السلام عليكم ورحمة الله وبركاته

ان شاءالله الجميع بخير


نخش بالموضوع على طووول

يااخوان اتمنى تفيدوني عن هذا المشروع انا داخل بمزاجي
هذا المشروع بس المشكله...
لمن رحت استفسر عن تصريح او رخصه نقل معلمات بالرياض
قالو لي لازم يكون عندك 50باص او 5باصات ماحط بذمتي<<<<<<وش السالفه
والله هذا الكلام اللي قاله الموظف بس مادخل راسي سالفة ال50 باص

اتمنى اللي مجرب هذي الشغله ولا اللي طلع تصريح يفيدني


وشكراً
اخوكمـ بدر

عليكم السلام ورحمة الله وبركاته

انا اقولك اخوي لاتروح تدور ترخيص نقل معلمات ولا شي

اهم شي يكون عندك سيارة نقل ممتازه ومكيفه ونظيفه >> لان الحرم تهمهن هذي الشغلات

وابد بدون ترخيص

انا كنت اروح مع باص ياخذ من كل معلمه 1200 ريال وحنا 10 معلمات كل شهر

احسب كم راتبه واطرح منه حق السياره مثل البانزين و الصيانه والباقي صافي ربح

مثل ما قلت لك الاخت عطالية مكاوية

بلا ترخيص بلا هم

بس وانا اخوك خذ مني هالنصيحه و تقبلها

اهم شي السواقه الراكده ولا تسرع ترى البعض يخاف من كذا

وايضا اذا طلبو شي غير مشوارهم الاساسي عادي خلك طويل بال وخلصه لهم

لاانهم راح يرتاحون لك وايضا راح يعطون للغير عنك سمعه طيبه

والله يوفقك

مشروع مميز

الله يرزقك من واسع فضله

هلآآ وغلآآ أخوي .. الله يرزقك ياارب وييسر لك

شوف انا لقيت لك موضوع عن النقل وحبيت انقل لك اللي فيه وما أبي غير الدعاء

اقتباس:

المشاركة الأصلية كتبت بواسطة مبرمج طموح نصيحتي أخوي أشترلك 3 أو 4 فانات وحطلك سواقين عليها ويكون الربح أنت وياهم النص بالنص ،،، 4 فانات والنقل إلى جامعة الأميرة نورة الطالبة الواحدة 300 ريال تقريبا على حسب الحي .. الفان يأخذ 10 طالبات يعني الباص الواحد يدخلك 3000 ريال عندنا أربع باصات مجموعهم 12000 ريال مصروف البنزين والزيت إذا كثر 500 ريال بالشهر إذا كان الباص مسلمه للسواق يتمشور عليه يعني من كل باص يصفالك 1000 ريال والمجموع 4000 ريال خلال 10 شهور 40 الف ريال وجبت راس مالك وأرباح بعد لان الفان ينباع الحين ما بين 5000-11000 من موديل 88 - 93 إذا أنت أو الأعضاء حابين أفيدكم في هالموضوع عندي خلفية كبيرة جدا ً فيه واللي حاب يشاركني أو نسوي مؤسسة نقل رسمية أحسن وأحسن وإذا تقدر تسوي مؤسسة وتجيب سواقين أفضل لك لانه بيكون السواق راتبه 800-1000 ريال ويودي البنات ويجيبهم بس يعني بيصفالك حول 1800-2000 ريال ،،،، وأعتذر على عدم تنسيق الكلام لاني كتبته مستعجل .... الله يوفقك دنيا وأخره ويرزقك ويرزق المسلمين .

اقتباس:

المشاركة الأصلية كتبت بواسطة محمد المالكي فكرة جملية ورائعة

اقتباس:

المشاركة الأصلية كتبت بواسطة محمد المالكي لكن لاتنسى عندك تقريبا اربعة اشهر الى خمسة اشهر من السنة مافيه مدارس هل فكرت في الحل يعني ارباحك خلال الستة الي سبعة اشهر بيتوزع رواتب للعمال والله انا اعجبتني الفكرة ولكن كان من السلبيات العطلة بالاضافية الى ان المرور ماينقل سيارات النقل ( الانيسه )) باسمك لابد من وجود مؤسسة فكرة جميلة اتمنى مشاركة الاخرين

اقتباس:

المشاركة الأصلية كتبت بواسطة مبرمج طموح أخوي محمد

اقتباس:

المشاركة الأصلية كتبت بواسطة مبرمج طموح كلامك صحيح ،، بالنسبة للفانات أنا لدي 4 فانات كلها بأسم والدي . وبالنسبة للعطلة الصيفية لو يشغل 2 فان في نقل الموظفات أو طالبات المعاهد ممتاز وهذا اللي يصير ومستمر معاه ،،، أو يشغله في نقل العمال وهذا موجود ،، أو يشيل الكراسي فترة العطلة ويرسل خضروات من العزيزة للأحساء أو الدمام ... أو أ, أو أو أو أو .............. إلخ .

،،،،،،،،،،،،،،،،،،،،،،،،،،،،،،،،،،،،،،،،،
انتـهى الإقتبآس

وإذا انت حاب تتواصل مع واحد عنده تجربة فيها ونجح أوصيك تروح عند أخوي مبرمج طموح بشبكة ومنتديات نقية الإقتصادية

. عسآآآآك للنجآآح دآآيـــمـ

اختكـ~
يشبعني جوعه

مشروع ممتاز وانا لو الاقي لي معلمات ما اوفرهم بصراحه

لا اطق لي باص وسواق وشغلهااا ..

الله يوفقك يارب .