احد اسباب فشل المشاريع للسعودي وهذا نداء عاجل

وسيط مكة · #1 (**permalink**) 06-09-2009, 10:13 AM

السلام عليكم ورحمة الله وبركاته

اخواني فتحت بقالة وللاسف لاحضت المندوبين الاجانب هم اسباب فشل المشاريع وهذة قصتي مع مندوبين لشركات .

اتفقت مع احد شركات الالبان بمكة لتوصيل طلبية للبقالة من الالبان والزبادي طبعاً اتفقت معه على تنزيل البضائع بثلاجة خاص للمحل وعندما سلت عن ثلاجة للشركة لللعرض رفض المشرف السوداني انزال ثلاجة إلا بعد المبيعات طبعاً بقالة جديدة كيف مبيعات ؟ المهم توكلنا على الله وتعاملنا مع الشركة للالبان وبعد فترة طلبت من المندوب الحضور للمساء اسواء بالبقالات الاخرى حيث ان العامل الذي بالمحل رفض العمل بقلة الراتب 1500 . وطلبت منهم تفهم وضعي بان البقالة لاتعمل بالصباح وانما من بعد صلاة الظهر طبعا قبل رمضان .. ورفض انزال بضائع لنا ... ولاادري لماذا السعودي محارب من الاجانب بالشركات ويرفضون التعامل معه او انزال له ثلاجات او اي شي إلا بالقوة الجبرية عندما تهددة بالرفع للادارة ,,,,

سؤالي لماذا لا يكون المؤزعين والمندوبين سعوديين ؟؟؟

والله من وراء القصد

بنك الراجحي · #2 (**permalink**) 06-09-2009, 10:27 AM

والله ياأخي نحن ماشين..(ببركة الحرمين(..ولا النظام هنا ما أدري كيف ماشيء..مع انه غلط في غلط..حسبي الله قهروني.

هامور سابقا · #3 (**permalink**) 06-09-2009, 02:53 PM

ربي يرزقك ويعينك عليهم

فهد المضياني · #4 (**permalink**) 06-09-2009, 09:40 PM

طقها والحقها
لاتعليـــــــــــــق

لماذا · #5 (**permalink**) 06-09-2009, 11:20 PM

عندنا بقالة بالرياض يشتغل فيها يمنيين وأشوفهم دايما مشاده
بالكلام مع المندوبين (مصريين و هنود)
و بصراحه دايما أحاسب و أطلع و لا أدقق بإيش يتكلمون
لكن مره كأني فهمت إنه يراجع معهم الفواتير و فيها أخطاء

و الله يوفقك

السلاطيـن · #6 (**permalink**) 06-09-2009, 11:31 PM

اهلا اخي
ترى انت مافهمت قصدهم يأخي بعض المندوبين يبغى له دهن سير يعني تعطيه مبلغ على الفاتوره
حتى اذا تبغي تنزل بضاعة بـ مائة الف نزل لك وهذه منتشره بكثره وخاصة المندوبين المصريين
اتمنى اني افدتك
وتقبل تحياتي
السلاطين

لماذا · #7 (**permalink**) 07-09-2009, 12:03 AM

فعلا أخ ر السلاطين ر
بعضهم شكله يبغى له دهن سير
وبعضهم يبغى له شدة في المعامله عشان ينضبط

رفيع الهام · #8 (**permalink**) 07-09-2009, 02:33 AM

ياخوي صاحب الشركه او الاداره اكيد سعودي

المفروض تتصل عليهم

وشف الحل

رفيع الهام · #9 (**permalink**) 07-09-2009, 02:35 AM

ونصييييييحه

بنقالي او مصري لاتشغلهم بالمحل والسدوانين في انواع ههه عندك سودانين حقين شغل مدري وين ديارهم

وفي سودانين مثل المصري والبنقاالي دايم نلاقيهم في محلات الزينه مدري من اي ديره هم

H 2 · #10 (**permalink**) 07-09-2009, 03:05 AM

اخوي اغلب البقالات الي توها فاتحة
تطلب من المندوب يتزل عندهم لبن وزبادي وحليب لنفرض اننا نتكلم عن مناديب شركات اللالبان
وتستمر شهر,والوضع تمام ينزل عندك البضاعة حقت اليوم وبعد يومين يجيك ويستلم مبلغ بضاعة قبل يومين وينزل عندك بضاعة جديدة وهكذا
وللعلم اغلب اوقات البيع يكون من الساعة 7صباحاً الى2ظهراً
والى يوزعون بالليل قليل

