السلام عليكم ورحمة الله وبركاته

أبدأ بسم الله الرحمن الرحيم بعد ما اشكركم على هذا المنتدى الاروع من رائع أود استشارتكم في مشروعي فأنا مشروعي عباره عن محل الكترونيا نساااائي فيه كمبيوترات وجوالات من ناحية فورمات واكسسوارات واستعادة ملفات محذوفه يعني بشكل عاااام وباختصااار المشروع هذا يخدم الفئه النسائيه ويحفظ خصوصيتها

وجات فكرتي يا جماعه من خلال الميموري كارد حقي << وش قصة الميموري؟؟؟

الميموري الله يسلمكم صار له عندي ثلاث سنوات ابي استعيد الملفات اللي فيه سويت له تهيئه وقمت اصيح لان فيه ذكريات حلوه وعلى هالاساس اتمنى استعيد اللي فيه بس مابي رجال يشوف خصوصياتي

أتمنى تكون وصلتكم الفكره .. بعد توضيح الفكره احب اسئلكم عن المئويه هل لازم عشان اخذ القرض يكون في كفيل غارم ؟؟ << عقدتي اللي ما انحلت ولا لقيت لي كفيل وغير كذا وش تنصحوني من اقتراحاتكم وش اضيف ع الخدمات وبأي موقع احطه بالدمام؟؟؟

اتمنى ما تقصرون معي كعادتكم وتفيدوني بكل شي تضنونه صغير وانا بنظري بيكون اكبر ولكم كل الشكر مقدما

اهلا اختي
من مميزات صندوق المئويه عدم وجود كفيل وهو من افضل صناديق الدعم توكلي على الله وقدمي
وان شاء الله الاعضاء يفيدوك بخصوص الموقع والخدمات
اتمنى لك التوفيق
وتقبلي تحياتي
السلاطين

مشكور اخوي السلاطين واتمنى من الاخوه والاخوات الاخرين مساعدتي ونصحي

جزاكم الله خير الجزاء

اول شي الفكره جدا رائعه
وما شاء الله عليك والله يوفقك وباذن الله راح يكون شي جديد وخدمه اضافيه رائعه
واضيفي عليه اشياء مثل اكسسوارات نسائيه مكياج الاشياء الخفيفه

وانصحك تقدمين على صندوق المئويه وان شاء الله بيكون مشروعك مشروع رائد ومربح باذن الله

انصحك تفتحين المحل بمجمع تجاري يكون خاص بالعوائل
او تحددين اربع مشاغل تكون شغاله وعليها اقبال وتفتحين الاكشاك داخل هذه المشاغل

تحياتي لك
اخوك
فؤاد

يعطيك العافيه اخوي فؤاد افدتني فعلاً