تسجيل الدخول
|
|||||||
تأسس الموقع عام
2006
Site was established in 2006
|
|||||||
| إستفسارات ونتائج وظائف القطاع الخاص لإستفسارات ونتائج وظائف القطاع الخاص فقط |
| موضوع مغلق |
|
|
LinkBack | أدوات الموضوع | انواع عرض الموضوع |
08-09-2009, 04:52 AM
|
||||
|
||||
ماحدث معي في المقابله الشخصيه-وظيفة معيده في جامعة الباحه
لكثرة ماوردني من رسائل عالخاص حبيت أنزل الموضع عشان الكل يشوفه ____________________________________ اليوم سأروي لكم ماحدث معي في المقابله الشخصيه لوظيفة معيده في جامعة الباحه أولا : اللي يبغى يقدم عليها لازم يتحلى بالصبر ويتابع موضوعه بنفسه بدون مايعتمد عالموقع أو على كلامهم بالإنتظار الترشيح يعتمد على المعدل أولا وأخيرا.. وعلى حداثة التخرج.. والنقاط الأخرى من دورات وغيره.. بس مو شرط .. يعني هما ياخذو الأفضل..وقليل اللي قدمو في الفتره اللي راحت.. يعني ماأتوقع تتقارن بذي السنه أتـوقع يكون في إقبال كبيييييييير على الوظايف.. تخيلو العام الماضي وحده فقط اللي مقدمه على كلية العلوم الإداريه والماليه.. وهذا يعتمد على المنطقه لأنو مافيها هذا التخصص طبعا أنا قدمت على شهر 11 .. يعني بنفس التوقيت اللي منزلين فيه الوظايف ذي السنه قدمت أوراقي على فاكس وكيل الجامعه للدراسات العليا لأني بوقتها ماقدرت أروح .. أساسا مو لازم أروح أعتقد يكفي ولي الأمر.. بس أنا ماقدرت عشان كذا أرسلتها فاكس.. لا تسألوني عن الرقم لأني ناسيته بس أفتكر وقتها كانو حاطينه في الموقع.. طبعا أرسلت الأوراق المطلوبه: صورة الهويه + صورة الوثيقه+ صورة كشف الدرجات + صورة حسن السيره والسلوك + صور لدوراتي وأي شي إضافي تبغوه .. أنا حطيت الCV + بالإضافه إلى شي أعتبره مهم وهو خطاب لوكيل الدراسات العليا بطلب الوظيفه في الموقع ذي السنه ماحطوه بس أحسه مهم لأنو يعكس شخصيتك ويوضح مدى اهتمامك وثقافتك.. أرسلت وكل شي ... وانتظرت... أنتظرت ... انتظرت ... لا حس ولاخبر!! فين الناس؟؟ كل شويه أتصل عليهم ويقولو إنشالله بكره ننزل أسماء المرشحين للقبول.. إنشالله الأسبوع الجاي.. إنشالله شهر واحد.. عاد ماأذكر متى نزلوها .. بس لما اتصلت وطفشتهم سألوني عن إسمي وقالو ترتيبك رقم واحد في المرشحات المهم لما نزلت أسماء المرشحات قالو لازم تراجعو الجامعه عشان تطابقو الأوراق (هذا الكلام في الموقع) ولما اتصلت قالو لي انتظري لحد مايتصلو عليك.. ويااااااااااااااما انتظرت.. وجاني إتصال بعد فتره من شخص قال مقابلتك بكره.. في كلية التربيه برغدان رحت .. الله لايوريكم.. المكان خرااااااااااااابه.. ماعلينا دخلت وسألت و استفسرت لحد ماوصلت المكان المطلوب طبعا في بنات كانو معايا وجات وحده وكتبت أسمائنا وسألتني أنا بالذات إش رح تتخصصي في الماستر(الماجستير) لأنو جاها إتصال من دكتور يعمل بنفس قسمي (اللغة الإنجليزيه) المهم قالت إنتظروا وإحنا ننتظر سألنا مين اللي بيسوي المقابله ؟؟ طلع مدير الجامعه و أساتذه يقولو جايين من الرياض لبعض التخصصات الغير متوفره في الجامعه (هذا في الشبكه) أما عندنا في القاعه فكانت العميده وأربع أستاذات على ماأظن.. دخلت أول وحده من المرشحات وهي (لغة عربيه) وبما انها لغه عربيه لازم تتكلم بالفصحى .. بس هيا ماتكلمت وانتقدو عليها هذا الشي.. وأدوها جمله وقالو إعربي وسألوها كم تحفضي من القرآن.. وسألوها عن كتب مشهوره بس أنا ماأذكر لأنو مو تخصصي انتهت على خير جات الثانيه وهي تربيه فنيه وسألوها عن أشهر الرسامين في العالم و وأشهر الرسامين السعوديين(يعني الفن التشكيلي بصفه عامه) وقالو لها إش رايك في شعار الجامعه ؟؟ أوصفيه! وسألوها عن الألوان والدمج .. وقالو إش راح تضيفي لمدينة الباحة بما إنو تخصصك فنيه؟؟ افتكر قالو لها لو دمجنا لونين ماأدري إش هما بس أنا رح أعطيكم مثال: لو دمجنا الأصفر مع الأحمر إش يعطينا؟؟ قالت برتقالي .. قالو غلط وشككوها في إجابتها ونرفزوها يمكن يبغو يشوفو إنفعالاتها.. وأسئله مو فاكرتها.. طبعا المقابله تطول .. يعني نص ساعه أو أكثر أنا الثالثه .. رح أحكي عن الرابعة وأرجع لكم الرابعه تخصص رياض أطفال ماأفتكر الأسئله بس سألوها في التخصص وكيف تتعامل مع حالات معينه وأظن سألوها عن التوحد والبرامج اللي بتتقدم في الدول أو في السعوديه لدعم الأطفال وكلام زي كذا نجي لصاحبة الموضوع.. اللي هيا أنا أول مادخلت طلبت مني العميده إني أجلس قدامهم .. كانو قدامي خمسه وعلى يساري شاشه كبيره عشان الرجال وأعطوني المايك.. وكان مدير الجلسه هوه مدير الجامعه .. قعد يرحب فيني وفي إنضمامي لأحد أهم الصروح في منطقة الباحه.. وهكذا .. طلب مني أعرف بنفسي.. طبعا أنا سألته بالإنقلش والا بالعربي؟؟ لأنو سأل بالعربي وأنا أستغربت قال بالإنقلش؟؟ وبدأت أتكلم وأقول كل اللي عندي بعدين قال نترك المجال لأصحاب التخصص طبعا دكتورين من نفس القسم. (كل الأسئله بالإنقلش). الأول سألني عن رأيي بنظام التعليم في السعوديه وإش رأيي فيه ؟؟ وهل مخرجات التعليم عندنا جيده؟؟ وليش الطلاب مايتكلمو بالإنقلش ويخافو منه؟؟ وماهي مواصقات المدرس الجيد ؟؟ وإش أحدث التقنيات في التعليم؟؟ ومارأيك في نظام المجموعات في القاعه ؟؟ بعدين سألني عن ماده أخذتها في الجامعه وهي طرق تدريس وقال بما إنك أخذتيها .. ماهي مواصفات الرساله الجيده (يقصد رسالة الماجستير) الثاني سألني وقال إش المجال اللي رح تختاريه ؟؟ قلت لغويات .. قال مجالها واسع إش تختاري بالظبط؟ قلت نحو قال مادام كذا عرفي النحو.... ورطت نفسي... خخ عرفت النحو وأداني جمله تحمل معنيين وقال فسريها يعني هيا فيها ambiguity وفسرتها.. وسألني مالفرق بين مصطلحين .. والله ماني فاكره إش هما بس واحد متعلق يالسلوك والآخر بالتفكير.. كلها في اللغويات بعدين قال عرفي الدراما وماهي التراجيديا .. وماهي مواصفات بطل القصه بصفه عامه؟ ماصدقت متى يسكتو.. بعدين سأل مدير الجلسه إذا أي أحد عند ه أسئله من الأستاذات العميده سألتني بالعربي : مالفرق بين الهديه والهبه؟؟ وسألتني رئيسة القسم سؤال بسيط: إش هيا خطتك لو إنقبلتي في الوظيفه وإش رح تسوي في السنوات الجايه ؟؟ وهل عندك إمكانيه تكملي دراستك برا الباحه؟؟ وعدت المقابله ولله الحمد.. جلسنا فتره طووووووويله,, ننتظر.. وبعدها طلعت الأسماء ولله الحمد - طبعا لما انقبلت قالو من الآن دوري قبول في أي جامعه سواء في السعوديه وإلا برا.. لأنو نظامهم ماتجلسي أكثر من سنه وإنتي معيده..
بس أتوقع إنو يعتمد على الإحتياج في التخصص وبخصوص الراتب أنا لسا مااستلمت شي لأنو وضعي خااااااص وعندي إجراءات لازم أسويها يعني مو زيكم... يقولو الرواتب حلوه يعني هو 5 على ماأظن ومع الزيادات والبدلا ت يصل من 7 إلى 10 آلاف .... هذا والله أعلم إنتو ماعليكم في البدايه ... أهم شي بعدين .. بعد الماجستير.. وأي سؤال آخر أنا حاااااااااااااااااااااااااضره ياأعضاء منتداي المفضل واللي ساعدني كثييييييييييييييييييييييييييييييير |
|
08-09-2009, 05:13 AM
|
||||
|
||||
|
الله يجزاك كــــــــــــل خيــــــــــــــــــر....،، كفيتي ووفيتي ،، |
|
08-09-2009, 05:28 AM
|
|||
|
|||
|
الله يوفقك ويرزقك ويحفظك يارب |
|
08-09-2009, 07:28 AM
|
|||
|
|||
|
الف الف مليون تريليون مبرووووووووووك |
|
08-09-2009, 08:13 AM
|
|||
|
|||
|
تسلمين يارب .. على المعلومات .. |
|
08-09-2009, 07:11 PM
|
||||
|
||||
|
جزاك الله خير |
|
08-09-2009, 07:49 PM
|
|||
|
|||
|
الف مبروك القبول الله يوفقك وعقبال ماتكونين عميدة مو معيدة بس.. |
| موضوع مغلق |
|
(( لا تنسى ذكر الله )) |
|
|
|
|
)
العرض العادي
