النفسية & والعسكرية

آه يادنيا · #21 (**permalink**) 02-09-2009, 10:06 PM

راح اشوف لك يالغالي ولا يهمك وان شاءالله نحصل

واذا لقيت راح ارسلك على الخاص

شلال الحزن · #22 (**permalink**) 02-09-2009, 11:32 PM

الله يعطيك العافية ويجزاك خير ويفرج همك

آه يادنيا · #23 (**permalink**) 03-09-2009, 09:08 AM

اللهم امين

وتم الرد عليك في الخاص

بتلا · #24 (**permalink**) 04-09-2009, 12:49 AM

اقتباس:

المشاركة الأصلية كتبت بواسطة آه يادنيا

السلام عليكم ورحمة الله وبركاته

أسعد الله أوقاتكم بكل خير وسرور

لم اسجل في هذا الموقع إلا لسببين

السبب الأول : الشكر لله تعالى ثم القائمين على هذا الموقع العملاق الذي خفض وسوف يخفض بمشيئة الله تعالى من حالات البطالة

السبب الثاني : مشاركتي في حالتي النفسية ونظام العسكرية.

الإسم : آه يادنيا

العمر : اغفرلي يارب

الوظيفة : عسكري

الرتبة : جندي

المسمى الوظيفي : مراسل

الراتب : 3600

القرض : 1500

المتبقى : 2100

البدلات : مواصلات فقط

العلاوات : لا يوجد لاني مراسل (ملاحظة اشق عمل في القطاع العسكري بمسمى مراسل )

الخدمة العسكرية : سنتان

القطاع : الجوية

حالتي النفسية صعبة جدا بغض النظر عن حالتي المادية ، أعيش في حالات هم وغم من أول يوم في خدمتي العسكرية

الكثير منكم راح يرد على هذا الموضوع بالردود المعروفة

ليه تفصل حرام عليك

غيرك مالقاها

انت منت كفو عسكرية

اعطينا نص راتبك

انا على أتم الاستعداد بالتنازل عن كل شي يخص العسكرية

راح اشرح طبيعة العمل

الدوام الساعة السابعة والنصف صباحا

ياعسكري روح شوف السيارات ( زيت ، ماء ، تشتغل ولا لا ) <== مادري وش دخلها بالمراسل بس العسكرية أمر

الساعة التاسعة صباحا

ياعسكري قوم ودلنا هالمعاملات في الاقسام الفلانية (15 قسم طبعا في سيارة بانوراما بدون مكيف)

الساعة الحادي عشر

تررن ترررن

سم

اطلعلي فوق

ابشر طال عمرك

بالله روح البقالة اشتري طماط وبصل ووده بيتي <== ماتقدر تقول لا ولو قلت لا ماراح يسويلك شي لكن راح يكرهك في الدوام

وعلى هذا الروتين حتى نهاية الدوام

ياناس والله دموعي في عيني من القهر اللي احس فيه

متخرج ثانوية علوم طبيعية بتقدير جيدجدا وخبراات عملية في خدمة العملاء والمبيعات شهادات كمبيوتر ولغة انجليزية مهارات فيي الحاسب الالي تصميم مواقع استايلات خلفيات بسيطة في البرمجة وتعريب البرامج والاختراق

وللأسف موجودة في شنطة والغبار عليها كل شهرين انظف فيها

مادخلت هالمجال الا لاني ابي ارضي الوالد الله يحفظه

ليش لأني احبه ومابيه يزعل مني

تخيلوا ياعالم ماني قادر اقول هالكلام اللي انا قلته لكم لأي شخص في البيت او اصدقاء او اي شي

ليش

لاني اعرف جوابهم

لانهم مب حاسين وش فيني

ماهم حاسين بهمومي واللي في داخلي

تخيلوا محد يعرف وش هو نظام وظيفتي وعملي غير اهلي

وابين لهم اني مبسووط

لان التفكير اللي يفكر يفصل من العسكرية

هذا يا انه يتعاطى او انه مب كفو عسكرية

ومابي احد يقول للوالد ولدك فصل ليه حرام والله انه مب كفوو

اااااااه يا دنياا

صرت كل يوم ادور على وظيفة واشتري نفسي ولا يجيني واحد حط على كتفه كم نجمة بالواسطة ويقول جيب لي طماط ولا باذنجان

انا وش دخل ام امي من ضحك على ابوك وقال اني شغال في حلقة

تدرون وش اللي رادني من الفصل بدون ما حصل وظيفة

مو الطفرة

لا لان الوالد شغال في نفس المكتب ومنصبه حساس جدا

ولا فكرت انه يتوسط لي عند فلان ولا علان

لاني عارف الواحد فيهم مايسوى .....

