أخوي تركي أول شي : السلام عليكم.....
ثاني شي شكرا على اعتدالك في ارائك و موضوعيتك لكن في بعض النقاط سمحلي اني اناقشك فيها:
"لا تعمم على الشعب السعودي "
أنا هنا معك تماما, و مو كل الشعب السعوديعنده العنصرية و انا بينت في رد سابق اني تعرفت على سعوديين زي العسل لدرجة انه يعامل الهندي و الباكستاني كأنه أخوه ,,,, لكن للأسف نسبةهذوله الناس قليلة... أخوي انا ما دخلت البلد أمس , انا هنا من أوائل الثمانينات و دخلت المدارس السعودية من من أول ابتدائي لغاية الثالث ثانوي و الله و الذي لا اله الا هو اني عانيت من عنصرية لا تطاق و لكن لازم اعترف انه الشعب السعودي في الثمانينات و التسعينات كان شي و بعد ال2000 بدأ يختلف و صار في ناس من الشعب يظهر احترام للمقيمين لكن كما قلت فنسبة هؤلاء الناس ما هي كثيرة ...

"والعنصرية موجوده ومافي احد ينكرها وانت خابر امريكا ايام الستينات والعنصرية ضد الزنوج "
أخوي ترا استشهادك هنا بأمريكا و العنصرية اللي فيها استشهاد خاطيء لسببين:
1- يا خوي ترا أمريكا ما هي دولة مسلمة انما السعودية هي دولة مسلمة و شعبها مسلم و فيها الحرمين...
2- رئيس أمريكا الحالي أسود و بالتالي هذا أكبر دليل على انهم تخطوا هذه المرحلة و ان كانت العنصرية مازالت موجودة و هذا لا نستطيع انكاره أبدا لكن نقدر نقول انهم تخطوا مرحلة العنصرية و لو بنسبة 60 أو 70 بالميه

و بعدين خلني أقولك شي: أنا أعرف واحد من جماعتي كان عايش في بريطانيا و جا السعودية و أذكر ذاك اليوم اني سألته سؤال:
يا فلان قللي أنت مسلم و في بلد نصراني, ياخي ما تعانون من العنصرية ؟؟
الرد:أنا يا فلان عشت في بريطانيا أكثر من 16 سنه و شكلي شرق أوسطي و الله أني ما عانيت من أي عنصرية لكن شفت العنصرية في السعودية من أول يوم دخلت فيه البلد في المطار....

المهم من هذا كله هو أني اللي أبغى أقوله انك لو تعاملت مع الأجانب بأخوة و احترام ترا والله تلاقي الشعور متبادل (على الأقل في 80 بالميه من الحالات) ترا الأجانب ما تعني فئة معينة محددة انما الأجانب هم :السودانيينو المصريين و الأترك و الو السوريين و الفلسطينيين و الأردنيين و الهنود و البنغال و الباكستانيين و اللبنانيين و الفلبينيين و .... و.... يعني مو معقولة تقدر تشملهم بصفة وحدة (على اختلاف أعراهم و خلفياتهم و أديانهم) ألا و هي الحقد على السعوديين و كرههم !!!

"...حبيبي السعودية دولة وشعب والله صدرها رحب للجميع واتحدى احد يعترض لك وياخذ حقك و يظلمك "
ترا لو معي وقت و لو كان اللي بقوله بيحل مشكلةتراني أكتبلك مجلدات عن الظلم و التبلي اللي شفته أو تعرضت له خلال ال 30 النسه غير القصص اللي أسمعها

"والله لو تبيني احلف لك ان غالبية العالم العربي لحم كتوفهم من خير ارضنا "
أخوي ترا الأجانب كلهم 8 مليون و ما اعتقد ان العرب فيهم يشكلوا أكثر من 50 في الميه
و ترا الرزق على الله زي ما الله رزقكم بترول
و بعدين مافي واحد من هذوله الأجانب جالس و يجيه راتب من لا شيء ترا كلنا قاعدين نشتغل و نتعب و ناخذ أجرنا على حسب الشغل, بعض الأجانب يندفعله راتب ما يستاهل نصه و بعضهم يندفعله ربع ما يستحقه لكن اللي مصبره هو تحويل العملة ممكن يساعد أهله و في الاخر كله رزق من عند الله... و أي أجنبي دخل البلد انما دخل البلد بناءا على عقد عمل ن شركة محتاجة خدماته و ياخذ راتب على ذا الأساس

