المشهد الاول
ليلة رمضان
عديم اليأس :الا قولي ياالعنزي بكرة اول يوم من رمضان كيف راح تقضيه ؟!
العنزي :الجدول معرووف سهر طال عمرك الى الفجر مع الشباب نلعب الكرة الطائرة وبعدها سحووور ونوم الى الظهر وبعدها قراءة القرآن وبعدها نوم الى العصر والباقي على المسلسلات بس هذه السنة ناوي اختم القرآن خمس مرات والتروايح ماتفوتني ولا ركعة
هيبة فنان :يارجال كل سنة نسمع منك هذا الكلام ولانشوف شئ
العنزي :أقول احترم نفسك ياهيبة عاد من زينك انت عاد اللي يسمعك يقول معتكف في المسجد طوال الشهر مايدري انك هايت في الاسواق
هيبة فنان : على الاقل أنا ما اكذب واقول بسوي واسوي

المشهد الثاني
مره فاضية : كيف بتقضين اليوم بكرة ياالمطنوخة
المطنوخة :يووووووه والله بكرة حوسة كل وقتي في المطبخ مع امي من الظهر الى المغرب
مرعى وقلة صنعه :ايه والله مو مرتاح في رمضان الا الشباب مايجون الا وقت الفطور واحنا البنات مغلوب على حالنا كل وقتنا مقابلين العجين والرقائق >>اللهم لا حسد
المطنوخة :يوووووووه على طاري الرقائق نسيت اكلم اخوي يفرم اللحم للسمبوسة
مره فاضية :يوووووه وانا كمان نسيت اجهز عجينة اللقيمات
مرعى وقلة صنعه :الحمدلله جهزت كل شئ من بدري
مره فاضية :يلا بنات مع السلامة برووح اجهز الاغراض وعلى بال ما اجهزها اسوي السحور
مرعى وقلة صنعه : وانا برضوا برووح اتابع جدول المسلسلات على القنوات

المشهد الثالث
اول يوم في رمضان بعد الظهر
عاطل الرياض :كيف حالك ياقائد
قائد :ياخي هذا وقت سلام ! انا صايم صايم ما اقدر اتكلم ولا اسولف
عاطل الرياض :وخير ياطير اذا صايم ماترد السلام ولا تتكلم وبعدين وش فيك ماداومت ؟!
قائد :لا حول ولا قوة الا بالله ياخي انا اشك انك صايم وبعدين احنا في رمضان كيف اداوم تبغاني اتعب !
عاطل الرياض: ياخوي تراك فاهم رمضان غلط مو يعني انك صايم ماتمارس حياتك الطبيعية ووتكلم وتسولف وتداوم
قائد :أقول الكلام معك ضايع ماني فاضي لك برووح اكمل نومي قبل لا يجف ريقي

المشهد الرابع
بلوغ المرام :الو يامستعدووه
مستعدووه :اهلين
بلوغ المرام :ها وينك ؟
مستعدووه :ويني بعد !اكيد في غرفة العمليات أقصد المطبخ
بلوغ المرام :المهم حبيت اقولك لا تكثرين في اللقيمات لأني برسل لكم صحن منها ولا تكثرين بعد في السمبوسة :o
مستعدووه :وانتي بعد لا تكثرين في الحلا لأني برسل لكم صحن ولا تكثرين بعد في الايدامات لأني برسل لكم صحون مشكلة

المشهد الخامس
الساعه 3 العصر
أمير البطالة :والله ماعاد أقدر اتحمل عطشان وش رايك ياعاطل فاهم نفطر
عاطل فاهم :اوكي بس وين ؟؟
أمير البطالة :في بيتنا او بيتكم
عاطل فاهم :لا اااا الله يرحمك والديك الا بيتنا لو يشوفني ابوي يذبحني
أمير البطالة :اوكي عندي في البيت بس وش ناكل ؟؟!
عاطل فاهم :ما كثر الله الا من النواشف نرووح اقرب ماركت وناخذ نواشف

