لي 3 سنين ماجاني خبر / دبلوم محاسبة

yaseer9 · #1 (**permalink**) 02-09-2009, 08:53 AM

السلام عليكم ورحمة الله وبركاته

مبارك عليكم الشهر........ ادري انها متاخرة شوي

اخواني اصحاب دبلوم المحاسبة .....

كلكم تذكرون التقديم في شهر رمضان عام1427 قبل 3 سنين على وظائف محاسبة . في وزارة الخدعة عفوا اقصد وزارة الخدمة المدنية..

طبعا ادري للحين ماصار شي ... هذا اذا كان فيه وظائف فعلا ؟؟ والمصيبة انهم حذفو الارقام للي قدم؟؟

الي يعرف وش صار بالموضوع المغبر هذا يـــــفــــيدنـــا

وكل رمضان وانتم بخير ,,,,,,

ملاحظة/ للي عنده صورة من عرض الوظائف يسدحها هنا على الاقل نحتفظ فيها في برواز

ياسينو · #2 (**permalink**) 02-09-2009, 09:58 AM

والله ياخوي علمي علمك انا مثلك دبلوم محاسبه لكن لسه ماخلصت اصول المراجعه والتكاليف قاعدتلي

التعليم الفني · #3 (**permalink**) 02-09-2009, 11:42 AM

على كلام الاخ عبدالرحمن الغامدي مدير قسم الترشيح بوزارة الخدمة المدنية ، وعند سؤالي له عن اوضاع حملة الدبلوم من الكليات التقنية والذين سبق لهم التقديم في العام 2006 على وظائف ادارية ، افادني انه لم يأتيهم شواغر من الجهات الحكومية او طلب موظفين من حملة الدبلوم ، واكد الغامدي على ان الطلب كله لصالح الجامعيين من حملة البكالوريوس في التخصصات الادارية اما اصحاب دبلومات علي الغفيص فلم يأتيهم طلبات بشأنها . واشار الى وجوب تحديث البيانات الخاصة بمن تقدموا للوظائف في تلك الفترة لدى فروع وزارة الخدمة المدنية ، وعند سؤالي عن رقمي في النظام افادني بأنني صاحب الرقم 7 على مستوى المملكة في ترتيب اصحاب الدبلومات من خريجي الكليات التقنية ، ولك ان تتخيل بأنني انتظر تعيين الخدمة المدنية لي من ثلاث سنوات و انا صاحب الرقم 7 في الترتيب .

وقد كانت آخر وعوده ببدأ التعيين لحملة الدبلوم هي في شهر شوال القادم .

طموحي غير · #4 (**permalink**) 02-09-2009, 05:59 PM

الله يوفق الجميع
لكن غرررريبة معقوله حذفو الارقام
انا اعرف اشخاص ماسكين ارقام الى الان

yaseer9 · #5 (**permalink**) 03-09-2009, 04:23 AM

ياسينو

اتمنى لك التوفيق وشد حليك

====
التعليم الفني

الله يكون يعونك رقمك 7 على مستوى المملكة وانتظار بعد ؟ اجل كيف انا رقمي فوق الالف ؟

ولو تكرمت مدير قسم الترشيح وين موقعه بجدة والا الرياض؟؟ ومتى قال لك الكلام هذا قبل كم مدة ؟

=======

متفاائل

هم ماحذفو الارقام لكن لما تراجعهم يقولون البيانات ماهي مسجلة او ماهي موجودة وراجع الوزارة بالرياض...

والشي الثاني ماتدري الارقام هي باقي نفسها والا تغيرت والا راحت

نبغى نشوف مشااركات الجميع ؟؟

الجنرال العاطل · #6 (**permalink**) 03-09-2009, 12:32 PM

طيب فيه وحدة معها بكالوريوس محاسبة تو تخرجت بشهر 7 اللي فات تقدر تقدم على الخدمة الحين وايش فرص المحاسبة في الوظائف الحكومية خصوصا ان البنت في الدمام
تكفون تكفون علموني لأن البنت نفسيتها دمار من الجلسة في البيت واللي يدلني ابدعيله مقدما
الله يفرجها عليه ويرحم والديه ,,

محب كتاب الله · #7 (**permalink**) 03-09-2009, 07:18 PM

السلام عليكم ورحمة الله وبركانة

ذهبت الى الخدمه المدنية في شهر شعبان قال لي الموظف ان الرقامكم محجوبه والله يرزقكم

مراقب من بعيد · #8 (**permalink**) 03-09-2009, 09:29 PM

الله يعين

التعليم الفني · #9 (**permalink**) 04-09-2009, 10:49 PM

اقتباس:

المشاركة الأصلية كتبت بواسطة yaseer9

التعليم الفني

الله يكون يعونك رقمك 7 على مستوى المملكة وانتظار بعد ؟ اجل كيف انا رقمي فوق الالف ؟

ولو تكرمت مدير قسم الترشيح وين موقعه بجدة والا الرياض؟؟ ومتى قال لك الكلام هذا قبل كم مدة ؟

مدير قسم الترشيح : عبدالرحمن الغامدي

الموقع : وزارة الخدمة المدنية بالرياض ، بجانب مكتب العمل عند تقاطع كبري الوشم مع طريق الملك فهد

وانا كل سنة ازوره مرة او مرتين واستفسر عن رقمي ، حتى صار يعرف شكلي من كثر ما ازوره ، وبكل مرة يقول لي للحين ما جانا شي بخصوص دبلومات الكلية التقنية ...انتظر ، وكان آخرها وقت مطابقة بيانات المتقدمين على وظائف ادارية قبل شهرين او ثلاثة ، وكان جوابه ايضا (هذه للجامعيين وعليكم بالانتظار ) .

وقد تم التقديم عليهم في شهر رمضان من العام 2006 ، يعني صار لها الحين ثلاث سنوات بالضبط .

تخيل ثلاث سنوات ورقمي 7 ولم يأتيهم شواغر من الجهات الحكومية .

الظاهر فيه ارقام من بعدي عندها مهارة في رياضة الوثب العالي والقفز الطويل .

لكن الله لا يسامحهم دنيا وآخرة

بالتوفيق اخوي مع رقمك الألف

محب كتاب الله · #10 (**permalink**) 05-09-2009, 05:39 AM

اقتباس:

المشاركة الأصلية كتبت بواسطة yaseer9

السلام عليكم ورحمة الله وبركاته

مبارك عليكم الشهر........ ادري انها متاخرة شوي

اخواني اصحاب دبلوم المحاسبة .....

كلكم تذكرون التقديم في شهر رمضان عام1427 قبل 3 سنين على وظائف محاسبة . في وزارة الخدعة

عفوا اقصد وزارة الخدمة المدنية..

طبعا ادري للحين ماصار شي ... هذا اذا كان فيه وظائف فعلا ؟؟ والمصيبة انهم حذفو الارقام للي قدم؟؟

الي يعرف وش صار بالموضوع المغبر هذا يـــــفــــيدنـــا

وكل رمضان وانتم بخير ,,,,,,

ملاحظة/ للي عنده صورة من عرض الوظائف يسدحها هنا على الاقل نحتفظ فيها في برواز

اخوي خريج سنة كم