السلام عليكم ورحمة الله وبركاته

ان شاءالله الجميع بخير

على طول نخش بالموضوع::

فكـرهـ صراحـهـ مو فكرتـي لاكـن فايـدتهـا كبيــرهـ

ماسـوهـا الا اخوننـا العـرب المقيميــن وهـاتكـ شغل فينـا وتدبيـل اسعــار

انا ماخــلاني اكتب الموضـوع الا من اللـي شفتـه شئ يقــهر واحنـا نايميــن
وغيرنـا عرف يستغلنــا


الفكرهـ مارح تكلفك شـئ <<<سرعه خلصناا

تشتري مثلاً عطر و قلم و بوك و شنطه نسائيه كل شئ على واحد
لاتاخذ اكثر من واحد ومو شرط تشتري حتى لو تتعامل مع محل يخفض لك سعر الجمله اذا احد طلب منك شئ توفره له انت تبيع بمكسب حلوو بس اهم شئ مو استغلال شئ معقول ووو الخ(شغل مخك وشف الناس وش تحب تشتري)

تاخذ الكاميرا تصور العطر والقلم والبوك(لاتنسى تسوي الحقوق) المهم تسوي كاتلوج الكتروني
تعرض بضاعتك فيها وبسعرها ورقمك للتواصل وايميلك للأستفسار من النساء
اهم ميزات الكاتالوج الاكتروني تقدر تحط رابط الكاتالوج تحت توقيعك
في اي منتدى وتحمل صورك مره وحد مو كل منتدى تقعد تحمل صور
وميزه ثانيه انه مرتب يعني يتقسم الى اقسام كثيره مثلا الشنط لحالها
والعطورات لحالها شغل نظيف





اهم شئ انك تشغل مخكـ وشف الناس وش تحب... تقولي كيف ؟؟.
اقولك: تروح لمواقع اللي يتم فيها البيع والشراء وياكثرها ولاحظ الناس
وش تحب تشتري وش تطلب وشف الاسعار وحاول انك تكسر الاسعار
وتبيع بشئ معقول

شئ ثاني بعد حلو انك بعد ماتشوف طلبات الناس وتعرف الاسعار شغل
سيارتك وتروح لسوق المعيقليه<<مثال لسكان الرياض لاتشتري حاول انك
تتفق مع محل او بدون تتفق اهم شئ السعر الزين وبعد ماترجع البيت
اعرض صور اللي شفته في المعيقليه واللي يطلب منك وفرها له
من سوق المعيقليه

الفكرهـ هذي تنفع للشباب والبنات
ــــــــــــــــــــــــــــــــــــــــــــــــــ ـــــــــــــــــــــــــــــــــ

اللي خلاني اكتب الموضوع شفت عطر كافيار معروض
في الانترنت المهم اتفقت مع البائع قالي 300ريال
كان من جنسيه عربيه وقلت له تم طلعت بعد التراويح
على الطريق قابلت خويي وقلت له السالفه حلف اني ماشتريه
منه قال مشينا المعيقليه رحت المعيقليه حصلت العطر على85ريال
المشكله الكبرى ان هذا البائع ابو300ريال قبل اتفق معه قريت الردود
في موضوعه ههههههههههههههههه
فوق 10 ردود يمدحون عطر كافيار في الموضوع حقه<<<



اتمنى من اللي يدخل الموضوع
يحاول يفيدنا عن نظام الكاتالوج الالكرتوني
او يوفر رابط لهـ نكون له شاكرين

او يحط اضافه على الفكرهــ


وشكراً

السلام عليكم اخوي ،،

انا الي فهمته من موضوعك ،، أن الشخص عنده بضاعة وسوقها الكترونيا يعني يشتري من

محلات بالسوق ومن ثم يبيعها عبر النت ،، على فكرة اذا كان هذا مقصودك ،، ترا هناك مواقع

كثيرة بالنت تفعل نفس الطريقة ،، شو السبب ان الناس عقولها - وللأسف يسمحو لي الاخوان

ومحشومين - مب براسها ،، الي يعرف السوق ويعرف اسعار البضايع ما بشتري من النت اللا من الشركات المعتمدة ..

يعني بالنسبة لي اعرف منتديات كثيرة تجارية بس والله يشترون بضايع من دبي ويبيعونها × 4

غش عيني عينك ،، هذي بنظر النت تجارة ولكنها بنظر العقال سرقة ،، السبب انه التاجر ما

عنده محل ولا عمال ولا ايجار ولا مصاريف ،، اشترى البضاعة وباعها بالنت شو مكلف غير بنزين

السيارة الروحة والردة ..

السموحة اخوي يمكن طولت في الكلام.

كلام اخوي اماراتي صحيح . .

شكرا

انا اشوف الفكرة حلوة بس انه الواحد مايغلي الاسعار كثير يعني يكون فرق بسيط ويكون التوصيل للبيت
يعني في ناس مو سهل كل ماجا على بالهم يروحوا السوق, كنت اعرف وحدة والدها مايخليها تروح الا نادرا وكانت تطلب مني اجيب لها اغراض يعني الفكرة حلوة لو توصل للبيت وطبعا اهم شي السعر مايزيد كثير عشان مايصير استغلال للظروف

وبالنسبة للكتالوج الالكتروني مالي فكرة عنه بس اشوف بعض التجار في النت يعرضوا منتجاتهم في التوقيع او في السبيس حق المسن او في مدونة الكترونية
ولو بدات وتحب اسوي لك توقيع فيه صور بعض المنتجات مااااعندي مانع

أنا أستخدم هذه الطريقة بس آخذ ربح 5 ريال أو 10 على حسب البضاعة

الله يوفق