السلام عليكم ورحمة الله وبركاته

لاحظت البعض يتهم الضمان الاجتماعي بالاختلاس ووناس تدعي عليهم ..وهذا شي غلط ما ينقبل فيه
اول شي نحمد الله ان وفرو لنا الضمان الاجتماعي بدولتنا ويخدم الفئه المحتاجة بدل ما نمد يدنا للغير ...ثاني شي نحمد الله بعد ان الضمان قبل كان 500 الان 900 وش فرقت لو نقص شهر شهرين لتجديدات خارج ارادة الضمان يعني ماشاء الله وش يلحقون ليلحقون حتى يغطون مستفدين الضمان جميعا حتى هم ما بيدهم شي لابد من موازنه وترتيب حتى يتطور الضمان للافضل عشانا وعشانهم حتى تسهل الاجراءت والصرف مستقبلا ويستفيد اكبر شريحه من المحتاجين...وثالثا واخيرا موظفين الضمان بشر زينا زيهم ناس من تصبح لما تمسي تعمل على خدمة المستفيدين ويشتغلون بعضهم وقت اضافي ومهم مجبورين على هالشي بس هم يبون يخلصون اكبر عدد يقدرون عليه حتى يغطون اكبر شريحه محتاجه وجزاهم الله كل خير من اصغر موظف الى اكبر موظف يكفي انهم مايلقون حتى الوقت لاسرهم طوال الاسبوع ماعندهم الا هالويك اند اللي حنا جالسين ومستانسين ان افراد اسرتنا حوالينا وفلوس تجينا وحنا مرتاحين...يعني ما ندعي على احد ونحط لوم على احد المكتوب بيجي ومحد ميت من الجوع...دام دولتنا الحبيبة وفرت الضمان الاجتماعي ويمشي كل شهر حتى لو نقص لظروف خارجية لابد نقدر ان في ناس غيرنا ماحصلهم او ما عرفو عن الضمان واحوج منا لهالشي الفلوس تجي وتروح واللي راح بيعوض مع الايام...والحمد لله الضمان قدم خدمات لنا ما كنا بيوم نتوقعها وان شاء الله القادم افضل...وموضوع المكرمه مو لازم تكون شغلكم الشاغل اذا جت كان بها اذا ماجت خيره ربما تجي بوقت فعلا نكون محتاجينها.

الله يوفق الجميع ورمضان كريم على الجميع

يعطيك الف عافيه ياالمكافحه
كلام جميل صح الحكومه ماقصرت علينا الله يحفظها
وان شاء الله القادم افضل
وكل عام وانت بخير

الحمد لله على كل حال والارزاق بيد الله اهم شي القناعه يااخوان

الرزاق رب العباد اولا

هم مومقصرين والناس بحاجه مع الايجارات والاسعار الغاليه ولازم يحطون مكرمه واللى بيده بالماء البارد مو مثل اللى يده بنار ويكون بحاجه وضمانه لا يكفيه وعاطلين وبايجارات خلونا نكون صريحين وغير الكهرباء اللى بعضهم لم يتم التسديد بحجه العداد ومستاجرين

وبالنسبه ماحد ميت من الجوع الا فيه ناس مايلقون خبز ببيوتهم وروحوا لبعض الاحياء وشوفوا بعينكم وهذا غير الجار مايدرى عن جاره جوعان اولا ولا احد صار يسال عن احد

ماقلنا شئ الضمان نافعنا ولكن مايكفى من يستلمونه بعضهم يروح ع الديون من محل خضروات او بقاله او مواصلات او كهرباء وبيجلسون يتدينون بعد



الله يرزقنا وياكم يارب

فين مكرمه خادم الحرمين الذي امر بها مساعده لشهر رمضان الكريم

هم خصمو وماقلنا شي بس الشي اللي يقهر مكرمة الملك مانزلت ليش . اقص يمناي اذ مب اختلاس

المكرمه تجي بامر وانتم افهموها مدام ما جا اي امر الضمان مابيده شي...ونعم اختي عاطله في ناس مو قادرة تاكل بس ما عرف الضمان عنهم ولا هم وصلو لضمان والا كان ضمهم من ضمن المستفيدين ودائما ينبهون ان اذا في ناس بحاجة للمساعدة انه يتم الابلاغ عنهم لانهم يكونون اما متعففين او يجهلون او ماعندهم اوراق ثبوتيه وغيره وغيره والجمعيات الخيريه متوفرة برضوه لو هالفئه ماقدرو على الاستفادة من الضمان انها تساعدهم...وعزيزتي نعترف ان المبلغ المحدد ما يكفي لكن يسد شي وكلنا نقضي امورنا من هنا وهنا لين تمشي بس الانسان يسعى ويبحث عن مصدر رزق مساعد مو يكتفي العيش على الضمان لان محد يدري يصير تبديل تغيير بالانظمه ويصير خصم والا شي هنا فعلا راح يضطر يمد يده للغير ا..بالتوفيق للجميع

اذا كان ولي الامر يملك من الابناء الكثير وراتبه التقاعدي اقل من 2000 وعنده ايجار بيت ومقاضي لرمضان ويقوموا يخصموا من راتب الضمان ليش
انا قرأت في المنتدى عن ناس راتبهم التقاعدي حول 5000 ويبغوا يستفيدوا من الضمان
وشكرا

حسبنا الله ونعم الوكيل ندعي ونحسبن مو على الدولة على الموظفين اللي اكيد مقصرين بعملهم سواء الضمان او مؤسسة التقاعد
اللي كاتب الموضوع اكيد من محتاج ولا ياخذ شي من الضمان ولا من التقاعد