لاتقول أحبّـك وانـت تكـذب عليّـه
الحب صِدق شعور مع صادق إحساس

غدرتني بالحـبّ .. غـدر ضحويّـه
قلبي (كليب) وفعلتك (سيف جسّـاس)

وطعنتنـي بالقلـب .. طعنـه قويّـه
منها تضيع انفاس وانفـاس وانفـاس

وش ذنب إبن سلـوم يجـزا بسيّـه
وفعله حساني دايمـاً معـه يانـاس

منهو عطى فالحـب عمـره عطيّـه
غيرك يابن سلوم .. لكـنّ لا بـاس

سلّمـت لـك قلبـي بيـدّك هـديّـه
ما كنت احسب إنّك من الناس الانجاس

ولا كنت احسـب إنّ النوايـا رديّـه
إلين ما وقّع علـى راسـي الفـاس

وتدري وش أعظم شرّ واكبر خطيّـه
حبٍ بنيته معك ماهـو علـى سـاس

منقـــــول