وعلى فكرة يحسبني مبسووط

ولا فكرت بيوم انه اقوله ابي افصل

بس حاس ان راتبي قليل

ولكن ما قد شكيت له من وظيفتي وطريقة عملي لانه يحسبني مبسووط

وانا النااااااااار تاااااااااكلني من داخل

عارفين تجيني ملابس عسكرية ارميها في السيارة

ياناااس البس البدلة العسكرية احس دموعي تبي تنزل

قهررررر

والله ادري عن ردودكم

وحاس فيكم

وما الومكم لو قلتوا انت خبل لا تفصل انت وانت وانت وانت

ثلاث اورااق موجهة للوالد والوالدة كل اربع شهور اكتبها

في داخلها اني رايح وسامحوني واسف يا ابوي اني مابيضت وجهك

ولكن اشوف الوالد اقطعها

ماني قادر اواجهه

مب خايف منه

خايف عليه

لان القلب عنده مريض شوي

يعني بأي صدمة يطيح علينا

وراح اموت لو صارله شي بسببي

لكن اناا

نفسيتي

حياتي

ابي اتزوج

ابي عيال

اللهم اني عبدك ابن عبدك ناصيتي بيدك ماض في حكم عدل في قضاءك اللهم اني اسألك بكل اسم سميت به نفسك أو انزلته في كتابك او علمته لأحد من خلقك ان تجعل القران ربيع قلبي ونور صدري وجلاء همي يارب العالمين

والله اني بغيتكم تخففو علي شوي

لاني ماني طايق هالعسكرية

ودوامي حفاظا على وجه الوالد الله يطول بعمره

ولكن اتمنى من خلال بحثي عن وظايف ان احصل وظيفة ترضي الوالد بالفصل وادعولي بالتوفيق

وشكرا لإدارة الموقع والاعضاء

اخوكم

اه يادنيا

الله يعينك وعسى ان تكرهوا شيأوهو خير لكم ماتدري الخيره في وين

وعلى فكره اللي يرسلك تجيب له طماط كل ما ارسلك اختار له صناديق طماط نصها خايس وودها لبيته ورجع له الباقي عشان لا يقول انك تاخذ خايس بنصف السعر وتاخذ الباقي
وخلك كذا لين اهله يشتكون من طماطك وبتلقاه اهو تلقائي بيجيب احد غيرك يقضي له
ههههههههههه

ههههههههههههه
معليش بس حبيت اوسع صدرك شوي من ذالضيق
وان مع العسر يسرى

ناقل ان شاء الله · #25 (**permalink**) 04-09-2009, 01:11 AM

انت دوامك ولا شي عند دوامنا بسلاااااااااااااااااااااااااح الحدود

اكبر ندم ندمته اني دخلتها

يبونا نحرس حدودهم وهم اخس معامله يعاملونا واخس دوام دوامنا يعني عذااااااااااااااااااااااب

تخيل انك تداوم 28 يوم بعيد عن اهلك
وتجيهم اسبووووووووووووووع

وفي 28 يوم ماتطلع ولا تروح حتى النزول ممنوع يعني سلم واستلم ويكون بعض الاحيان نقص واستلم ثلااااااث ايام ورى بعض

ولا اشوف قدامي غير بر وتعال شوفنا لا صار برد ممنوع نولع حطب ونتدفى

حتى بالسياره مافي مكيف عشان نشغل الحار

والاالقهر بعينه لاجاك واحد متزوج ويجيه ولد له اسبوع ماشافه والله انه بغى يبكي يترجاهم ينزلونه يوم عشان يشوفه يرفضون

تخيل نفسك بالمكان هذا وغير هذا يجيك الضابط عمره 22 ويهزئ واحد كبر ابوه والاجده

وربي الوضع اللي احنا فيه بسلاح الحدود مااااااااااااااايصلح واكثر الفصل فيه

وكثر اللي يدخلون يفصلون

والله انك في نعمه عند الوضع اللي احنا فيه واكثر ناس دخلوا النفسيه من هناك واكثرهم المدمنين هناك

بالله تخيل نفسك في بر طول الفتره هذي والله يعين اللي هلهم بعيدين عنهم يقعدون 40 يوم

احد يتحمل الوضع هذا ......لا والله ماحد يتحمله
هذا بسلاح حدود الشماااااااااااااااااااااال والجنوب اتوقع كذا

واذا جت على النفسيه فالنفسيه عدم

الله يكون في عوننا جميعا

الاخطبوط · #26 (**permalink**) 04-09-2009, 01:56 AM

أقلك أفصل لا تتراجع عن قرارك

انا عسكري مراسل في الدفاع الجوي ومعايا شهادة الكليه التقنيه وحاسب الي وصارلي نفس المنوال من اول اسبوع في العسكريه

اصلا الرائد قلي انت كل يوم تعال نظف المكتب وجيب الشاي قلت له طيب وماعاد شاف وجهي الى يومك هذا

بس انت وضعك حساس شوي لان مرتبط بوالدك حاول تشوف لك مخرج وصرف نفسك قبل لا تورط وتتزوج وتعرفها ماتقدر تعمل شيئ

انا بقلك كذا لاني عايشت الوضع

طبعا الي يقلك مافي وظائف اصبر والكلام هذا قله روح جرب ثاني يوم راح تفصل

سلام

ملازم بدون نجمهـ · #27 (**permalink**) 04-09-2009, 01:56 AM

لا افصل واسحب على ابو جدهم واتفل بوجه الضباط
لاكن خلص الجامعه قبل انتساب واترك العسكريه كلها وتوظف مدني مرتاح
او دبر واسطه وتدخل كليه تعلق النجمه
انت خلص الجامعه وبعدين شو وش خياراتك

