07-09-2009, 04:48 AM
|
مشرف سابق
|
|
تاريخ التسجيل: Jan 2009
الدولة: دبليو دبليو دبليو .. دآت /// بطآله دوت كوم وتلقـاني ..
المشاركات: 4,730
معدل تقييم المستوى: 9224863
|
|
السلام عليكم ورحمة الله وبركاته
مساكم الله بالخير جميع
أعاننا الله وإياكم
الحمدلله على تييسير الأمور
فـ البداية أنا حجزت من جدة على عرعر
وكانت رحلتي صباح اليوم الساعه 10
وصلت لمطار عرعر الساعه 11 ونص
ومن هناك بسم الله على الجامعة
الصراحة ركبت مع واحد من المسافرين معي على نفس الرحلة
كنت استسفر عن مكان الجامعة وبعد المطار والفنادق اللي قريبة من الجامعة
المكان جدًا سهل ومعروف !!
ماقصر الرجال حلف أنه يوصلني ويخدمني بدون ما يآخذ مقابل
وحلف علي أفطر معه ههههه بس تعذرت منه وهو تفهم للوضع !!
المهم !!
وصلنا للشارع الأصفر اللي فيه الجامعة
قريب منه على بعد خمس دقايق فيه شقق وفنادق حلوة
رحت للجامعة وعرفت موقعها !!
ورجعت استأجر غرفة بفندق اسمه " فندق عرعر "
حطيت أغراضي بالغرفة وأخذت أوراق التقديم ورجعت على الجامعة
طبعـًا اللي هناك الله يجزاهم خير مايقصرون دلونا على مكان أخذ الإستمارات وتعبئتها
ومسكنا سرا من الساعه 12 ونص إلى الساعة 2 وربع !!
الصراحة كانت زحمة مررة
وأعتقد أن المتقدمين اليوم فقط تجاوزت أعدادهم الـ 1300 متقدم !!
بالأخير كان فيه مجموعة قرابة الـ 60 متقدم ينتظرون دورهم بالدخول لتسليم الملفات
وكان فيه لجنة الإستقبال وتوجيه المتقدمين رفضوا بالبداية يدخلونا بحجة أن الدوام أنتهى
لكن من ضمن اللجنة كان فيه شابين الله يوفقهم دخلونا بعد مادروا أن بعض المتقدمين مثل حالتي
جايين من أماكن بعيدة وعندهم حجوزات العودة ومايقدرون يتأخرون
دخلونا بنفس الجامعة " الإدارة العليا "
ومسكنا سرواتنـا هناك
لين جاء دوري !!
وسلمت الملف وتأكد من المؤهلات بالأخير قال خلاص روّح
أنتظر النتيجة !!
سألته قلت كيف طريقة الحصول على النتيجة
قال بتنزل النتائج عن طريق الموقع وعن طريق الإعلان بالصحف
سألته بعدها قلت طيب متى راح يكون موعد الإعلان 
قال لي والله ماعندي علم لكن الأكيد أنها بتطول مثل منت شايف زحمة متقدمين وبعدها فيه ترشيح وكذا ...
قلت عطني موعد تقريبي وليتني ماقلتـه خخخخ
قال إن شاء الله على شهر ذو الحجة أو شهر واحد !!
المهم خلصت أموري ورجعت على غرفتي والحمدلله على تيّسر الأمور !!
بس لازم يا شباب بطاقة الأحوال تكون معكم لأنها مطلوبة عشان يتأكدون من المتقدم !!
لكن يا أخوان اللي بيروح بكره أو بعده أو بعد بكره لازم يمسك السرا من الساعه 10 هههههه
لأن فيه زحمة وإحتمال يقفلون الأبواب بوجيه المتأخرين !!
كلمة أخيرة
بالنسبة للي ماعنده سيارة مثلي خخخ
أهل عرعر وشباب عرعر مايقصرون معه و يفزعون ويعاونون الله يجزاهم خير جميع !!
يوصلونه للمكان اللي يبي ويدلونه والصراحة ماقصروا الله يجزاهم الجنة الناس الطيبة باقي موجودة !!
اللي ركبت معهم رجال بالفعل وفيهم نخوة وعزوة
يحبون يخدمون الضيف اللي يجيهم من خارج ديارهم
بالأخير
اسأل الله لي ولكم القبول بالدنيا وبالآخرة
بالتوفيق شباب و بنات
|
العرض العادي
