على فكره حبيت اضيف شغله انه كلام الشخص صحيح لانه بعد 4 سنوات او 3 سنوات يتم ارسال موظفين الزامل لدراسة الهندسه للميكانيكيه و دراسة ضابط بحري للبحاره
يعني صح كلامه بعد 6 سنوات او 7 يكون راتبك 20
ومشاء الله على الزامل ارسل ناس هالسنه لتكملة الدراسه الهندسيه بمجال البحر وكلامه كله صح
بس يمكن لما يترسم يستلم 7 لا يستلم 5500
وكلامه جدا صحيح
والي وده يسال يتصل على ابوساري واعتقد يقدر يقدملك مدير شئون التوظيف بوساري اسماء الي تم ابتعاثهم
واول شركه بحريه كونتراكت فيها مناصب عاليه لسعودين لدرجه انه عندنا بالشركه شيف ميت سعودي وسكن ميت سعودي وثيرد سعودي والحمد لله الشركه باديه تطور تطور ملحوظ
-=>>> موظف بشركة الزامل للخدمات البحريه
والشركه من جد باديه تعدل باوضاع السعودين
والزامل ليس لاني فيها ولكن من اروع الشركات بعد فيلا مارين وانا شغال فيها وكم مره اطلع بسنجر على الشركات الثانيه وبصراحه فرق السماء عن الأرض بس ياشباب السعوديه شدو حيلكم نبي نطلع الاوكران الي جالسين يخربون المراكب ونمسك مناصب بالشركه مو عشان راتب بس عشان نثبت وجودنا ونخدم الشركه لكي تتقدم وتطور وقبل كل شيء نحسس الناس انه احنا مو شعب جالس على نت ويبي وظيفه تجيه الا عنده
والحمد لله الزامل كل 3 شهور يصنع مركب جديد
ويتم ترسيم السعودين عليه يعني لايفوتكم القطار والي اعمارهم صغيره لايفرطون ترى وربي مستقبل حلوو مرره والبحر ال 3 اسابيع تطير هواء
انا حبيت اوصلكم حقيقت الشركه ولاحد يتوقع انه كلام شخص مو بالشركه مثل الي مداوم فيها
والله شركه روعه بس لو السعودين يقدمون فيها ويحاولون انهم يطورونها والله الزامل مايقصر وعلى فكره اول شركة سعوديه بحريه تبعثك كل ماحصلتلك فرصه لتطوير نفسك
والله على ما اقول شهيد وماني مكذب والي رفعها سبع وبطنها مادخل جيبي ريال عشان هالكلام ولايهمني مين يقرأ عشان يجازيني بشي الحمد لله الحاله الماديه ممتازه ووضعي الاجتماعي زين بس هاذي نصيحه لاحد يضيع عمره على قلت فايده انا كنت خايف من مجال البحر والحين انا مبسوط مرره اني توظفة بالبحر الحمد لله شركه حقانيه كل شهر نازلي راتبي بيومه اداره صارمه بس مقدرين وضع الشاب السعودي ويحاولون يخدمونه بعيونهم
بس الي يبي يدخل هالمجال يدخله ويشتغل لايصير عاله ويدخله وبس ينام بالمركب وياكل واخر الشهر راتب لانه مصيره بتجيه حاله نفسيه من كثر النوم
في مناطق بالبحر فيها ارسال فل يعني الي يبون النت شهر يمكن تجلس عند رق ارساله فل وشهر لا يعني ماحد راح ينقطع وسفيان الزامل او اي احد من عيال الزامل راح يخدمك وموجوده ارقامهم على كل مركب عشان ماحد يقول ضاع حقي وتعبي وظلموني وترى ابو فيصل ماراح يقصر معاكم اذا انتم جاين تدورون الرزق وتشتغلون بالعكس راح يرسمكم بسرعه وراح يحاول يبتعثكم بسرعه لانه يتشرف بهالنوعيه الطيبه من شباب السعوديه واي شخص حاب يناقشني بأي شي بخصوص الشركه ماعندي اي مانع اني افيده وماني مثل غيري بقولك بشرط انك تدعيلي هالشيء بباطن الغيب دعيتلي والا دعيت علي هاذا بينك وبين رب العالمين
بس هاذا الي ودي اقوله والله ولي التوفيق
وترى مابينا وبين الاجنبي شيء على الاقل حنا نداوم 3 اسابيع بسبوع الاجنبي يداوم سنه كامله على المركب ويطلع بس شهرين يعني فكرو فيها الي وده يتزوج والي وده يشتريله بيت والي وده يعيش حياه كريمه لازم يضحي حبتين عشان ربي يفرجها له وترى مابعد التعب الا الفرج
أخوكم بوسارا