ماذا تفعل عندما تتغير معاملة شخص غالي عليك؟

الاسطوووووره · #1 (**permalink**) 13-09-2009, 09:05 AM

السلام عليكم ورحمه الله وبركاته

ماذا تفعل عندما تتغير معاملة شخص غالي عليك .. ممكن يكون هذا الشخص صديق أو أحد أقاربك رجل أو امرأة ....

فجأة تتغير معاملته معك..وبدون أي سبب.. فأنت لم ترتكب معه أي غلط ولم تجرحه حتى تقول لنفسك انه غير معاملته حتى يحسسك بالذنب
إذا كلمته يرد عليك بقسوة ..وعدم اهتمام..
وإذا سألته عن سبب ضيقه ..يرد عليك ويقول ما في شي..

تحاول تقترب منه..وهو يبعد عنك..

وإذا أجتمعتوا في أي مكان مع أصحابكم ... أو اجتماعا أسريا يكون مبسوط..ويحكي ويضحك..
وإذا ذهبوا وبقيت أنت وهو بس..يرجع مثل الأول ..وكأن كل الضيوف راحوا..أما أنت كأنك غير موجود ******** جيت الله يحييك..ما جيت..مع السلامة
تطلع..ما يودعك..مثل اللي راحوا..تغيب ما يسأل عنك ..
وإذا جيت أنت وسألته عن شي يرد عليك..بأسلوب يضيق الخلق..ويقول ما في شي..وفجأة تلقاه يحكي مع واحد من الأصدقاء عن الشيء الذي سألت عنه أنت ...تشعر انه ما يريدك تعرف..

والمشكلة اللي اكبر من هذا كلّه..إذا كانت علاقتك أنت وهو قويه..أكثر من الشخص اللي يحكي له ويبوح له بالموضوع ..
وأشياء وتصير أحداث..وأنت آخر من يعلم..والمفروض أنت قبل كل الناس تدري..
...ومع هذا أنت تعامل فيه مثل الأول ... ومازلت تعتبر فيه شخص عزيز وغالي ...

في هذا الوقت
تحس انك الوحيد بهذه الدنيا..ما عندك أحد فيها..تحس كل الناس يكرهونك..حتى تكره نفسك..
تصير الدنيا بعينك كلها ظلااااام..ما في ولا نور خفيف..
تحس انك عامل جريمة رغم انك..ما عمرك غلطت فيه..
تحس انك غلطان رغم انك..ما عمرك جرحته,,

ما هو الحل في رأيك ..
تذهب له ...وتقوول له عن اللي بقلبك..؟؟... ولا تسكت وتخلي همك بقلبك..؟؟؟

خالص احترامي

محتاجه وظيفة · #2 (**permalink**) 13-09-2009, 09:19 AM

اشكرك على الطرح الاكثر من رائع والاسلوب البسيط والمسترسل
اختي الاسطوره.. فيه اشخاص احنا نحطهم في المرتبه الاولى ونعتبرهم اقرب الناس لنا, وبنفس الوقت هم يحطونا بالمرتبه الثانيه او الثالثه او حتى العاشره طبعا من دون ماندري نكون متوقعين منهم انهم يبادلونا نفس الشعور والاهتمام ولكن للاسف مانكتشف هالشي الا اذا صار موقف او حادثه تكشف لنا حقيقة اللي احنا مغلينهم..
ومابليد حيله الغلط منا احنا اللي نتوقع من الناس الكثير والكثير المفروض نكون متوازنين في علاقاتنا معهم عشان ماننصدم في يوم من الايام او على الاقل الصدمه ماتكون قويه..
اتمنى انك تستفيدين من كلامي
واعتذر للاطاله.. ودمتي بود..

وثيقه متلحفه · #3 (**permalink**) 13-09-2009, 09:28 AM

شخص عزيز لدي اكيد بوجه له السؤال ماسبب تغيره
هل بدر مني تصرف ازعجه وضايقه مني
اذا كان بدر مني تصرف وازعجه راح اعتذر له
واما ان كان سبب تافه برضو راح اصبر عليه وافهمه
واذا بقي مصر على رايه راح اتركه على حاله مدام اني وجهة له السؤال
وقمت بالاعتذار ماراح اتغير عليه بمعاملتي اكون متواصله معه

الله يجمع القلوب ويبعد عنا الحقد

وثيقه مرت من هون

أبعد من الحلم · #4 (**permalink**) 13-09-2009, 09:37 AM

أنا عن نفسي اذا كانت علاقتنا قوويه مررره
وفجأه تغير علي هذا الشخص أكيد راح أسأله
عن سبب التغيير مره ومرتين وثلاث
لو في كل مره بيقول مافي شي وبيستمر
في مجافاتي وإهمالي ..
بنسحب بكل هدووء من حياته واذا حب يرجع لي
ورجع بيلقاني انتظره .. ولو مارجع الشكوى لله ..

زيدان · #5 (**permalink**) 13-09-2009, 06:18 PM

مثل ماقالت " ابعد من الحلم " ..

مستحيل اتركه بدون مااسأله ..

هل بدر مني شئ تجاهك .. ؟

شفت مني شي ضايقك .. ؟

واذا انكر احاول اعرف وش سر تغيره عليَ .. لأن حتى انا متضايق من تغيره ..

واذا مالقيت منه اي تجاوب ..

ابتركه في شأنه واقطع صلتي فيه ..

واذا رجع اكيد بيلقاني ..

الأسطوره ..

شاكر لك ومقدر هذاالطرح الراقي ..

يعطيك العافيه ..

شرقاوي غرباوي · #6 (**permalink**) 13-09-2009, 09:47 AM

ثنكس فري ماتشِ

صرت مدمن شوفتك · #7 (**permalink**) 13-09-2009, 10:22 AM

ســـو اللي بــراسكـ لا تـذكر اسـباب ...
لا صـرت بايـعــني تـوكـل علـى الـله ...

المصمم قوانين · #8 (**permalink**) 13-09-2009, 10:46 AM

بصراحه موضوع زي هذا صار معي ومن شخص عزيز علي

وبحكم انه عزيز علي ذهبت وسألته ليش متغير علي هل صدر مني شيء زعلك او ضايقتك بشيء

للأسف تعرفون ايش رد علي ,, قال : لا أبد عادي مافيه شيء لاني زعلان ولا شيء

وهو يتصرف نفس التصرفات اللي ذكرت في الموضوع بالضبط والله كأنه انا صاحب الموضوع

وفي النهاية قررت اني اسحب علاقتي فيه لاني وفي قناعة نفسي عملت اللي علي وحاولت استفسر منه عن اسباب تغيره المفاجيء

علشان لو بدر مني اي غلط ابادر بلأعتذار لانه شخص عزيز علي , ولكن بعد رده لي !!

انسحبت من حياته , وخصوصآ انها لم تكن المرة الاولى , فشخص مثل هذا لايستحق ان اسميه صديق فالصديق من صدقك القول والفعل

العطاااوي · #9 (**permalink**) 13-09-2009, 03:14 PM

.... طبعا اسئلـه اذا بدر مني شي غلط بحقـه فاعتذر اذا كان هو مقـفـي ولاحظت عليـه تغير انا بعد اتغير واقفـي عنـه ماوقفت الخـوهـ عليـه وأبي اللقى ناس مثل خوته واطلق منها وعكفان الشوارب ماليـن الارض...

(( من راح بكيفـه وكيفـه يوديـه خله على كيفه وكيفه يردهـ ))

ويعطيك العافيـه ع الموضوع المميـز ...