[align=center]
السلام عليكم ورحمة الله وبركاته


في البدايه احب اشكر المنتدى وكل الاعضاء اللي فيه فردا فردا
منجد استفدت حاجات مررررررررررره كتير
الله يعطيكم العافيه ويجزي خير القائم على المنتدى

انا يااعزائي القراء متخرجه من جامعة الطائف تخصص نظم معلومات اداريه
وقبل مااتخرج وبالتحديد ايام التدريب كانت الحياه قدامي ورديه لاني كنت مقتنعه اقتناع تام انو تخصصي مطلوب وخصوصا اني اعتبر اول دفعه مو بس على مستوى الطائف على مستوى منطقة مكه المكرمه
فقلت اكيد راح اتخرج من هنا حااتوظف على طول
لكن تاتي الرياح بما لاتشتهي السفن
المهم ماعلينا من طووول الكلام<<<لو بتتكلم عن معاناتها يبغالها موضوع لحال

انا قررت اني اكون مشروعي الخاص
وهو زي ماانتو شايفين مشروع مدرسه اهليه في الطائف
انا لسى مابدات ولا في شي بس الفكره جالسه تنط في راسي لازم تتنفذ
عندي كذا استفسار بخصوص مشروعي قبل ماابدا اقدم على قرض لراس مال المشروع
اولها واهمها

هل تعتقدوا ان مدينة الطائف بحاجه الى مدارس اهليه يعني بالعربي حيكون في طلب على دي المدرسه
مدى اقبال مجتمع الطائف على المدارس الاهليه

ويفضل تكون اي مرحله(ابتدائي-متوسط-ثانوي)
في الغالب راح تكون المدرسه مدرسة بنات
عشان اسير انا المديره<<<<خخخخخخخخخخ

ووكمان عندي استفسار اخر
اللي هو جهة التمويل
اية احسن جهة تمويل تقترحوها وليش؟؟
يعني من قرائتي في المنتدى احترت بين عبد اللطيف جميل وصندوق المئويه يعني لكل واحد مميزات

يااريت الاقي احد يساعدني بخصوص دي الاستفسارات
لاني ناويه ابدا فيه و محتاره


ان شاء الله يكون الموضوع يفيد اي احد ناوي يعمل مشروع مدرسه اهليه
وان شاء الله لو ظبط الموضوع راح احط دراسة الجدوى الاقتصاديه للمشروع هنا عشان اي احد يحتاجها يستفيد منها

صح وكمان نسيت اسالكم ايش هي شروط وزارة التربيه و التعليم بالنسبه للمدارس الاهليه

ان شاء الله الاقي عندكم الجواب الشافي
عشان اجيبلكم الدفعه التانيه من الاسئله

دمتم بحفظ الرحمن

[/align]

فكره ممتازه
والله يوفقك

والله ما عندي اي خلفيه وان شاء الله الاعضاء يفيدونك ،،

موفقه بإذن الله ... لك مني أجمل تحية .

الله يوفقك
بس تحتاجين مبلغ كبير
للبدء في المشروع
الشروط ممكن تلاقيها في موقع الوزارة

الله يجزاكم خير جميعا
حمستوني
بالنسبه للتكلفه لسى الموضوع قيد الدراسه
وان شاءء الله ربنا يسهل


<<< في انتظاركم

فكرة مدرسة اهلية

يعتبر مشروع ناجح

لكن يحتاج إلى معرفة المنطقة المزمع إنشاء المدرسة بها

اذكر ان احد القائمين على مدرسة خاصة قال لي بان المشروع الوحيد الذي تعرف مكسبك منه و تاخذه من البداية هو مشروع المدرسة الاهلية
لان الطالب يدفع الرسوم من بداية العام و يستطيع مالك المدرسة تحديد رواتب المعلمين من بدايةالعام و حتى نهايته و المصاريف الادارية
عليه يعرف مكسبه مباشرة

مع ذلك فإن اول 3 سنين تقريباً لا يكون فيها مكسب مالي

لكن لو كان الهدف مدرسة بنات
فمن الافضل البدء في مشروع حضانة و تمهيدي
نظراً لقلة تكلفة الانشاء و لعدم الحاجة إلى توظيف العديد من العاملين مثل المدرسة الثانوية

مع ملاحظة ان المنطقة التى سيتم فيها إنشاء المدرسة مهمة جداً من ناحية الكثافة السكانية و نوعية فكر السكان و قبولهم للمدارس الاهلية

مع ضرورة ان يتم اخذ رسوم الدراسة من اول السنة و عدم التهاون في ذلك ابداً

و شروط التصاريح و ما يتبعه
عليك زيارة إدارة التعليم في منطقة المدرسة فهو الافضل

بنك التسليف يدعم المشاريع هذي الى 3 مليون ريال

يحتاج رأس مال كبير

اتمنى لك التوفيق

الله يوفقك

بس يبيلك شده حيل وشخص قريب منك
يساعدك في بعض الامور،،،،،ا

يسلمو كلكم بصراحه حمستوني
بس صراحه ماكنت اتوقع انو راس مال دا المشروع يكون كبير
زهير مكه
يعطيك العافيه على النصايح منجد استفدت
بس انا اخترت المراحل الدراسيه العليا لان مشاكلها اقل
وبعدين من واقع خبرتي في الطايف بصراحه مافي اقبال شديد على الحضانه ورياض الاطفال

ماااعرف ازا احد عندو رايي تاني؟؟

اماا بزيارتي لادارة التعليم الاهلي سهله ان شاء الله مع بداية الدوامات بعد العيد
لكن السؤال اللي ابا اسالو هل هما ممكن يعطوني معلومات من غير مايكون عندي مشروع؟؟

هتان الليل

امااا تلاته مليون مو كانها كتير معقوله توصل القروض لدا المبلغ لو كدا يعني اجلس اسدد في القروض عمري كلو
بس يعني اللي افهمو من كلامك ان يعطوني القرض على حسب احتياج المشروع والا لهم سقف معين للقروض؟؟


همة مواطن
بالتوفيق للجميع ياارب

فهد المضياني
ان شاء الله انا بس استقر على فكرة المشرووع ويكمل في مخي اكيد راح استعين باحد من اخواني عشان البروتوكولات الدوائر الحكوميه

يعطيكم العافيه على تفاعلكم كلكم

بانتظار الجواب الشافي لباقي اسالتي

تحياتي