السلام عليكم

لمن أحس بضيقة نفس... والعين بتدمع وربي أول موقع افكر فيه هو هذا الموقع
أحس فيه الناس زيي << لأن والله المجتمع مايرحم

يا جماعة الخير انا تخرجت من الجامعة الفصل الاول وتخصص لغة عربية
وكلمت واحد قال فيه وظيقة للجامعيين برتبة وكيل رقيب بس ما حدد في اي قطاع من بس قلي وكيل رقيب والباقي ما يدري عنه

بصراحة انا ودي اتوظف بس لمن افكر يالله بعد تعب 6 سنوات واخرها وكيل رقيب ؟؟ بالله مو حاجة تقهر زملائي بعد الثانوية دخلوا معهد الدراسات تخرجوا وكيل رقيب صار لهم سنتين وانا جالس افحط 6 سنوات ؟؟

فكرت يمين يسار لقيت نفسي محتار

رجعت دقيت على عمي قلت لقيت وظيفة برتبة وكيل رقيب قال يا ابن الحلال حرام عليك انت مجنون تتعب واخرها وكيل رقيب

وقالي انتظر بكلم لك كذا واحد يمكن يقبلوك في الامنية بس ما اظمنها لك بس بحاول


وانا الحين وربي بالمرة محتار اخاف اقبل بالوظيفة الاولي وتجي الامينة واخاف ارفض الاولي واطير الثانية


بالله وش رايكم واللى يقولي ادخل حقت وكيل رقيب يعطينا وش مميزاتها وش عيوبها وكيف نظام دورتهم وخاصة 45 << مرة خايف لان ما عندي لياقة بدينة




انتظركم نصايحكم يشبااااب

والله يالغالي ما أملك لك غير الدعاء

عسى الله يفرجها عليك ويرزقك من حيث لاتحتسب

الإخوان هنا بيفيدوك أكثر

بالتوفيق لك وللجميع يارب

اخوي خذها نصيحه مني انا مجربها وكنت أفكر مثلك وتركت العسكريه بعد 4 سنوات كرف من اللي يحبه قلبك

اذا بتظل تفكر انه شلون انا 6 سنوات جامعه ودخلت العسكريه ووكيل رقيب فتراك ببتعب لأنك بتلقى منهم برتبك بشهاده اقل منك يعني ثانويه او كفاءه وواسطات يمكن لرتبه رقيب

وان كان بترضى باللي صار لك وتقدر تمشي حالك فما نقول الا الله يوفقك

وحطها براسك معلومه
لو دخلت العسكريه لو جا يوم وما ناسبتك ما بتطلع منها الا بعد 4 سنوات او 6 سنوات حسب تخصصك عشان تفصل فصل نظامي وتعدل مهنتك

بالنسبه لل 45 يوم
هذي دوره تاخذها اول ما تدخل العسكريه ممكن تكون مدتها 3 اشهر وممكن 6 اشهر
وممكن اكثر حسب التخصص
45 يوم ما تطلع تبقى هناك عندهم ليل نهار ثم بعدها تصير تطلع كل خميس وجمعه

ولو نعرف وش تخصصك بالضبط قدرنا نفصل لك ونفديك اكثر

احسبها بينك و بين نفسك
وشوف الانسب لك

والله يوفقك

والله أنا أقول استخير ترى كذا مرة تحصلي أمور أكون مرة محتارة فيها وماأنام الليل..
بس بعد ماأستخير والله أرتاح

التوقيع

أنا رفيقة بالليالي المعاسير... ولا الرخا كل يسد بمكاني

اخوي محمد .... مشكلتك نفس مشكلتي بالضبط متخرج ادارة اعمال ومحتار في هذه رتبة وكيل رقيب احس انها ماتناسب الجامعيين .. لابد من الاستخارة وياريت الاخوان يفيدونا بهذا الموضوع

توكل على الله
واحسم الامر العسكرية حلو هذي الايام فيه رواتب حلو
اقل شي 8 الف ريال وكيل رقيب نصحية مني اذخل والله الموافق

يا اخي الكريم انت مشاء الله عليك تخصصك لغه عربيه وفرصتك بالتدريس قويه

ليش ماتصيرمدرس

افضل من وكيل رقيب بالف مره

ولا تقول مافيه فرص تدريس

لاني برد عليك وبقول فيه وملياااااااااان بس اصبر

بخصوص الوكيل رقيب صراحه العسكريه يبيلها ناس معينين

وخصوصا الافراد يبيلك تصيرهمجي ماعندك احساس ولاعندك طموح علشان تقدر تعيش معهم

انا ما انصح فيها ابد وخصوصا انك جامعي

ياخوي تر العسكريه غثا

لو ضابط اقولك اوكي

بعدين تراها بتصيربنفسك للابد

بتقول كيف زملائي نفس الشهاده والتخصص وصاروا ضباط ونا فرد !!!!!!!!!


نصيحتي لك كالتالي :
1- قدم على وكيل رقيب وامشي بالاوراق الى اخر لحظه واذا قالوا يله الدوره ذيك الساعه اقعد فكر و ماتدري عن المستقبل
2- قدم على الامنيه وامش معهم لاخر لحظه

3- انتظر فرص التدريس اللي بيطرحها الديوان وخلال هالفتره شفلكمدرسه اهليه وطقطق معهم


الله يوفقك

استخير الله وترا كلما مر السنين بيتعقد الامور نصيحة اذا كانت في الامن العام فرح لهم وتوكل على الله

كلام صحيح أنا مع أخوي دبلوم صنايعي
^
^
^
^
نصيحتي لك كالتالي :
1- قدم على وكيل رقيب وامشي بالاوراق الى اخر لحظه واذا قالوا يله الدوره ذيك الساعه اقعد فكر و ماتدري عن المستقبل
2- قدم على الامنيه وامش معهم لاخر لحظه

3- انتظر فرص التدريس اللي بيطرحها الديوان وخلال هالفتره شفلكمدرسه اهليه وطقطق معهم


الله يوفقك