"صدقني والله لو تروح دوله ثانيه والله تشوف السعودية نعمة من الله"
أخوي و الله مما يؤسفني اني أقولك انه هذا كلام فيه بعض الصحة لكن لو تشوف كندا أو أستراليا أو بريطانيا أو نيوزيلندا أو فرنسا (كلهم بلاد نصرانيه) كيف تتعامل مع المقيمين و الله يشيب شعر راسك...
طبعا انت بتسألني طيب ليش مو كل الأجانب اللي في السعودية يروحون هذي البلاد؟؟
الجواب سهل:
1- السعودية بلد غني بالبترول و ما فيه ضرايب(اذا ما حسبنا تجديد الأقامة كل سنه و تأشيرة الخروج و العودة و تكلفة تغيير الكفيل) لكن مع ذلك يقدر الواحد يجمع فلوس في السعوديه أكثر من أي بلد اخر في العالم
2- ذوليك البلاد هي بلاد نصرانية وممكن الوحد يضيع دينه فيها

في الاخر ابي أقول أني انا ما كتبت الموضوع الا عشان أعرض عليكم المشكلة اللي انتو تعانون منها من زاوية أخر و حبيت انكم تسمعون رد من الطرف الاخر(الأجانب) اللي في كثير من المقالات هنا شتمهم ولقبهم بالحثالة..
أخوي ترا مثل ما البلد هذي أعطت الأجانب ترا الأجانب ما قصروا و لهم أيادي فضل هائلة في نهضة البلد...
مين قلك ان الهندي مبسوط بأنه يجلس تحت الشمس الحارقة أكثر من 10 ساعت في اليوم؟؟؟
مين قلك ان الشامي و لا اليمني و لا المصري مبسوط انه تارك أهله ما يشوفهم الا كل سنه مرة؟
مين قلك ان الأجنبي اللي من اصحاب المهن المتواضعة مبسوط انه بعيد عن زوجته و أطفاله لأن الدوله ما تسمحله يستقدم زوجته؟
مين قلك ان الهندي للي صارله جالس في لبلد أكثر من 3 سنين ما هو قادر يرجع بلده لأن كفيله حاجز جواز سفره من 3 سنين و ما هو راضي يعطيه اياه الا اذا الهندي دفع مبلغ من المال يقدر بالالاف؟؟
أخوي للأسف انه احنا عندكم في بلدكم بس لا احنا نختلط فيكم و لا انتو تختلطو فينا و بالتالي هذا الشي يساعد على اعماء الحقائق ...

أعتذر عن الإطالة لكن أنا حبيت انقل صورة من الطرف الاخر... و أسعدني وجود ناس يتقبلون النقد و يناقشو بهدوء و بعقلانية.... أنا أتمنى ان هالنوع من النقاش يستمر(بين السعوديين و المقيمين) على أرض الواقع و أنا متأكد ان معظم المشاكل اللي الأجانب يعانون فيها من السعوديين و معظم المشاكل اللي السعوديين يعانون فيها من الأجانب بتنحل أكيد....
أنا في حقيقة أخفيتها ألا وهي اني أنا بعد 30 سنه تركت السعودية و رجعت بلدي....

