بسم الله الرحمن الرحيم
كيفكم عساكم طيبين ...
كل عام وانتم طيبين وياعمي كل سنه جديده عطاله جديده
يالله لنا ولكم يارب ارزقنا ويسر امرنا لما تحبه وترضاه يا الله
بسم الله نبدا ... جا تقديم في ارامكو لخريجين الكليات التقنية فتفائلت خير وقدمت عن طريق الانترنت
المهم الى حد الان تمام وجتني رسايل على موعد تسليم الاوراق ورحت لهم واعطيتهم اوراقي هذا بعد ما رجعوني قالو لازم تجيب كشف درجات ... المهم ماعلينا هذي سهله .. رجعت لهم وبكل قوة ووجهة نضر رميتها في وجيههم قالو خير انشا الله .. نرسل لك على الايميل والجوال الرد ... الى حد الان انا محترمهم واليوم جتني رساله نصها الاتي لقد تم قبولك لاختبار القبول وعطوني موعد لتحديد الاختبار انا فرحت وانبسط كثيييييييير وعلا قولتهم يافرحة ماتمت بعدها ب 5 دقايق تجيني هالرسالة نصها الاتي : نعتذر عن قبول طلبك لان اوراقك لاتطابق شروط الحد الادنى للمؤهلات ؟؟؟؟؟؟؟
يشهد علي ربي كل كلمة قلتها صحيحه ...
ليش ... طيب ... ليش قبلو اوراقي من البداية ...
طيب ياخي لايقبلوني نهائيا احسن ..؟؟؟؟ لكن اما يلعبون بنفسيتي مره اضحك ومره ابكي .؟؟؟؟؟؟؟؟؟؟؟
وقسم بالله قوية
كنت باروح لهم الحين لكن يشهد ربي مارحت الى خوف اني اسوي مصيبه ... وربي شي يخوف من جد يخوف حتى ارامكو صارو يلعبون باعصابك
عرفو يلعبوها ...
الحين ياشباب يا اصحاب العقول >>> ماعد صار معاي عقل
تكفون دلوني وش اسوي مالي الى انتم بهالمنتدى طالبكم وش اسوي اروح لهم والى اتركهم والى العن خيرهم والى وش .؟؟؟
ربي يوفقكم واعذروني على الاطاله وربي يبارك لكم الشهر ويعيده علينا وعليكم بصحه وعافيه ... اخوكم
ابو فيصل .