المشهد السادس
بعد العصر
العنزي : يوووه باقي ساعتين ونصف على اذان المغرب وش يصبرني !خليني اتصل على البيت اشوف يمكن يبغون اغراض !الو
ريم العنزي :هلا أخوي
العنزي :اقول يا اختي ماتبغون شئ اجيبه معي وانا جاي للبيت
ريم العنزي :لا كل شئ متوفر عندنا
العنزي :طيب وش طبختوا ؟
ريم العنزي :سوينا لقيمات وشوربة وسمبوسة وكنافة ومهلبية وعصير وايدامات وكيك وحليب وقهوة
العنزي : بس !!!!!
ريم العنزي : ايه بس !
العنزي :من الظهر جالسه في المطبخ وماطبختي الا هذه الاكلات!انا ميت من الجوع وهذا الاكل مايكفيني لحالي فما بالك بأسرة كاملة عليه !أقول انا بجيب معي شوية اكلات
ريم العنزي :بكيفك

المشهد السابع
زيدان :هاه كيف رمضان معك
قائد :اووف تعب وحاس اني بموت قبل الاذان!
زيدان :تعب وانت منبطح في بيتكم ؟!
قائد :ياخي انا منقطع عن الاكل تقريبا 12 ساعه وتقول لي مافيه تعب ؟! انا رايح للبيت تبغى شئ ؟
زيدان :وش تسوي في البيت ؟
قائد :بروح اضيع وقت على المسلسلات لين يأذن المغرب :o

المشهد الثامن
حان وقت اذان المغرب
وش اللي صار في الاعضاء ؟؟!!
العنزي ما قرأ ولا سورة من القرآن >>هذا اللي يقول بيختمه
وايضاً ما اكل الا لقمتين من الاكل اللي جابه وبعدها كب الباقي في الزبالة>>الله يديم النعمه
معظم البنات وصلوا لقمة الارهاق جراء الجلوس 6 ساعات في المطبخ >>الله يعينهم
قائد الحمدلله ابشركم أذن المغرب وهو مازال حي يرزق مامات
عاطل فاهم وأمير البطالة جلسوا على السفرة مع اهاليهم وكأنهم بالفعل صايمين وكله خوف منهم ونسوا الخوف من الله

هههههههههههههههههههههههههههههههه
العنزي هذا اهووو ما تغير لا ويسوي زحمة ابي اكل
واخر شي لقمتين من اللي جابه
اما بالنسبة قائد زين انك بشرتنا انه حي
وبالنسبة لعطول وامير البطالة سوو زحمة وفي الاخير كلن راح بيته
اما للأخواتنا الله يعينهم ويصبرهم ع هالمطبخ
والله مشاهد صراحة تشكر عليه عديمووووووووه
الله يعطيك الف عاااااااافية مجهوووود رائع
الله يديك الصحة والعافية ويبلغكم ويبلغنا رمضان يا ربـ

خوووووووووش مسرحية
والأروع السيناريو اللي بين الأعضاء
الله يسعدك على هالمسرحية
ننتظر جديدك ..

ههههههههههههههه


صراحه ياوزيرنا أبداااااااااااع


بس الله يسامحك شوهت صورتي قدام الاعضاء أنا وعاطل فاهم


من أول يوم في رمضان ومخربينها أعوذ بالله


أجل الله يستر من الباقي . . .


على العموم المقصود من الموضوع هو . . . .


أنٌ يومنا في رمضان ذهب في . . . . . . . . . . .


النوم - المطبخ -المسلسلات والقنوات الفضائيه - الأسواق - السوالف والكلام

الي ما له معنا - ( كورة الطائره ) - والطامه الكبرى الافطار


وغيره الكثيييييييييييييييييييييييييييييييييييييييييير . . . . . . . . . .


ونسينا التقرب الى الله بالذكر والعبادت وقراءة القران وأننا في شهر عبادة



الله الله في رمضان يا أخوان كل واحد يحاول يعوض الي فاته من السنين الي

راحت ويتقرب الى الله . . .

يعطيك الف عافيه وزير البطالة
قمة الابداع في الطرح

بارك الله بك

يعطيك العافيه وزير البطالة
والله انك صادق هذا حال اغلب الأسر في رمضان
وللأسف كل دقيقة تروح من الشهر الفضيل علينا راح تكون حسرة
الله يساعدنا على صيامه وقيامه على الوجه الذي يرضيه عنا

ابداع ياوزرينا
مشاء الله عليك مؤلف 100%
حرام عليك فضحت بعض الاعضاء