شوف وأنا أخوك تراني أنا مثلك بالزبط لكن من سكان مكة وعلي مصاريف تجاه الاهل والاخوان وأشتغلت مع محلات الخضرة لكن يعطونك في الشهر 200 ريال تحمل خضرة وتوزع والمسئول بنقالي ولا هندي كفيل مال أنته خخخخخخخ طبعا لابد من توفر سيارة "وانيت بالضبط"
ثاني شئ ميزة مكة لاعمال الموسمية زي الحلاوة يعني لا بد تطلع في الحج أقل شئ 4000 ريال ولا انت خسران في الموسم أما رمضان 2000 ريال وإذا كان اقل تكون خسران وأشتغلانا كذا شغلة مع الجامعة أو عن طريق الجامعة لكن الرواتب خايسة ولا تتفجأ عندما تعلم بأن الاجنبي خويك في الدوم يستلم أكثر منك أخخخخخخخخخ يا القهر على قولة المثل " البيت بيت أبونا جاء القوم وطردونا
ثالث شئ أغلب الشركات تطلب متفرغين و إذا جيت تقدم على شركات لا تقول أني طالب جامعي يطردوك حتى لو كان الشفت الليلي مجرب أخخخخخخخ ويقولون سعودين صاملين مافي أه يا القهر وما يدرون أن مسئولين التوظيف يطردون فينا لا وأزيدك من الشعر بيت بعضهم و أنت على رأس العمل يطردك تعرف ليه بيوظف ولد صاحبه مكانك حتى لو ما سويت شئ خطأ أهتتتتتتتتتت شو من القهر بس عموما المجتمع فيهم طيبه لكن خذ النصائح هذه
1. توجد عنصرية في بعض القطاعات الخاصة بين البدو والحضر فكن دبلوماسي ولا تزيد النار بينهم ولا تسعى في الكلام بين الاطراف
2. ياغريب كن أديب تعرف ديره ما تعرف أهلها تنبلش
3. أنصحك بأن تسكن مع شخص في نفس تخصصك علوم طبية وشاطر وتذكرها بعدين مني طبعا ما يكون شاطر وداشر
4. دور في الوظائف في هذا البلد وترى الوظائف على رأس من يشيل لكن أبحث عن الأفضل لك ولدراستك مثلا تشتغل مع شركات أدوية أو شركات طبية أو مستشفيات قطاع خاص ترى تعبي CV رجاله عن طريقهم
شوف أنا أبحث لو حصلت بلغتك والله يكتب الي فيه خير لاني طالب مثلك
وأنت كذلك لو حصلت بلغني وأي خدمة للاستفسارات أنا تحت أمرك
طالب كلية هندسة طالب جامعة ام القرى
ملاحظة شباب لا أحد يزعل ترى هذا الدارج في المجتمع لكن خلو هذا خلفكم وأبدؤوو صفحة جديدة
26-08-2009, 06:35 AM
العرض العادي
