين الشريفين للإبتعاث الخارجي في خطأ اربك اجراءات تقديم الطلبات النظامية.

تقول احدى المتقدمات: من شروط التقديم على البعثة الحصول على ثلاث توصيات من اعضاء هيئة التدريس, واعضاء هيئة التدريس يتمتعون بالاجازة الصيفية.

وقد حاولت مراسلة البرنامج الا انه يفيدني بتعثر وصول الرسالة.

وتضيف المتضررة: وحاولت الاتصال هاتفيا بالبرنامج الا ان السنترال يقطع المكالمة, وعند ذهابي الى موقع تدقيق البيانات في فندق "مداريم" تم ردي لنقص متطلبات البعثة.

وتختم بالقول: ارجو ان ينتبه المسئولون عن البرنامج لهذه النقاط والعمل على تلافي هذه المشكلة في اقرب وقت.



وهذي بعض الردود والتعليقات على الموضوع ..



[الكافي] [ 23/08/2009 الساعة 12:59 صباحاً]
والله هذا الخبر صحيح 100%


انا نفس الشيء حدث لي

والله قهر من وين نجيب ذحين التوصيات

والدكاترة كلهم مسافرين


_____________

ابوحميد] [ 23/08/2009 الساعة 2:36 صباحاً]
صادقة المتضرره

هذا خطأ اعتقد انه مقصود لمحاولة تقليص عدد المتقدمين

هم لو طلع معهم نقطه ناقصه مايصدقون ويلغون تقديمك

كيف نجيب لكم 3 توصيات في خلال اسبوع من تاريخ ارسال الايميل والتدقيق؟!!!!

وبعد في اجازه صيفية !!!!!!!!!!!!!!!!!


____________________



طبعـا ً هذا كان الجزء اللي يهمنا من الخبر . .!

والى لحظة كتابتي للرد وانا ما أدري وش سالفتهم ..! انا بروح بدون توصيات .. الله يكتب اللي فيه الخير .. وبروح الكلية بعد شوي اشوف لي صرفة ..! مع اني متأكد لاني 3 مرات جيتهم وما فيه دكاترة مداومين ..! واضيف بعد ان هالزحمة كلها مسوينها على التوصيات .. مع انهم ما يحتاجونها الحين في ولا شي ..! ولا شي ..! يعني بالعقل .. هي مطلوبة اذا ترشحت ..! الظاهـر السالفة تعقيد ..! علشان يقولون اوووووووه .. ماعندك توصيات ..! معليش ما نقبلك ..! .. لكن وين يروحون مني .. هع ! ناوي انشب لهم نشبة.. الله يستر من تاليـها ..!

وسلامتكـم .. !

رابط الخبر.. http://www.alweeam.com/news/news-act...w-id-13012.htm

عـدنـا من جديد ومـعـلومـات فريش ..

دققت أوراقي اليوم السبت الظهر وسألت عن استفساراتكم هنا <<
السلام عليكم

طبعا اليوم كان موعد تدقيق أوراقي
وبلخص لكم الي حصل على هيئة نقاط

1- في البداية مايحتاج تجيبون ملف علاقي أخضر بس أوراقكم وبدون تدبيس
2- فيه قسم خاص بالنساء المدققات نساء وقسم خاص بالرجال
3- أول ماتدخلون يقولون شوف اسمك في القائمة وبعدين تدخلون لأول مكتب يراجعون أوراقك
مبدئيا ويعطونك رقم بعدها تجلسون تنتظرون حتى يجي دوركم .
ويكون التدقيق النهائي الاصل مع الصور


الأوراق اللازمه:
-استمارة التسجيل وتكون موقعه .
-(الهوية الوطنية، أو دفتر العائلة) الأصل والصور
-جواز السفر الأصل والصور للمبتعث والمرافقين .
-نموذج طلب الالتحاق بالجامعة موقع عليه
- شهادة التخرج باللغة العربية والإنقليزية الأصل والصور
-الأصل والصوره من السجل الأكاديمي باللغة الإنجليزية والعربية مصدقة الصور ,
-ثلاث توصيات باللغة الإنجليزية (مو إلزامي)
- صورة واضحة من إقرار ولي أمر الطالبة (خاص بالنساء)،

