ليه كل مدير يستغل موظفاته كنت اتصور وانا صغيرة ان افلام الابيض والاسود والمسلسلات المصرية مجرد تمثيل والله اللحين انا ادركت ان كل مدير يملك شركة
علاقاته مشبوهه او يسعى لخلق الشبهات بينه وبين موظفته ..كل مااشتغلت في مكان
شفت مدير اقليمي داق الصحبة مع موظفة ومكالمات بالساعات وضحك وقاعدة اقول بيني وبين نفسي معقوله يكون مكالمات عمل فقط طيب وضحكه وياها وغشمرته
والدخول للتفاصيل شخصية بعيدة عن العمل واللي تكلم مديرها عشان مايخصم عليها
واللي تكلمه عشان يصرف لها راتبين مقدم لشهرين جايين ماادري ليش التسيب هذا
ليه كل هالمدراء اللي عندهم فلوس لمن يحبون يراهقون على كبر ماينشغلون بحاجة ثانية غير فتح هالشركات اللي ماعليها رقابة ولاشي وبالذات وكالات السفر وشركات التسويق والمشاغل الخاصة والشركات الدعاية والأعلان ومع العلم ان في بعض الشركات تكون شقق في عمارة ومغلقة وين الرقابة عنهم وفيه كثير منهم في الخبر شكلها مخيف وكلا من وراء اصحاب الكروش (المدراء)رجال الأعمال اللي فلوسهم زايدة .كل مدير مخطط يتعرف له على بنت اصغر منه ونشاط عمل ماتشوف اي نشاط في الشركة .
_______________________________________________
بقولكم تجربتي تدربت في شركة وكنت استغرب طول فترة تدريبي مااشوف اي حركة
اي نشاط او عمل ولمن اسال الموظفات وين شغلكم يقولون مافيه فترات وفترات
معقولة شهر مافي عمل وكيف يكون دخل الشركة وهو مافي شغل
اللي لاحظته اتصالات المدير المتكررة مع الموظفات والمزح معهم او محاورته لهم في الماسنجر وكنت لمن اشوف كل شوي مكلم وحدة ومسكر مكلم الثانية تجيني ريبة وغصة من الموضوع وخوف ومره اتصل وكلمته بكل رسميه نعم لا وشكرا وانهى المكالمة بسرعة -------مااعجبه الوضع وكنت اقول في داخلي لازم افرض شخصيتي من البدايه والبنت هي اللي تجيب المشاكل لنفسها .
اخبر الموظفات ان فترة تدريبي انتهت وانه سوف يتم الاتصال فيني قريبا وبعد فترة بااسبوع تم توظيف مكاني لبنانية ولمن اتصلت بالموظفات اعلموني انها تم تعينها بدون تدريب وانهم مستاين منها كثيرا لانه اتصالاته اصبحت بها كثيرا وهم مطنشهم ولايسالهم اذا محتاجين شي للدوام والالا ....
والحمدالله اذا هذي اولها ينعاف تاليها .
السؤال اللي يطرح نفسه حنا في السعودية والالا ؟؟يعني لازم اصير مستهترة مثل هالبنات عشان انقبل في وظيفة ويرضى عني المسؤل ؟؟