انا راح اشجعك

وراح اقولك معاناتي استمرت خمس سنين
تصور راجعت طبيب نفسي تمر علي حاله من البكاء الشديد والحسره

يعني لاوظيفه لا زواج وماعندي لو راس مال صغير اشغل فيه لوكشك ذره ولا حتى اشتري ادوات اشغل موهبتي في الرسم
مصروف عشرين ريال يوميا ماادري وشي فيه
جوال وانفصل والاتصالات مايقصرون بالنهب

حياتي صارت حجيم واتحسر لو كان ماعندي مهؤلات بتقبل الوضع بس 89%خريجة بكالريوس
ودبلومات و13دوره
ولغتين
ولالقيت وظيفه
اشتغلت بوظيفه قطاع خاص شهرين ما احتملت القهر والظلم وراتب 40 ريال لليوميه ماهي في حق المواصلات
وقطاع خاص يعني اهانه
يعني تسلط للاجانب
يعني اكرف ولاريال زياده
يعني اقعد في البيت اكرم لك
ادور في مدارس خاصه مافيه
اروح مكاتب الاشراف التربوي
اقدم على الديوان مافيه
كاتبه مقهويه لو سمحتي
لو حارسة امن يرحم والديك مافيه شاغر
كل يوم اعد شهاداتي وارصها تحت المخده
وش اسوي ضاع عمري وضاعت الجهد والدراسه لان اهل الواسطه موجودين

طيب يابنت كملي دراسات عليا اقدم على الجامعه معيده <<<<<تستهبل كنها ماهي عارفه شغل الواسطه في جامعاتنا

المهم قدمت للتعليم الععالي ابتعاث للخارج وباقي بعافر هلي عشان الموافقه الساميه بس قلت اجرب
طبعا جا الرد ((((((غير مطابق للشروط))))))))))

واقسم بالله مافيه شرط من شروطهم ما انطبق علي بس وش نسوي عاد

اخيرا قررت اكبر المخده وارضى بالواقع وكل يوم اقول حسبي الله عليك يالقصيبي

ولازلت الى الان اعيش في ساحة البطاله والحمد لله على العافيه

لاتقولون الشباب الي فيهم العيب

عندهم همه وطموح ونشاط بس وين الي يشغل هذي الكوادر الشابه



المهم الى الان البحث جاري عن وظيفه مافيه

يعطيك العافية يا سيدرا

هذي اول قصة جزاك الله الف خير