أ-التبديل بين الرغبات ممكن
ب-تغير المرافق حتى بعد التدقيق ممكن
ج-إظافة مرافق بعد الدقيق مثلا طفل ممكن
د- لازم أحضار اصل الوثيقه واصل الجواز للمبتعث والمرافق واصل الهويه او بطاقة العائلة
هـ-عدم مطابقة اسم الوثيقة للي بالجواز قالوا اهم شي يكون نفسه اختلاف بسيط في التهجئة عادي >> استغربت
و- خطاب الغرض من الدراسة مو إلزامي احضاره


التوصيات

معك بس وحده ينفع
معك بس ثنتين ينفع
موقعه ومو مختومة ينفع
مكتوبه باليد مو بالكمبيوتر ينفع
ماجبت توصيات كمان ينفع قالوا مو من الأوراق اللازمة . << هذا الي حصل ؟؟

اخذ مني وقت الدقيق نص ساعه هذا وأوراقي كامله
الجو عادي وما في زحمه أبد حسبتكم يامبتعثين هونتم

يعني روحوا ولو ناقصكم شي معكم 9 ايام تكملون الناقص

ملاحظه : أنا مقدمه على دكتوراه وقالوا وين حسن السيره والسلوك قلت ما يعطون
قالوا كان جبتي حقت البكالوريوس ومو لازم مترجمة بالعربي عادي .
وقالوا عموما ما تعتبر من الأوراق اللازمه يعني عادي لو ما جبتيها


قالوا انتظري رسالة القبول ؟
سألت متى بترسلونها قالوا متى ما خلصت الوزارة بترسل لكم

اسأل الله ان يوفقنا وإياكم .


هذا الكلام صار امس بالرياض .. !!

يالله .. فـرجت .!

يعطيم العافيه على المجهوود الراااااااائع

بيني وبينكم كان ودي اروح بعثه

بس المشكله ان قلبي عيا لا يخااويني

قال بجلس في السعوديه


<<<<محتار

حبيبي ميثاق جزاك الله خير .. فلاكن .. < < تعجبني هالكلمة . .!

انا يا طويل العمر قررت اكمل بتخصص المالية والتمويل بعد الاستخارة ..!

وتراني MAN .. !

88

الله يوفقك ..

آسف على الخطاء غير المقصود ياشنب ..

السلام عليكم ورحمة الله وبركاته ..

الحمد لله تيسرت .. ادري تأخرت عليكم .. ! لكن .. حتى انا مستغرب .. عدد كبير ..! وتأخر غير مبرر .. يعني من الساعه 12 وما طلعت الا الساعه 3 الا ربع ..!؟!

ما علينا .. نبدأ
اولا ً .. بالنسبة للي بجدة وما يدل وين الميريديان .. يمسك طريق المدينة بإتجاه الجنوب .. اذا وصل الكبري المربع يمسك الخدمة الين يشوف فندق الراديسون ساس .. بعده على طول يشوف مبنى فندق الميريدان كبييييييير جدا ..! وهو ماشي في الطريق .. يحاول يكون في الجهة اليمين لانه قبل ما توصل مبنى الفندق تلاقي فتحة على يمينك وعندها لوحة مكتوب فندق الميريديان يرحب بكم .. يعني توقف في مواقف سوق جدة الدولي .. حلويين .!؟!

زين .. جهز اوراقك معاك .. تحطها في ملف افضل .. ! يعني بالنسبة لي امس لو ماأخذت الملف معاي .. كان توسخت الوثائق . مرررة رطوبة ..! .. مدخل الفندق .. من الخلف .. تشوف الطلاب رايحين وجايين .. ! تدخل من المدخل .. وتمشي مع الناس اول ما تدخل ع اللوبي ..! الزم اليسار .. ! امشي شويتين .. يجيك درج على يمينك .. وفيه لوحة عليها مكتوب قاعة الفيروز ( للرجـال ) يطلعون الدرج .. ( الحريم ) يكملون قدام ..
نرجع للرجال .. اطلع فوق اول ما توصل تلاقي جلسات على يمينك وعلى يسارك .. وفيه باب قدامكـ .. ادخل مع الباب .. وامشي .. بتشوف جلسات بعد على يمينك ويسارك وباب ثاني قدامك بعد .. ادخل معاه .. هنا تبدأ تركز معاي ..

