تسجيل الدخول
|
|||||||
تأسس الموقع عام
2006
Site was established in 2006
|
|||||||
| الأرشيـــف للمواضيع المكررة فقط |
| أضف رد |
|
|
LinkBack | أدوات الموضوع | انواع عرض الموضوع |
30-08-2009, 07:58 AM
|
||||
|
||||
|
شروطكم هذه شروط المجانين .. .. شروطكم شغل ابتزاز ونهابه
ابيات قراتها واعجبتني وحبيت انقلها
واتمنى تعجبكم سبحان من يرزق بتوع الملايين .. .. الرازق اللي مايخيب الرجا به لي عم عنده معرض للصواليين .. .. أموت وأعرف من وين جابه وإذا سألته قال بعت الدكاكين .. .. ما يدري إني ماهضمت الإجابه الشاهد إني رحت له قبل يومين .. .. في قصره العامر ودقيت بابه قال ارحب ارحب عــدّ ورد البساتين .. .. يامرحبا باللي لفا ياهلابه قلت البقا عــدّ والرياحيين .. .. ياشيخ شمل أهل الكرم والذرابه قال اسلم الله يحفظك من العين .. .. وآمر أوامر حضرتك مستجابه قلت الصراحه طالبٍ قرب غالين .. .. ودي تزوجني كريمتك يابه ثنى وقال أهلين وسهلين .. .. والكون ترخص لجل عينك رقابه لكن ترى عندي شروط وقوانين .. .. قلت اشرط ياحبيب الغلابه قال أولاً مهر العروسه ثمانين .. .. غير الرسوم وغير حق العصابه والثانيه عمك يبي منك سبعين .. .. رسم الأبوّه والنسب والقرابه وام العروسه حقها منك ستين .. .. عشانها ست الحسن والمهابه واخوانها كلن يبي منك خمسين .. .. عداً ونقداً تندرج في حسابه وخواتها الخمس عطهن من ثلاثين .. .. عشان تتوثق عروق النسابه وتجيب طقم عيار واحد وعشرين .. .. وخاتم من الماس المصفى ترابه وأكياس متروسه كعوب وفساتين .. .. ألوانها وأشكالها ما تشابه وموتر بسواق وفيلا بدورين .. .. أثاثها من بطرته ينحكابه وأحجز لنا قاعــة بقصر السلاطين .. .. واحجز لنا رقاصتين وربابه وامنع دخول أهل اللحى والبزارين .. .. وأعزم أمير المنطقة بالنيابه هذي الشروط اللي على بالي اللحين .. .. وذكرني باللي ما حسبنا حسابه قلت اذكر الله ياعدو المساكين .. .. واستغفره لا يبتليك بعذابه الظاهر إنك منت عارف أنا مين .. .. أنا لو أرقى فوق متن السحابه ما جبت حتى نص درزن مواعين .. .. واضحك بكيفك واعتبرها دعابه شروطكم هذه شروط المجانين .. .. شروطكم شغل ابتزاز ونهابه شروطم والله سيوف وسكاكين .. .. تذبح بنات المجتمع وشبابه وين الرضا والعطف واليسر واللين .. .. اللي ذكرها الله بمحكم كتابه وين الصفات اللي أمرنا بها الدين .. .. وين اختفى نهج النبي والصحابه يـــــاعم جعل اللي خلقنا من الطين .. .. يرد عقلك من خطاه لصوابه ويجعل نصيبي عند غيرك قل آمـين .. .. ويحسن عزا الصابر ويجزل ثوابه قال إنت لو فكرت تفكير صاحين .. .. ماشفت في مجمل شروطي غرابه حنا بعصر العولمه والمزايين .. .. ماهوب عصر الفلسفة والخطابه الناس تسعى للرتب والنياشيين .. .. وانت اهتمامك بالشعر والكتابه والشعر ماينفعك لو هو دواوين .. .. ما دام جيبك مثل بيت الخرابه يابوك لا تسمع كلام المصاخين .. .. واسأل مجرب عاش في وسط غابه قلت الله أكبر يامحرر فلسطين .. .. من يسمعك يحسبك ذيب الذيابه تراك شايب راس مالك ريالين .. .. والبنت ماتسوى جناح الذبابه قال انقلع مالت على وجهك الشين .. .. لا عاد أشوفك عندنا يا الزلابه قلت ابشر ابشر لكن الباب من وين .. .. وأقفيت من عنده على صوت بابه 
|
| أضف رد |
|
(( لا تنسى ذكر الله )) |
|
|
|
|
العرض العادي
