السلام عليكم ..

مسائكم وصباحكم ورد وياسمين ..

اعذروني اخواني عالعنوان .. ولاكن انا بشرح لكم وضعي

انا طالب جامعي ..في المستوى الخامس ..

تقريبا متفرغ لين وقت التخرج ...قدمت على مشروع عن طريق صندوق التنميه

المشروع ناجح .. ومن الاسااااااااااااس لا يحتاااااااااااج لتفرغ ..

اوجهي كلمتي لكل اللي بصندوق المؤيه .. اتمنى انه يتم دراسه المشروع

واللي يقدر يوصل صوتي للمسؤلين اكون شاكر ومقدر له ..

انا شاب في مقتبل العمر عندي استطاعه ادير شركه مو مشروع ..

والدراسه ماهي عائق .. امام طريق نجاحي .. ولاكن كل اينقصني .. الماده ..



تحياتي للكل ..


ملاحظه : رفض الصندوق مشروعي بسبب اني في المستوى الخامس .. وقالوا لو انك في المستوى الثامن كان وافقنا ..

والله يالغالي عسى الله يوفقك اولا
وثانيا يعني ماتعـــــــــــرف احـــــــــــد يعـــــــرف احـــــــــــد،،،،فهمت قصدي اكيد
ضبط امورك يعني
بس حن وارجع عليهم انا اشوف كذا ،،،،،
وترى كثر الدق يفك اللحام يعني ماراح يتخطون النظام علشانك
(بس)
يمكن من روحاتك لهم وجياتك تتعرف على واحد منهم يلقى لك ثغره في النظام وان شاء الله تستفيد منها
ولاعندي والله خلفيه بس ان شاء الله مايقصرون معك الاخوان هذا اللي اقدر افيدك فيه
تقبل مروري يالغالي

يادرامز ليش قلت لهم انك بالمستوى الخامس

أسهل شي تحويل المهنة من طالب إلى متسبب (وماراح يدرون عنك )

انا كنت بكتب عاطل لا شغل ولا مشغله

بس ما ادري اذا هم .. راح يدورون وراي ولا محد يسال ..
وش رايكم بالفكره اقد انفذها بدون عواقب ؟؟

انا من اول سنة بالكلية كنت محول مهنتي إلى متسبب والحين متخرج وموظف صار لي 3 سنوات

مالها عواقب ولاراح يدرون عنك

طيب لاهنت يالغالي ابيك ترسلي عالخاص التفاصيل وابشر بالدعاء ...

لاهنت عالمرور

عادي اخوي اذا قصدك تفاصيل تحويل المهنة مايبيلها بس شاهدين وتروح الأحوال وتغيرها من طالب إلى متسبب

الله يعطيك العافيه ..

بس مايأثر علي في الجامعه ؟؟