شوف يا اخي الفاضل كلامك فيه من الصحة الشي الكثير , لكن كلام زي دا ماينفع تجي تقوله هنا , كلامك توجهه لموظفين في بيئة عمل متعددة الجنسيات , اوضح لك اكثر , يعني انتا جي مكان الأغلب فيه ماهم لاقين وظايف و جي تحاورهم وتحطلهم نقاط ضعف الموظفين السعوديين , هادا شي غلط انتا زي الوزير الي اقالوه لما قال للمواطنين لما ارتفع سعر الارز انه الي مايقدر يشتري رز ياكل بسكوت ! , مع ذلك بما اني موظف من سنوات في مجال فيه بيئة متعددة الجنسيات حاعطيك المساوئ الي جاتنا من استقدام الأجانب للعمل , وطبعا قبل ماتكلم لازم تعرف انه فيه الطيب زي مافيه البطال , مثال عندي في عملي جات فترة مسك رئاسة مجموعة من الادارات اجنبي من جنسية معينة , بدأ يستقدم من جنسيته مالايقل عن 4 شهرياً وبمرتب لايقل 20 الف ريال و لاخبرة مفيدة ولا يحزنون مجرد انه بدأ يكون لنفسه مملكة حتى يكون كل من حوله من جنسه ويكون في بر الأمان , السعودي المجتهد شبح وفعلا هوا يلاقي الدعم ماهو حباً له , وإنما خوفاً منه , لأنه إذا ظل مجتهد طبيعي راح يصل لمناصب عليا , الشاهد في الموضوع هالاجنبي وظف مالايقل عن 25 في اقل من ستة اشهر من جنسيته , ووصلت رواتبهم بمعدل مابين 20 الى 120 الف ريال ! , طيب لو يضيفو شي للمنشأة انا اقول يامرحبا ألف , لكن عالة و لاشغله ولامشغله و تضيع فرص على ابناء وطني؟ هذا انا مااقبله مطلقاً , اذا كان عن السعوديين زمان ممكن كانوا مستهنين في القطاع الخاص , لكن الان تأكد تماما بأنهم هم الأكفأ وهم الأجدر بتولي زمام العمل في المنشأت السعودية بشهادة الجميع , وبرواتب تصل الى نصف مايتقاضاه الاجانب على قلة فايدة ,
طيب تجي الان تقولي اجنبي ضيع عمره وخدم السعودية , ياخي اقلك استريح ماحد طلب منكم الخدمة ولا تضيع العمر خلكم في دياركم , وخلي ابناء الوطن يقودون منشأت وطنهم , ولله الحمد الكثير منهم مؤهلون علميا وعمليا و قادرون بحول الله على تخطي عقاب العمل , يعني الاجنبي مايملك عصا سحرية حتى يشتغل ياسيدي الفاضل

عموما ارجع واقلك احنا كسعوديين لما نطلع من مدينه لمدينة نلتزم بمقوله ياغريب خلك أديب !

فكيف بمن هوا شقحها شقحن بالطايرة من ديرة مايدري عنها أي شي ؟

والله من وراء القصد..

اخوي الكريم انا ماراح اطول الموضوع و هو قصير لكن راح اسئلك سؤال واحد وجواوبني عليه بصراحة وانتا راح تعرف قديش السعودي مظلوم في بلده تمام
لو مثلا ان اي اجنبي راح اي بلد غير بلده هل يستطيع ان يتعامل مثل المواطن و هل لو السعودي راح اليمن ولا مصر ولا السودان ولا اي بلد ثاني هل سياعملوه نفس المعامله التي يتعامل معها الاجنبي في السعودية احسن وظائف و احسن عيشه لكن الدول الثانية على طول من يوم ما يجي الاجنبي بلدهم يطردوه يدوب يخلص زيارته و يمشي على طول .
هل للمواطن مكان افضل من ان يعيش فيه بحرية و بكرامة غير موطنه يعني نسيب لكم الجمل بما حمل و احنا ناكل تراب عشان ترتاحو و عشان نعجبكم و تقولو عننا اننا ناس مش عنصرين لكن لا والف لا جالسين لكم للابد الين ما ياخذ اخر مواطن حقه من كل اجنبي .