آه يادنيا · #28 (**permalink**) 04-09-2009, 02:47 AM

اقتباس:

المشاركة الأصلية كتبت بواسطة بتلا

الله يعينك وعسى ان تكرهوا شيأوهو خير لكم ماتدري الخيره في وين

وعلى فكره اللي يرسلك تجيب له طماط كل ما ارسلك اختار له صناديق طماط نصها خايس وودها لبيته ورجع له الباقي عشان لا يقول انك تاخذ خايس بنصف السعر وتاخذ الباقي
وخلك كذا لين اهله يشتكون من طماطك وبتلقاه اهو تلقائي بيجيب احد غيرك يقضي له
ههههههههههه

ههههههههههههه
معليش بس حبيت اوسع صدرك شوي من ذالضيق
وان مع العسر يسرى

الله يجزاك خير اخوي وضحكتني والله بسالفة الطماط الله يوسع صدرك ولا تشوف الضيق ابد

اقتباس:

المشاركة الأصلية كتبت بواسطة ناقل ان شاء الله

انت دوامك ولا شي عند دوامنا بسلاااااااااااااااااااااااااح الحدود

اكبر ندم ندمته اني دخلتها

يبونا نحرس حدودهم وهم اخس معامله يعاملونا واخس دوام دوامنا يعني عذااااااااااااااااااااااب

تخيل انك تداوم 28 يوم بعيد عن اهلك
وتجيهم اسبووووووووووووووع

وفي 28 يوم ماتطلع ولا تروح حتى النزول ممنوع يعني سلم واستلم ويكون بعض الاحيان نقص واستلم ثلااااااث ايام ورى بعض

ولا اشوف قدامي غير بر وتعال شوفنا لا صار برد ممنوع نولع حطب ونتدفى

حتى بالسياره مافي مكيف عشان نشغل الحار

والاالقهر بعينه لاجاك واحد متزوج ويجيه ولد له اسبوع ماشافه والله انه بغى يبكي يترجاهم ينزلونه يوم عشان يشوفه يرفضون

تخيل نفسك بالمكان هذا وغير هذا يجيك الضابط عمره 22 ويهزئ واحد كبر ابوه والاجده

وربي الوضع اللي احنا فيه بسلاح الحدود مااااااااااااااايصلح واكثر الفصل فيه

وكثر اللي يدخلون يفصلون

والله انك في نعمه عند الوضع اللي احنا فيه واكثر ناس دخلوا النفسيه من هناك واكثرهم المدمنين هناك

بالله تخيل نفسك في بر طول الفتره هذي والله يعين اللي هلهم بعيدين عنهم يقعدون 40 يوم

احد يتحمل الوضع هذا ......لا والله ماحد يتحمله
هذا بسلاح حدود الشماااااااااااااااااااااال والجنوب اتوقع كذا

واذا جت على النفسيه فالنفسيه عدم

الله يكون في عوننا جميعا

للأسف هذا الوضع عايشينه لا تقدير ولا احترام من قبل الضباط

وبيجيه عيال وبيندمون في اللي يسوونهم بالبشر

الله يكون في عون الجميع

اقتباس:

المشاركة الأصلية كتبت بواسطة الاخطبوط

أقلك أفصل لا تتراجع عن قرارك

انا عسكري مراسل في الدفاع الجوي ومعايا شهادة الكليه التقنيه وحاسب الي وصارلي نفس المنوال من اول اسبوع في العسكريه

اصلا الرائد قلي انت كل يوم تعال نظف المكتب وجيب الشاي قلت له طيب وماعاد شاف وجهي الى يومك هذا

بس انت وضعك حساس شوي لان مرتبط بوالدك حاول تشوف لك مخرج وصرف نفسك قبل لا تورط وتتزوج وتعرفها ماتقدر تعمل شيئ

انا بقلك كذا لاني عايشت الوضع

طبعا الي يقلك مافي وظائف اصبر والكلام هذا قله روح جرب ثاني يوم راح تفصل

سلام

الله يوفقك اخوي وبشر عساك متوظف الحين

الله يجزاك بالخير ويوفقك دنيا واخرة

اقتباس:

المشاركة الأصلية كتبت بواسطة ملازم بدون نجمهـ

لا افصل واسحب على ابو جدهم واتفل بوجه الضباط
لاكن خلص الجامعه قبل انتساب واترك العسكريه كلها وتوظف مدني مرتاح
او دبر واسطه وتدخل كليه تعلق النجمه
انت خلص الجامعه وبعدين شو وش خياراتك

وانت الصادق ياخوي

لكن والله كرهت العسكرية ولاابيها بنجمة ولا بشرطة

والله يكون بالعون

وفكرت هاليومين اني اخذ قرض تكميلي من البنك وافتح فيه مشروع صغير

بس والله ماني عارف وش اسوي

وادعولي بالتوفيق