نداء لأهل الصين او دبي ..!!

البطلاوي · #1 (**permalink**) 10-09-2009, 09:30 AM

السلام عليكم ورحمة الله وبركاته

اسعد الله اوقاتكم بالمسرات للجميع

الصراحه انا مليت وانا انتظر وظيفه بس ماحصل تجي

ففكرت بالتجاره نبي نصير تجار مثل هالناس

حطيت في راسي افتح محل للجزم النسائية والشنط

وفكرت اني استوردها من الصين او دبي لقلة التكلفه نظرا لرأس المال

لكن المشكله ماعندي خلفيه بهالموضوع :o

فـ ياليت اللي عنده خلفيه او يعرف مكاتب او اشخاص يعرضون لنا عينات واسعار

يفيدنا بهالنقطه وله جزيل الشكر والامتنان

وشكرا

هياط فور ايفر · #2 (**permalink**) 10-09-2009, 09:51 AM

ياهلا البطلااوي

والله انك ذيب بما اني قريب جاي من دبي راح اقولك تجربتي

ياطويل العمر في منطقه هناك اسمها شارع نايف او منطقة نايف
قبل ارجع السعوديه رحت له شفت الهوايل هناك انواع واشكال الملابس
شئ حلو ومرتب والاسعار <<< هنا الزبده
يالغالي اغلا شئ شريته ب25ريال طبعاً انا شاري ملابس وعلى استعجال
والله اني اشيل بالكيلو هدايا حسابي اخر شئ طلع تقريباً300وزياده
لمن طلعت ورحت اشوف المحلات الباقيه تحسفت اني استعجلت وشريت
لأن فيه حاجات احلا وارخص

وعاد الساعات والاحذيه الله يعزكم شئ ثاااني
هو طبعاً عدت شوارع كل شارع متخصص لبضاعه
والمحلات كثثيييره راح تلقا الرخيص والزين

واللي اعظم من كذا لمن رجعت السعوديه بعدها بفتره
قالو لي الاهل ان التيشيرتات اللي جبتها اغلبها في محل
في الرياض ومعروف له فروع واسعارها على80ريال وطالع

ونصيحه فيه مواقع ومنتديات تعرض بضاعتك فيها وبصور وشوف الزبائن
احسن من انك تستأجر محل ومشاكل وقيمة الايجارات غاليه

الصين مادري عنهم بس اللي اشوف دبي افضل وتقدر تروح لها
تجلس كم يوم وتشوف بعينكـ <<بيخاويك لدبي هههههههه

اذا بغيت افيدك اكثر قلي وابشر بعزك

اخوكـ بدر

البطلاوي · #3 (**permalink**) 10-09-2009, 10:03 AM

يسعدلي صباحك اخوي هياط فور ايفر ( بدر )

بيض الله وجهك على مساعدتك لي وتشجيعي بهالكلام

والله يفتحه بوجهك

ومالنا غنى عن مساعدتك

وراح تكون دبي الخطه المستقبليه ان شالله بعد نصيحتك

اما بالنسبه لخوتك عزالله انه تنشرى ونعم فيك

بس انا خايف من الهياط ( هياط فور ايفر ) تكون مهايطي واتوهق

وشاكر لك تعاونك

هياط فور ايفر · #4 (**permalink**) 10-09-2009, 10:17 AM

اقتباس:

المشاركة الأصلية كتبت بواسطة البطلاوي

يسعدلي صباحك اخوي هياط فور ايفر ( بدر )

بيض الله وجهك على مساعدتك لي وتشجيعي بهالكلام

والله يفتحه بوجهك

ومالنا غنى عن مساعدتك

وراح تكون دبي الخطه المستقبليه ان شالله بعد نصيحتك

اما بالنسبه لخوتك عزالله انه تنشرى ونعم فيك

بس انا خايف من الهياط ( هياط فور ايفر ) تكون مهايطي واتوهق

وشاكر لك تعاونك

هههههههههههههههه مجرد نك نيم وله قصه
المشكله يوم جيت اسجل كل الاسامي محجوزه وهذا النك هياط فور ايفر
حق القروب حقنا في النتلوق ومتعود عليه حطيته وقلت اجرب
وبســ ...

لاكن زي ماقلت لك رح دبي وشوف بعينك احسن من انك تشوف بضاعه
على الانترنت وماتدري عن جودتها

واذا نويت تروح علمني اضبطك من الى

ومابي منك غير سلامتك

والله يرزقك ويوفقك

لاتوقف يعجبني تفكيرك

البطلاوي · #5 (**permalink**) 10-09-2009, 10:29 AM

بيض الله وجهك

وماقصرت

عزالله انك حمستني ودي امشي اليوم قبل بكرى

وان شالله لي رجعه لك

والله يوفقك ويرزقك

اماراتي · #6 (**permalink**) 10-09-2009, 02:27 PM

ولا تنسى اخوي كمان تمر سوق التنين الصيني ،، كذلك سوف تجد هناك محلات وبضاعة كلها صينية واسعار رخيصة وبامكانك تتفق مع بعض المحلات بسوق التنيين يجيبون لك بضاعة من الصين بيكون اوفر لك من الذهاب الى الصين ،، لأن الصين ما يكفيها شهر كأول زيارة لك لها ،،

ربي يوفقك ،، مع تحيات اخوك اماراتي واي شي حاضرين

heavenmoon · #7 (**permalink**) 10-09-2009, 02:47 PM

[grade="FFA500 FF1493 00BFFF 32CD32"]
وعليكم السلام ورحمة الله وبركاته

راح تفتح بعد رمضان ان شاء الله في جدة الاسواق الصينية لشراء بالجملة منهم و هناك راح تلاقي موردين ممكن يجيبون لك اي طلب تحتاجه غير ان اسواق الجملة كلها للبضائع الصينية راح تكون عندهم

يعني ان شاء الله عن قريب تعال على جدة و خذ لك جولة في السوق و يمكن يناسبك شي و تتعامل معاهم

اتمنى لك كل التوفيق يا رب
[/grade]