28-04-2007, 02:47 AM
|
عضو نشيط
|
|
تاريخ التسجيل: Apr 2007
المشاركات: 131
معدل تقييم المستوى: 36
|
|
فضيحة شركة الراشد لمواد البناء بالخبر
السلام عليكم ورحمة الله وبركاته
أخوني الأعزاء أعضاء منتدى البطاله في السعودية
أروي لكم قصتي مع شركة الراشد لمواد البناء بالخبر ..............
لقد قال لي أحد أصدقائي بان شركة الراشد بالخبر فيها تقديم وأنا في القصيم ( الكلام هذا قبل شهرين ) فقمت بالذهاب إلى التكاسي وتوجهت للمنطقه الشرقية ولما وصلت رحت للشركة وقدمت عليهم وقالوا لي خلاص خل ملفك وندق عليك كلعادة ورجعت للقصيم ولما جلست مايقارب أسبوع تم الإتصال بي من قبل الشركة وكان يوم الثلاثاء قالوا لازم تجينا ذهبت مرة أخرى للتكاسي ورحت للشرقية وجيتهم يوم الإربعاء قال لي الموظف أنت مقبول بس أبي أشرح لك كيفيت العمل وقعد يبن لي الراتب بأنه 3625 ريال وكنت مستانس مبسوط مره عشاني أنقبلت وماخليت أحد من ربعي وأهلي مادقيت عليه وعلمته إني أنقبلت من الفرحه .... المهم داومت على طول في نفس اليوم وكان الدوام من الساعة 7 صباحاً إلى الساعة 5 العصر ومع ذلك كنت فرحان في فترة الدوام .... والموظف حملني عمل فضيع جاب الأوراق والمعملات اللي عنده وعند زملائه وحطها على مكتبي وقال خلصها عشان تتعلم الشغل..!! خلصتها الشكوى لله المهم داومت اليوم التالي يوم الخميس ويعتبر نصف دوام من 7 إلى 1 الظهر ونفس الطريقة أنا الوحيد اللي يشتغل وهم مجلسين يقرون جرايد ويشربون شاي ودق حنك سوالف (ومن كلامهم تبين لي بأن المكتب اللي أنا جالس عليه لشخص من زملائهم ورايح إجازه لمدة أسبوع للإمارات) ..... المهم داومت الأسبوع اللي بعده من السبت إلى الإربعاء بنفس الطريقة والكارثة أنهم ماوقعوا معي عقد وكل ماسألتهم قالوا لي أن المدير المالي والإداري بيقابلك بس مشغول المهم داومت الخميس الثاني قالوا لي المدير أخيراً يبي يقابلك وقابلت المدير(بعد أسبوع من العمل) طلع أردني الجنسية (وشهادته بكالوريس محاسبة علماً أنه معنا واحد يداوم في المكتب اللي بجنبي سعودي معه بكالوريس محاسبة نفسه وموظف بأربع ألاف وخمس مائة ريال موظف عادي والأردني مدير قسم شف القهر؟؟) ماعلينا المهم قالي الأردني أنت مقبول بس الأسبوع الجاي لاتداوم لين ندق عليك لآننا نبي نسوي توسعة في المكاتب قلت خير إن شاء الله أسبوع إجازه من حصلها ... رجعت للقصيم في إنتظار الإتصال جلست أسبوع محد دق قمت دقيت عليهم ورد علي أحد الموظفين قال ماعليش يأخوي المكتب تونا راشينه بويه وريحته صبغ أنتظر أسبوع بعد وندق عليك [شف المسخره وين وصلت] قلت خير... أنتظرت أسبوع مأحد دق قمت دقيت عليهم بعد قالوا والله كنا نبي ندق عليك بس سبقتنا المكتب جاهز بس فيه مشكله خربت عندنا الشبكه حقت أجهزت الكمبيوتر لكن أنتظر يومين وندق عليك قلت زين (على فكره هم الحين يبون الفكه مني لأن خويهم اللي في إجازه رجع وأنا أنتهو مني كان عندهم نقص ووظفوني لمدة أسبوع حتى يرجع خويهم وبدون راتب والحين مايبوني ) المهم بعد يومين دقيت كلعادة مايدقون أنا اللي يدق عليهم قالوا ماعليش أخوي أحنا كنا نبي نبلغك بس أنت دقيت المهم المدير رفض يوظفك !!!!!!!!!!!!!!!!!! طيب ليش ؟؟؟ قال يقول المدير أن مؤهلاتك ماتساعد !!! قلت طيب المدير ذاك اليوم شاف مؤهلاتي وقبلني (علماً أن مؤهلاتي ثانويه عامه وستة أشهر حاسب وهم شروطهم كذا يعني تنطبق علي الشروط ) المهم قال هذا كلام المدير وكلمته لك وقال فيه وظيفه ثانيه إذا يبيها ؟ قلت وش هي ؟ قال مدير ورشه ..... وافقت وطلبوا مني إنجليزي [لأنهم عارفين إن ماعندي إنجليزي مؤهلاتي عندهم] قلت ماعندي قالوا خلاص عطنا فرصة يومين ونرد لك بعد يومين قالوا الوظيفه أخذها شخص معه إنجليزي روح دور رزقك .
طبعاً قصتي معهم بدأت من قبل شهرين وماخلصت إلا قبل أمس يوم الثلاثاء أخر مكالمه بيني وبينهم ... أنا قلت هذه القصه عشان أبين لكم المسخره اللي قاعده تصير في التوظيف والتلاعب بنظام السعوده ليش يعني مافيه مراقبه وين العجوز القصيبي ليه مايحط نظام صارم للسعوده في الشركات . والله العظيم مهزله وتلاعب عيني عينك ولاهم حاسبين حساب .
### وش ريكم بالله مو قهر حسبي الله على كل مسؤول نايم ومطنش الله لايوفقه آآآآآآمين ###
المعذره على الإطاله ................ تقبلوا تحياتي أخوكم يامن يوظفني
|
العرض الشجري
