صباحم سعيد جميعا" أيها الطموحين

لدي معلومة ربما لن تفيدكم ولكنني متأكد بأنها ستحفزكم !!!!!



لدى الوالد - الله يحفظه - صديق بنقالي الشاهد في الموضوع أن البنقالي هذا - هامور - في سوق الخضار والفاكه ولديه سلسلة محلات في ( الرياض - القصيم - الدمام ) ! دائما" يتصل على الوالد يدعوه لزيارته وفي أحد الأيام قرر الوالد السفر لزيارته وتفاجأ بأن البنقالي حجز له في فندق فخم ! وفي اليوم التالي قام بتعريفه الى أحد أصدقائه - هامور بنقالي اخر - وهنا تأتي المعلومة !! قال لوالدي بأن صديقة البنقالي يربح شهريا" 2000000 ( مليونين ريال ) من الخضار والفاكهه !! هذه حقيقة يا أحبة وليست من نسج الخيال ! والبنقالي موجود ! لا وازيدكم من الشعر بيت افتتح مصنع بكلفة 6 مليون في احدى المناطق ووظف فيه سعوديين متقاعدين حراس أمن!! وأخذ والدي معه للمصنع ويقول والدي بأن السعوديين هناك السكرتية وبقية العمال يعاملونه على انه شيخ ( طويل عمر ) !!

عاد الوالد الله يحفظه بعد مارجع من السفر اتصل علي على طول قال لي رح سوق الخضرة عندكم واستأجر 5 محلات ههههههههههه الوالد تحمس الله يحفظة


هذه معلومتي اللتي لن تفيدكم بقدر ماستحفزكم


أعلم أنني أطلت عليكم فأعذروني

بالتوفيق اللجميع يارب
الشغله يبيلها واحد على قولتهم صامل يودع الكسل والنوم وسهرات الاستراحات
لان السهر الترفيهي هو اكبر سبب في نهب خيرات البلاد وتحويل مسارها للخارج
وعزت النفس الي مو في محلها
الوالد الله يحفظه كان من زملائه مقدم ماشاء الله عليه داهيه ونشيط جدا يقول يوم من الايام صارت سوالف بين التجار بقصد رفع الاسعار كانت السالفه بوقت الملك فهد رحمه الله طلع اخونا في الله المقدم من اكبر المسببين للازمه وكان يحرك عشرات التريلات قبل الفجر بساعتين بتصال من جواله طبعا كشفته على ما أظن الصحف المحليه
طبعا هو قال لزملائه اني انا شفت الشغله يربحون فيها الاجانب يحولون مبالغ اكبر من المعقول فكتشفت الصنعه وربحها ابرك من هالرواتب وماكان قصدي اسبب ضغط على المدن لكن خلافات بيني وبين عمالي

الفائده من القصه شوف وش مرتبته وكم يبلغ مرتبه و مع ذلك الكرف الي يجيلهم بذات قطاع الجيش
ومع كذا شوف كيف قاعد يستغل وقت اغلبنا بيكون فيه نايمين
كمان كان لنا اقارب يشتغلون بالخضار كان يجيلهم طلبات استاجار سياراتهم الونيت لتحميل مثل حبحب من ساجر الى سوق لتاجر معين باسمه والحمله ب400 ريال وتقريبا بكون الطلب كل يوم او يومين الشغل طبعا بيكون بالليل لانك بتنزلها الساعه2 بالليل بالسوق
هذا ماسمعته من قريبي و الله اعلم

للرفع أنا من سكان الرياض لمن يرغب بالعمل سويا محتاج شخص او شخصين والمحل عندي

الوالد خدم في هذا المجال اكثر من 35 سنه بدايته كانت في عتيقه في الرياض وانتهت في العزيزيه سوق الجمله الحمد لله
المشروع يعتمد على كم نقطة
راس المال ولو كان قليل
علاقتك بتجار الجمله في السوق وبالشركات واهم الشركات هيا الشربتلي و الدولمنتي و ابار والحربي ..الخ
لازم تكون لك علاقه مع اصحاب المزارع المحليه في جميع المناطق الخرج نجران حائل جازان وتعرف الاصناف المزروعه في المملكه .
لازم تعرف مواعيد البواخر متى بتوصل ومتى طلعت وكم يبغالها علشان توصل وايش البضاعه الي موجد فيها وكم الكميه والصنف وهل راح يجي منها كثير او لا وكم السعر حيكون في الشركه وكمية الطلب عليه في السوق ولازم يكون لك علاقه في الجمارك حتى علشان تعرف كمية التريلات الي داخله بالبضاعه وهذي تعتمد على علاقتك بالادارين في الشركات لازم تكون علاقتك فوق الممتاز معاهم
هذي النقطه جداً مهمه علشان تعرف ايش تشتري وكم تشتري وبكم ولمين تبيع !
الشغله مربحه جدا ارباحه ممتازه ودورتها سريعه .
سر نجاحك في هذا المجال اخلاقك وصدقك ( لاتطمع ولا تحسد ! )
الحمد لله الوالد الان تقاعد من المجال هذا و الشركه مستلمها الشريك ودخلنا مجال الزراعه والمزارع والحمد لله صرنا نمول الثلاجات والسوق ..

محب الجغرافيا اتمنى تتواصل معي على هذا الجوال (واتساب)

0566596655

انا من اهل الرياض ولدي خبره بسيطة بالخضار

محب الجغرافيا لك رساله على الخاص

الخضار والفواكه فيها خير عظيم

انا مجهز لي محل خضار بس بلشت بالعماله
اللي يشوف نفسه يقدر يستاجره حياه ع الخاص

موضوع راقي جداً لتبادل الافكار ...
يعطيك ألف عافية يارب ...
جزاك الله كل خير ...

بالتووفيق