نكمل قصص بعض المحلات
يجي ينزل لهم المندوب وبعد شهرين او ثلاثة من التوزيع المتسمر, يطلب صاحب المحل ثلاجة ويأمنونها له وبعد فتره تلاقي المحل يعدي خمس شهور وصاحبة السعودي كان فاتحة ومفكر انه من هالبقالة بيطلع كل شهر 30الف وعدا خمس شهور وبالاخير كل شهر يطلع له صافي 5000ريال
خلاف لو ان الى فاتح المحل عامل هندي او غيره فتلاقي العامل يرضى بل انه يحلم ان يكون شهرياً يطلع 3000فقط

((مع محاربتي لتأجير المحلات للعمال ولو ظطريت الى اقفالة))
بعد فتره صاحب المحل يغلق المحل ويكتب للتقبيل وحاط رقم مثلاً مكتب عقار والثلاجات فيه وفيه بضاعة لمندوب اللبن الى نزل عنده يعني نقول مثلا نزل بضاعة بمبلغ 850ريال وفوقها الثلاجة , والمندوب خلفة عمل ماهو فاضي يطرد خلف راعي البقالة والشركة بتخصم ال 850 من راتب العامل.
فعشان كذا المناديب يخافون ولو انا مكان المندوب مابعت للكل عشان كذا تلاقي بعض المناديب توزيعهم قليل لانهم بالتأكيد تعرضوا للدغة فاصبحوا يوزعون لمحلات معينة ويبيعون بكل راحة مثلاً للبقالات الى بالمحطات مهما كانت الكمية التى يريدون.

وقفة معك اخي
يعني بالله بقالة ماتفتح الا بعد الظهر اجل بكره بتقول بعد العصر وبعده بتقفل المحل بتقول بسافر مثلا او بطلع هنا او هناك

وش يعمل المندوب وهو وراه جرد اسبوعي وشهري؟؟

اخوي ياليت الواحد يلتزم بنفسة اول بعدين يحاسب الناس وانا اتكلم معك ناصح لك
وحيادي بالموضوع سوا لك كسعودي او للمنادين كأجانب

انا لو في بقالة تفتح على كيف صاحبها صدقني ماراح امر عليها لاني لو جيتها اكيد بيكون ناقصها اشياء كثير واتحدى مادام محلك يفتح بعد الظهر انه كامل بكل المواد الغذائية المهمة والاساسية تلاقي جبن نوع واحد يمكن وخبز يوم يجي وعشرة مايجي يعني بالعربي البقالة مع انها بدائية ولا تحتاج الى حرفنه لكن لازم تفتح مع الناس وتسكر مع الناس

اخاف باكر تقول للمناديب يجونك بالبيت وياخذون مفتاح المحل وينزلون البضاعة ويرجعون لك المفاتح

وبالاول والاخير المناديب مايبون غير حقهم وهم مو ملزمين انهم يلتزومون مع اناس غير ملتزمين في عملهم قد اكون قسيت عليك لكن بالاول والاخير ما يصح الا الصحيح

وبالنسبة لا استفسارك عن عدوم وجود مناديب سعوديين.
وذلك لان انتاجية العامل السعودي كمندوب قليلة مقارنه بالهندي او الباكستاني الذي ينتج ويوزع ضعف العرب ولا ادري لماذا !!

مع ان فيه سعودين يوزعون بشكل ممتاز وكانوا معنا في هذا المنتدى وتشرفت بمعرفتهم.

يعني عندك السعودي/اليمني/السوداني/المصري توزيعهم متقارب يعني انتاجيتهم متقاربة ومتدنية وبحكم قلت الراتب تجد انه لايوجد سعوديين يعملون مناديب الا قلة.
ولكن تجد المناديب السعوديين في وكالات السيارات ينافسون بل انهو عمل جميع الاجانب في التسويق. وذلك لان فيه نسب عالية تصل الى ان يكون راتب المجتهد منهم الى 100الف شهرياً حسب اجتهادة والبعض 7000ريال فقط!!

ولان العمل كمندوب بشركات التغذية يعتمد على نسبة يعني راتب1000ريال
ونسبة على كل كرتون او علبة الخ
وفي مناديب يصل راتبهم الى10000ريال شهريا وفي مناديب
مايصلون الى الهدف الموضوع له من قبل الشركة
فيكون راتبه فقط 1000ريال اضف الى ذلك انها متعبه
لانه مثلا الشركة تضع امامك هدف وهو توزيع 5000علبة مضروبة في مثلاً 20 هللة

وياتي اخر الشهر والمندوب لم يوزع الا 4800علبة وبهذا يحرم من النسبة ويعطي فقط راتبه الاساسي الف ريال
وتقبل تحياتي