قصتي مع المقابله الشخصيه

رحاال · #1 (**permalink**) 29-04-2007, 01:45 PM

تقدمت لاحدى الشركات ودقوا علي قالولي تعال نبي نسوي معاك مقابله قلت طيب

رحت للشركه ودخلت ولقيت الي يسوي مقابله سعودي ومعاه واحد شامي ( سوري او لبناني او اردني او فلسطيني ) ما ادري بالضبط المهم السعودي كل ما يسألني سؤال جاه الشامي ويدخل علي بسؤال ثاني.
المهم انا عرفت من خلال المقابله انه الشامي يحاول يطفشني ليشش؟؟؟
لانه هو خايف مستقبلا اني امسك مكانه ووظيفته وللاسف الشركه كلها اجانب ما فيها الا سعوديين في الاستقبال

حتى والله في المقابله الاجنبي يقولي لو تشتغل معقب وتشتغل مشرف وتشتغل كذا وكذا

حتى في الراتب هو الي اقنع السعودي بالراتب المنخفض
(يعني الى متى مضايقة الاجنبي للسعودي)
وليش السعودي في ديرته ماله كلمه ضد الاجانب ليشش ما فيه له حقوق!!!
حسبي الله ونعم الوكيل وش السواه يا اخوان

نور ولكن · #2 (**permalink**) 29-04-2007, 02:21 PM

وتكرار كل يوم هذي المقابلة والكلمة الاولى والاخيرة للجانب
الله يوفقك وخليها على الله

دمعة المقهور · #3 (**permalink**) 29-04-2007, 02:28 PM

والله يا رحال ذكرتني بقصتي نفسك قصتك بالضبط واقسم بالله بس الفرق ان الى رحت لهم سعودي ومصري والمشكلة المصري اعلى منصب من السعودي وله مكتب فخم والسعودي رجال كبير عمرة 50 ومسكين يقطع القلب مع ان الى سمعتة ان كان منصب في البلدية بس تقاعد وكان المصري مترصدلي بس يراقبني في الطالة والخارجة حتى لو ابي اروح دورة المياة العيون تحوم علي كاني ارهابي
الله يكون بعونك يا رحال وعساك على القوة وربك يفرجها

عاطل وداج · #4 (**permalink**) 29-04-2007, 03:13 PM

الله يكوون بعونك

عيش كثيرررر تشوف كثيرررر

رحاال · #5 (**permalink**) 29-04-2007, 05:07 PM

طيب انا عندي فكره وش رايكم نرفع عريضه لوزارة العمل تتحدث عن مضايقة الاجانب للسعوديين في الوظائف . والفساد الاداري من اغلب الشركات من الاجانب على السعودي؟

هويدا · #6 (**permalink**) 29-04-2007, 07:02 PM

سلاااااام,,,,,,,,
اخوي رحال الله يعينك ويعينااا
بس حبيت اقوولك بدل ماانرفع عريضه تتحدث عن مضايقة الاجانب للسعوووديين نرفع قضيه عن بطالة السعووووده وشكرا .

رحاال · #7 (**permalink**) 29-04-2007, 08:29 PM

كلامك صحيح وانا اقول ان الاثنين كلها تؤدي في المسار الي يزيد من البطاله

awlama · #8 (**permalink**) 30-04-2007, 12:30 AM

اقتباس:

المشاركة الأصلية كتبت بواسطة رحاال

تقدمت لاحدى الشركات ودقوا علي قالولي تعال نبي نسوي معاك مقابله قلت طيب

رحت للشركه ودخلت ولقيت الي يسوي مقابله سعودي ومعاه واحد شامي ( سوري او لبناني او اردني او فلسطيني ) ما ادري بالضبط المهم السعودي كل ما يسألني سؤال جاه الشامي ويدخل علي بسؤال ثاني.
المهم انا عرفت من خلال المقابله انه الشامي يحاول يطفشني ليشش؟؟؟
لانه هو خايف مستقبلا اني امسك مكانه ووظيفته وللاسف الشركه كلها اجانب ما فيها الا سعوديين في الاستقبال

حتى والله في المقابله الاجنبي يقولي لو تشتغل معقب وتشتغل مشرف وتشتغل كذا وكذا

حتى في الراتب هو الي اقنع السعودي بالراتب المنخفض
(يعني الى متى مضايقة الاجنبي للسعودي)
وليش السعودي في ديرته ماله كلمه ضد الاجانب ليشش ما فيه له حقوق!!!
حسبي الله ونعم الوكيل وش السواه يا اخوان

اشكرك اخي لو توضع اسم الشركه او ارقامهم للفائدة واسماء الاشخاص وانا دايم اكرر على هذا الموضوع ليستفيد منه الجميع

اشكرك مرة اخرى

بو جعفر · #9 (**permalink**) 01-05-2007, 04:19 AM

السلام عليكم

أخوي الرحال أتمنى أنك تنفذ ما قاله أخونا المشرف awlama
حتى تعم الفائدة للجميع

سلام

المصلحشي · #10 (**permalink**) 01-05-2007, 05:37 AM

هذه هي دولتنا.....

خـــيرنا لـــــغيرنا

اااااااااااااه اااااااااااااااااه والله قهر والله قهر

وكل يوم اسمع تبرع لفلسطين وتبرع للصومال وتبرع لعلان وفلتان.

يا خي تبرعوا لنا حنا اولى والله ان حنا مب قادرين نعيش ونعيش اهلنا لمين نشتكي ....

لله الامر والمشتكى

حسبي الله ونعم الوكيل
حسبي الله ونعم الوكيل
حسبي الله ونعم الوكيل
حسبي الله ونعم الوكيل
حسبي الله ونعم الوكيل