أخوي meme336:
الرد باختصار:
لو أن أي أجنبي راح أي بلد عربي اخر فهو بيروح لسبب واحد و هو انه معاه مؤهل غير موجود عند أهل البلد و ترا بيتعامل مثله مثل أهل البلد و بياخذ راتب مثل أهل البلد , أقل ما فيها ان جواز سفره بيكون معاه يسافر و يرجع من غير تأشيرة و يقدر يتملك بيت و لا سيارة من غير اذن اي احد و عادة يتزوج من بنات البلد من غير موافقة الحكومة.....
"هل للمواطن مكان افضل من ان يعيش فيه بحرية و بكرامة غير موطنه يعني نسيب لكم الجمل بما حمل و احنا ناكل تراب عشان ترتاحو و عشان نعجبكم و تقولو عننا اننا ناس مش عنصرين هل للمواطن مكان افضل من ان يعيش فيه بحرية و بكرامة غير موطنه يعني نسيب لكم الجمل بما حمل و احنا ناكل تراب عشان ترتاحو و عشان نعجبكم و تقولو عننا اننا ناس مش عنصرين "
أنا معاك 100 في ال 100 .. هذا بلدك و حقك انك تشتغل فيها أكثر مني و غيري من الأجانب و أنا يوم انتقدت عنصريتكم ترا ما انتقدتها عشان انا و غيري من الأجانب نحبك و بس, انا قلت لو حطيت العنصرية على جنب بتلاقي المعاملة بالمثل من الأجانب اللي معاك بالشغل و ما حد بيحاول يطفشك و ما حد بيمارس عليك العنصرية اللي انتو تعانون فيها من الأجانب.
بالنسبة لجملتك:
"لكن لا والف لا جالسين لكم للابد الين ما ياخذ اخر مواطن حقه من كل اجنبي"
انا معاك خليك صابر حتى النهاية زي ما انت صابر على مديرك السوداني, لكن انتبه مو أنا و لا معظم الأجانب اللي شغالين في مناصب عادية(مهندس, طبيب, محاسب,فني,ممرض,.....) اللي اكلين حقك و ظالمينك.... شوف اصحاب القرار في الشركات ليش جابوا الأجنبي و خلوا السعودي؟؟ و شوف اصحاب القرار في الحكومة ليش فاتحين باب الاستقدام على مصراعيه ؟؟

أخوي تركي العنزي:
الله يسماحك و يهدي انا لا لفيت الموضوع و لا شي انما انا كنت أرد كلامك و بس و ما ظلمت أي أحد....

"اذا انت متضايق من الشعب السعودي ترى الامارات والكويت وليبيا الخ شعوب محترمه وراح تلاقي من يشيلك في عيونه "
كوني متضايق من الشعب السعودي و لا لأ ما هو موضوعي انا ذكرت اللي ذكرته في المشاركة سابقة ردا على كلام انك تتحدى ان أي أجنبي اتاكل حقه في السعودية و لا ان أي سعودي تعرض لأي أجنبي بالسؤ,

"وانت الان مثل اللي ينقز النعمة من عيونه واذا الاجانب لهم فضل على هذا البلد تراه بفلوس وخير ارضنا لا انت ولا غيرك جيتنا عشان سواد عيونا انت تبي امات خمس كل شهر "

للأسف انت اخذت جزء من جملتي و نسيت السياق زي " و لا تقربو الصلاة"
أخوي انا ماني ساذج لدرجة اني أظن ان أي أحد دخل البلد و يشتغل فيها لسواد عيون السعودية ترا كلنا نشتغل عشان الراتب اللي ناخذه في السعودية احسن من اللي ناخذه في بلادنا و أزيدك من الشعر بيت, ترى يوم بيخلص البترول ما بتلاقي أي أجنبي بالبلد....
و لو رجعت و قريت المشاركة السابقة بتلاقيني دايم أقول ان الأجنبي دخل البلد بناءا على عقد....
و انا كتبت المشاركة السابقة ردا على كلامك ان كل الشعوب العربية لحم أكتافها من خير السعودية
و زي ما قلتلك بالمشاركة السابقة برجع و أعيد نفس الجملة :
"ترا مثل ما البلد هذي أعطت الأجانب ترا الأجانب ما قصروا و لهم أيادي فضل هائلة في نهضة البلد"
يعني علاقة مصلحة متبادلة

أخوي أبو ابراهيم:

" بما اني موظف من سنوات في مجال فيه بيئة متعددة الجنسيات حاعطيك المساوئ الي جاتنا من استقدام الأجانب للعمل , وطبعا قبل ماتكلم لازم تعرف انه فيه الطيب زي مافيه البطال , مثال عندي في عملي جات فترة مسك رئاسة مجموعة من الادارات اجنبي من جنسية معينة , بدأ يستقدم من جنسيته مالايقل عن 4 شهرياً وبمرتب لايقل 20 الف ريال و لاخبرة مفيدة ولا يحزنون مجرد انه بدأ يكون لنفسه مملكة حتى يكون كل من حوله من جنسه ويكون في بر الأمان , السعودي المجتهد شبح وفعلا هوا يلاقي الدعم ماهو حباً له , وإنما خوفاً منه , لأنه إذا ظل مجتهد طبيعي راح يصل لمناصب عليا , الشاهد في الموضوع هالاجنبي وظف مالايقل عن 25 في اقل من ستة اشهر من جنسيته , ووصلت رواتبهم بمعدل مابين 20 الى 120 الف ريال ! , طيب لو يضيفو شي للمنشأة انا اقول يامرحبا ألف , لكن عالة و لاشغله ولامشغله و تضيع فرص على ابناء وطني؟ هذا انا مااقبله مطلقاً , اذا كان عن السعوديين زمان ممكن كانوا مستهنين في القطاع الخاص , لكن الان تأكد تماما بأنهم هم الأكفأ وهم الأجدر بتولي زمام العمل في المنشأت السعودية بشهادة الجميع , وبرواتب تصل الى نصف مايتقاضاه الاجانب على قلة فايدة "

كلامك ما عليه أي غبار, انا شهدت هذا الموضوع بنفسي لا بل و عانيت منه,
أخوي انا ما قلت ان الأجانب كلهم ملائكة , فيه الصالح و فيهم الطالح , فيهم المحترم و فيهم السيء.....
لكن خلني أسألك سؤال:
عل افترض الأجانب كلهم طلعو من السعودية , و صارت كل الشركات الخاصة فيها سعودة 100% تمام!!!؟
طيب, انا استطيع اني أجزم ان نفس الشي اللي سواه ذاك الأجنبي بيسويه السعودي لو كان مكانه (طبعا مع اعتبر وجود الصالح و الطالح) يعني:
لو كان من قبيله معينه بيبدأ يجيب الناس اللي من قبيلته و اللي من القبايل الثانية لهم الله, أو بيجيب أولاد القبايل و الحضر الله يعينهم.... تقدر تنكر ان في سعوديين يسوون كذا؟؟
في الاخر الصفة اللي انت قلتها موجودة في كثير من الأجانب و هي انه يجيب عيال ديرته و انا ما انكر...

"طيب تجي الان تقولي اجنبي ضيع عمره وخدم السعودية , ياخي اقلك استريح ماحد طلب منكم الخدمة ولا تضيع العمر خلكم في دياركم , وخلي ابناء الوطن يقودون منشأت وطنهم , ولله الحمد الكثير منهم مؤهلون علميا وعمليا و قادرون بحول الله على تخطي عقاب العمل , يعني الاجنبي مايملك عصا سحرية حتى يشتغل "

انت سويت زي تركي, اخذت كلمة من جمله و رديت عليها و نسيت السياق, برجع و بعيد نفس الجملة:
"انما ما يهمكم هو جنسيته, يعني قد يكون أستاذ أفنى عمره في هالبلد و علم أبناء هذا البلد أكثر ما يكون علم أولاده لكن بما أنه غير سعودي فهو حثالة يمكن الاستغناء عنها في أي وقت"
هو أكيد ما أفنى عمره عالفاضي و خدم البلد ببلاش, لأ كان ياخذ راتب , لكن أخوي لو انت عندك شركة و عندك موظف جلس عندك 30 سنه, هل بعد ال 30 سنه من الشغل و صابرمعك على الحلوة و المرة بتعتبره حثالة ممكن ترميه بأي وقت؟؟

