السلام عليكم ورحمة الله وبركاته
هذي أول مشاركة لي فتكفون لا تطنشوني أنا سمعت اليوم انه فاتحين باب توظيف اداريات جدد بالخرج بس ما ادري متى بدا التقديم ومتى راح ينتهي ؟؟ فتكفون وترا تكفى تهز الرجال أنا يتيمة ومالي أحد والله اني محتاجة الوظيفة وما أقدر أطلع برا الخرج فاللي يعرف أو عنده خبر يردلي تكفوووووووووووووووووون يا عيال وبنات ديرتي ديار أبو متعب

اختي ديمومة

انا راجعت ادارة تعليم الخرج وقالوا ان تعيين المعلمات والاداريات البديلات يبدا نهاية شهر 6 ومادامهم قالوا كذا المفروض نراجعهم نهاية 4 و5 وننشبلهم تعرفينهم واسطة = واسطة
عموما انتي خلي ولي امرك يراجع ادارة تعليم البنات قسم الرجال ويسال بنفسه لان الحريم ما عندهم سالفة وعلى فكرة شوفي مدرسة الاشراق فيه وظائف بداية شهر شعبان ومكتب العمل فيه وظائف شهر 5 قدمي عليهم ان شاء الله اكون افدتك والله يساعدني ويساعدك

لدي علاقة بمسؤول النشاط في وزارة التربية والتعليم،، سالته عن التوظيف،، قال نحتاج موظفين وموظفات في فترة الصيف فقط،، للمراكز الصيفية،،

لان عندهم قليل سعوديين وسعوديات يبن يعملن في الصيف مع انها تجربه طيبه ممكن تأهل للعمل بالوزارة،،

عموما برنامج الصيف خاص بالتربية الخاصة وغير التربية الخاصة،، واكثر احتياجاتهم في التربية الخاصة،،

بالنسبة للي بالخرج،، اشكر الاخت طالبة على شرحها الوافي،، وعسى الله ان يوفقكم اجمعين،،

تحياتي للجميع

الله يوفقك اختي ديمومه وكان بودي اقدر اخدمك
بس اهل الخير ما قصرو معك الله يوفقهم لانهم سباقون لفعل الخير
وهذا ان دل دل على ان الناس بخير وقلوبنا مع بعض
بالتوفيق

اخوي العنزي انا قدمت على المراكز الصيفية بس ما قبلوني لاني ما عندي خبرة عموماالتقديم خلص من فترة والنتائج ظهرت لذلك لم اذكر الامر للاخت ديمومة الله يوفقنا جميعا

مشكورة طالبة كبيرة وشكرا لكل من اهتم بموضوعي بس القصة ان اختي معلمة في مدرسة محو امية يعني ( تعليم كبيرات ) ومديرة المدرسة راحت للادارة عشان تلتقي بموجهة تعليم الكبيرات هناك في مكتب الاشراف التربوي وكانت هذه الموجهة مشغوله لانها تجري مقابلة مع بنات مقدمات على وظائف اداريات وراحت المديرة وبلغت أختي بالخبر بس والله ماأدري هل هو صحيح الخبر والله اني تعبت من ادارة التعليم بالخرج حطموني أنا تخصصي حاسب وتقديري ممتاز ونسبتي عالية بس ما قبلوني على الوظائف السابقة لاني خريجه حديثة وما معي خبره ومره نادوني اصير بديلة معلمة وقالولي بسرعة جيبي اوراقك ولما جيتهم جلسوني ودقوا على على وحدة ثانية وانا عندهم واخذت مكاني والله قهر وواسطة عيني عينك

اختي ديمومة

الله يوفقك شوفي مدرسة الاشراق قدمي عليهم بداية شهر 8 انا كلمتهم قالوا المدرسة انباعت لشخص ثاني وبيبدا القبول على الوظائف اول شهر 8 والمسؤول اسمه ابومحسن رمضان ورقمه 5442484 5488900 وعلى فكرة اكاديمية مقلة للتدريب النسائي تطلب مدربات حاسب خلال فترة الصيف تعالي قدمي عليهم وسجلي بياناتك الحين يتصلوا عليكي لما يحتاجوكي ويعطوكي راتب وشهادة خبرة تعالي حتى اشوفيك ولا تنسي تدعي لي

مشكورين والله يجعل هذا في ميزان حسناتكم