05-11-2009, 03:14 AM
|
عضو متواصل
|
|
تاريخ التسجيل: Jun 2009
المشاركات: 47
معدل تقييم المستوى: 65696
|
|
اقتباس:
المشاركة الأصلية كتبت بواسطة بيرووو
والله ذكرتيني بحالتنا.... اشترينا بيت كان مهجور ومسكون وسكنا فيه والله شفنا العجايب بهذلونا وطلعوا عيوننا وكمان عندنا بيت في مكة بنيناه وتركناه 20 سنة وهو عظم مو مصلح وسكنته الجن .... واحنا معانا سحر تفرقة وقطع رزق وعين تكفي بلد... واتفرقنا نحن العائلة في بيتين أمي والاولاد جلسوا في بيتنا الاول وابويا والبنات نقلوا مكة من المشاكل الي ما تنتهي في بيتنا.. وبيت مكة خرابة والله بيوت الهنود أحسن منه وما نقدر نصلحه والله ما نقدر نستقبل فيه احد عايشين فيه لا نطلع منه ولا نستقبل احد .... وكل ما قدمنا لوظيفة ما ننقبل ولا في امل انها تطلع اسماءنا مع انه تقديراتنا احسن من الي يتقدموا معانا والله مسكوكة في وجهنا من كل ناحية...ولما يجي خطاب للبنات نسمع انهم بيجون يخطبون وما يجون ليش ما ندري واذا جاء واحد تقوم مشاكل كثيرة بيننا توصل للضرب والصراخ وما تنتهي المشاكل الا لما نرفض والا تسير بيننا وبين اهل العريس مجادلات وتأخير في وقت الرد حتى يشردوا لحالهم... والان ما نقدر نستقبل خطاب نهائيا لانه بيتنا خرابة وكل من جاء من اهل امي والا اهل ابويا اتريقوا علينا حتى قطعناهم وارتحنا من الشماتة....والله العظيم كل ما جبنا شيخ يقرا مرة واحدة ويشرد ولما ندور عليه ما نلقاه لانه ما يبغى يجينا....واخر شيخ جانا مرتين ويقول انا ما عرفت لحالتكم وقاعد يحاول ويجرب وما استفدنا حاجة....كنا زيكم نشغل اذاعة القران والرقية بس ما كان في تحسن وبعدين لما قريت في النت عن فضل سورة البقرة شغلتها في البيت 24 خفت المشاكل في البيت 10% والله خربت 5 مسجلات وانقطع شريطين لسورة البقرة اصبر شهر والا اثنين واشتري واحد جديد لانه حالتنا المادية سيئة بس ما اخليهم ينتصرون علي.... وسرنا انا واخواتي نقرا البقرة يوميا والحمدلله في تحسن 15% في جسمنا ونفسياتنا ارتاحت.....
بس حتى الان نعاني وصابرين ومالنا الا الصبر ....والله محرومين من الحياة كلها لا طلعة ولا زيارة ولا سوق ولا حتى نفرح حياتنا كلها مشاكل واكتئاب لانه السحر متركز في ابويا واخواني فطول اليوم بيننا مشاكل ومحرمين علينا كل شئ حتى الضحك ممنوعين منه في البيت... ومع ذلك صابرين لانه مالنا الا الصبر.... وقبل مدة كلمت واحدة تقرا على الناس وقلت لها حالتنا وسألتني اتعالجتوا ... قلت لها ما في نوع من العلاج والرقية الا وسويناه لنا عشر سنين نتعالج.... قالت اذا هذا ابتلاء اصبروا حتى يفرج الله عليكم....وعليكم بسورة البقرة لا تقفلوها في البيت...
هذه قصتي باختصار...... واعرف عائلة زي حالتنا بس هم احسن مننا معاهم سحر تفرقة وقطع رزق بس ما هم محرومين زينا.... واعرف عائلة ثانية نفس قصتك بالتمام ساكنين في بيت مدفون تحته سحر والجن تهددهم كل يوم عشان يخرجوا وماهم قادرين عشان احوالهم المادية....
الي يشوف مصائب الناس تهون عليه مصيبته.... ما لنا الا الصبر وخليكم على سورة البقرة والاستغفار واتصدقوا كل يوم بريالين ولو على كناس الشارع انشاء الله تتعدل احوالكم ....
ملاحظة.... لما تشغلي سورة البقرة في البيت راح يكون تأثيره على البيت مو عليكم.... لازم كل فرد يقراها لوحده كل يوم مرة عشان اذا فيكم شئ يخرج ولا تعتمدوا على المسجل.....
ولا تخافين في البداية راح تتعبون لانهم راح ياذوكم ويهددوكم فلا تخافون منهم ما يقدرون يسوون شئ.... احنا هددونا بكل حاجة في حياتنا حتى الاطفال هددونا انهم راح يآذوهم ويفجروا البيت بس استمرينا وطنشناهم والان الحمدلله ما يقدروا يآذونا ......
والله هذه نصيحة لوجه الله يمكن تستفيدوا من خبرتنا وتجربتنا.... ومهما كلف الامر ولو تحسنت حالتكم لا تتركوا سورة البقرة لانهم يترقبوكم ويستنوا فرصة عشان يرجعولكم.....
ادعولنا انه ربي يفرج همنا ويعدل حالنا ويفك السحر والعيون ونعيش زي الناس ونرتاح من عذاب حوالي 30 سنة ..... بيوت معمرة واحوال مسترة...........
يا اختي الله يفرج همنا وهمك وهم كل المسلمين..........
|
الله يفرجها عليكم يارب
|
العرض العادي