أما بالنسبة لجملتك:
"ياخي اقلك استريح ماحد طلب منكم الخدمة ولا تضيع العمر خلكم في دياركم ,وخلي ابناء الوطن يقودون منشأت وطنهم , "
أرجع أعيد و أكرر للمرة العاشرة:
ما حد فينا يا هالأجانب دخل للمملكة العربية السعودية غصب أو تهريب على الحدود, انما كان في شركة طالبه موظفين و حست انها ممكن تستفيد من خدماتنا لذلك جينا و دخلنا البلد, اما ليش هذي الشركات جابت أجانب و ما وفرت على نفسها التعب و جابت سعوديين,,,, و الله هذا سؤال توجهه لأصحاب الشركات(اللي هم سعوديين) أو المدراء الأجانب (اللي موظفين من قبل أصحاب الشركات السعوديين)

أما بالنسبة لجملتك:
" ولله الحمد الكثير منهم مؤهلون علميا وعمليا و قادرون بحول الله على تخطي عقاب العمل "
أنا ما عندي شك أبدا...انا قلت و برجع بقول اني تعرفت على عدد من السعوديين و اله يرفعون الراس شغل و تفاني في العمل و محترمين

أما بالنسبة لجملتك:
"عموما ارجع واقلك احنا كسعوديين لما نطلع من مدينه لمدينة نلتزم بمقوله ياغريب خلك أديب !"
ممممممم..... مو كلكم ينطبق عليكم هذا المقولة , فيكم لصالح و فيكم الطالح زي ما بقية الشعوب فيها الصالح و فيها الطالح.....

اشكرك اخوي محتسب على ردك
لكن احنا مانطلب ان كل الاجانب يطلعون من البلد و نجلس كاننا عايشين في كوكب اخر مو على الارض
لكن يكون الاجنبي و يكون في السعودي و انا ما انكر ان في خبرات اجنبية و عقليات جبارة وهذولي ماننكرهم حقهم لكن انا اتكلم عن الاجانب العادين الي ممكن يكون مكانهم السعودي و ممكن يكون اكفاء و اجدر باهالمكان لكن انا اقلك يكون في احلال تدريجي و يكون فيه عدل و مساواة في التعامل مع السعودي و الاجنبي يعني محد يتميز على احد باي شي ولو ريال واحد والله طلب بالعدل و المساواة بين الناس يعني لما يجي اجنبي زي زيه مافي اي فرق في الشهادة و لا الخبرة و ممكن اكون انا احسن منه و ياخذ راتب زي و اكثر غير التذاكر السنوية و البدلات الاخرى هذا مافيه غبن و قهر و من ناحية ان التجار يفظلون الاجنبي عن السعودي انا اقلك ليش لان الاجنبي يخاف و يسوي كل شي يطلبه منه التاجر لكن السعودي يقله لا اذا شاف شي غلط و ينكر عليه عشان كذا التاجر السعودي مايحب ابن البلد و دائما احنا السعوديين معروفين و مو شي جديد ان خيرنا لغيرنا ماتشوف المساعدات الي بالملايين للدول الاخرى و لو انتا رحت كمواطن و طلبت مساعدة في ايجار بيت ولا اي ضائق مالي يمر فيك راح تتبهذل اخر بهذله اذا ما انطردت كمان
وكمان لا تنكر انه في لوبي اجنبي قوي يحارب السعوديين و يوقف في وجه السعوده و هذا لا يحتلف عليه اثنين لان هذا الوضع الحالي يوجد كثيرين مستفيدين منه من ناحية التاشيرات و المتاجرة فيها و من ناحية جلب الاقارب و الجماعة من البلد الذي يكون منها المدير الاجنبي فلو تعدل الوضع راح يكون هناك فئة كبيرة ماراح ترضى على هذا التحول .
و ترى على فكرة عشان نكون حقانين كمان انا اعرف ان فيه سعوديين شباب مهم حقين شغل و مستهترين لكن برضوا على الجانب الاخر يوجد سعوديين زي الذهب و السعودي الامين و الشغيل و الملتزم زي المعدن الذهب لا يتغير مع مرور الزمن لكن في هالايام الخير يخص و الشر يعم يعني ممكن البطال يضر الصالح و بكذا ممكن الي هم في الاصل ملتزمين و مواضبين ممكن يتغرو من الوضع الي عايشين فيه و من المساءة التي تمر فيهم .
تحياتي لك .

أخوي meme336
أشكرك على الرد و ما عندي أي تعقيب عليه لأن كلامك منطقي....