السلام عليكم ورحمة الله وبركاته
الحمدلله والصلاة والسلام على رسول الله وعلى آله وصحبه أجمعين
الحقيقة هذي أول موضوع أطرح في هذا المنتدى الرائع
رااااح أدخل بالموضوع :
الحقيقة أنا معاي مبلغ يقارب ( 5000 ريال) وهذالي مدة أدور مشاريع برأس مال بسيط
ولكن للأسف لم أجد المناسب
فياليت من عنده مشرووع ناجح ومضمون أنه يفيدني .... وجزاكم الله خير

تقبلوا تحياتي ...وكذلك كعضو جديد في هذا المنتدى الجميل

والله يا غالي منور المنتدى ومنور القسم
وترى المبلغ بسيط صراحه لكن
تاجر فيه بالجوالات المستعمله فقط لا تاخذ جديد
وبالبطاقات وشرائح الجوال
لاني اشوف ناس ما شاء اله مشيوا فيها صح
والله يوفقك باذن الله

تحياتي لك
اخوك
فؤاد

الله يعطيك العافية
ولكن فكرة الجوالات ماهي مناسبه بالنسبة لي
ومن وجهت نظر أن الناس إذا بغوا يشترون جوالات راح يشترون مديلات جديدة وتوها نازلة
ولا أنت وش رايك يا أستاذ فؤاد؟؟!

اشوف شراء سياره رخيصه وبيعها وعلى هذا الحال ><<<< واعرف ناس مجربين ووصلوا لخمسين الف ويشترون فياقرا ويبعونها>>واول مابدا مامعه الا كرسيدا بالفين ريال ههه


والشي الثاني مثل مااقال اخوي فواد بس احسن انك تاخذ جوالات بالجمله وتبيعها تعرضها بالنت على موقع سوق

عندك مشروع الفواكه و الخضار هذا مشروع ممتاز ومربح

يعني تاخذ بالجمله من السوق و تبيعها مفرد

الله يوفقك

أيضاً العمل كمعقب وبدون رأس مال بس أهم شي العلاقات والسرعة في إنجاز المعاملات ..

وربي يوفقك

الله يعطيكم العافية
لكن خوذوا بالحسبان العمر ترى عمري 16سنة

( اولا) شئ الله يحييك في المنتدى نيابه عن الاعضاء ،،،،وتكون لنا اخ عزيز بغض النظر عن فارق السن
(ثانيا) مشاء الله عليك عمرك 16 وهذا تفكيرك عسى الله يوفقك ان شاء الله،،،

خذها مني نصيحه خلك على ذا التفكير وخل عندك طموح عالي
واذا كان تفكيرك كذا وهذا عمرك(الله يعطيك طول العمر انشاء الله)
بعد 15 سنه بس ماابي اقول 20 سنه شوف وش تبي توصله يالغالي؟؟؟

تبي تصير من حق وحقيق ( زعيــــــــــــــــــــــــــــــــــــمهم كلــــــــــــــــــــــــــهم) بس طور ذاتك ودراستك لاتخليها
وخل طموحك عال العال
وعسى الله يوفقك

عندي مشروع تشاركني فيه تكفي 5000