أول ما تدخل هالقاعة اتجه لليسار مباشرة .. بتشوف في وجهك في الاخير لوحة معلقة عليها الاسماء دور اسمك وشوف كم رقمك واحفظه

بعدين ارجع لمكان ما كنت مخرج القاعه بتشوف قدامك طاولة طويلة ..اخرها موف لحاله مطوع .. حبيب هالمطوع وفيه شوي بهاق بوجهه .. الله يشفيه وجميع المسلمين .. قوله اسمك ورقمك .. وعطه بطاقتك الاحوال .. تمام .. ! بيعطيك ملف علشات تحط اوراقك فيه .. وبيعطيك معاه ورقة مهمة مرة ..!!
هالورقة فيها مثل الاستبيان .. يعني فيها صورة جوز السفر .. وقدامها خانة فاضية مكتوب فيها احضرته .. وختانة مكتوب فيها لم احضرها .. ! وانت تحط علامة صح .. يعني اي ورقة جبتها معاك حط قدامها .. صح . واذا ما جبتها معاك اشر بالقلم انك ما جبتها .. حلوين .. المطلوب منكم ترتبون الصووور .. فقط الاصول .. لا .!

ورتب الاوراق حسب ما هو مكتوب .. ! الله يوفقكم .. هذي تكتبونها وتسونها في الجلسات والطاولات المتناثرة في كل مكان ..

بعد كذا بتشوف الناس صافين سرى ..!! يعني متزاحمين في صف طوويل .. صف معاهم الين يجي دورك عند موظف توريه البيانات اللي عبيتها مع الصور اللي رتبتها .. يطق لك الاوكيه .. تروح لباب ثاني موجود في القاعه .. ! مو الباب اللي دخلت منه لا .. باب ثاني .. يوديك قاعة مختلفة ..!! تلقى موظف هناك .. وهو دكتور ..! تقوله رقمك التسلسلي .. اللي أخذته من اللوحة اول شي .! تذكرتوه ..! تعلمه الرقم .. ويعطيك تذكرة وفيها رقم ..! تحس انك داخل ملاهي ..!

يعني الحين فيه قاعتين .. وحده لكل الاجراءات .. ! والثانية للمرحلة الاخيرة وهي مطابقة الاصول مع الصور .. !!

القاعة الثانية هذي .. فيها تقريبا ً .. 12 موظف.. ومثل نظام البنوك .. ارقام .. تشوف رقمك اذا طلع بالشاشة ..ورقم الموظف اللي تروح عنده .. !!

استفسارات مهمة .. !

* اللي ما عنده جواز .. علشان موضوع بطاقة الاحوال .. يروح لمدير الجوازات ويشرح له الوضع ..! ولا يطلع الا بالجواز . .اول على الاقل ورقة تثبت ان اللي معطله بطاقة الاحوال الجديدة ..

* اللي جوازه منتهي .. يروح لهم ويكمل اجرائاته بعدين يبقى له موضوع الجواز .. يجدده .. ويرجع لهم اي يوم .. معاه الى يوم الاحد الجاي .. بالنسبة لجدة طبعا ً

* اللي مثل حالتي ويبي التعليم والبعثة . لا يقدم على التعليم ..
واي واحد بيدخل وظيفة من وظائف ديوان الخدمة او الوظائف الحكومية بشكل عام .. لا يمكن الجمع بين الاثنين .. لازم تضحي بواحد

* كلهم طيبين .. وتعاملهم جدا ً جدا ً جدا ً راقي .. ومتفهمين الى ابعد الحدود ..

* اللي يبي يعدل اي شي من بياناته .. بكل بساطه يقدر يعدل الل يبي ..

* اي استفسار لا تتردد .. وفيه في القاعة الاولى .. اللي هي اول ماتدخل عليها .. في الزاوية .. دكتور .. عنده لوحة مكتوب عليها مستشار عام وزراة التعليم العالي .. او شي زي كذا .. والله اني ناسي ..

* التوصيات ما يدورون عليها .. ! انا ما جبتها ولا احد سئلني .. ونبهت الموظف . وقال مو مهمة نهائيا ً ..

* شهادة حسن السيرة والسلوك ..! لا تنسونها ترى مو مكتوبة بالايميل ..


الخلاصة .. امورك . ان شاء الله كلها تمام

عسى الله يوفقكم ..

ايه نسيت عيبهم البطء .. والله العظيم ما خلصت الا 3 الا ربع ...!! يالله كفى الوقت اتسحر واكتب لكم الي صار باسرع وقت ممكن ..!

أي خدمة .. ! استفسار .. ! انا حاضر .. !

واذا فيه شي مو واضح . .. ! العتب على النوووووم ..!!

موفقين جميعا ً ..

تم بحمد الله