قصيدة لسان حال كل مواطن سعودي يعاني من البطالة

[POEM="font="Simplified Arabic,5,white,bold,normal" bkcolor="transparent" bkimage="./images/backgrounds/3.gif" border="outset,3,silver" type=0 line=0 align=center use=sp num="0,black""]
ياوطن كل تنعم بخيراتك وعاش=غير انا لاجيت ابي منك قالوا ماعليش
من ثمان سنين ادور على مصدر معاش=ولا سلمت من الكلافه ولا حصلت عيش
ولا كسبت من الرخاء لا جلال ولا قشاش=يوم بعض الناس لا راجع حسابه يطيش
ياوطن مابغى زياده ولا شي بلاش =بس ابي لي ياوطن مثل ما لأحمد خريش
من هموم الدين عفت المخده والفراش=حازم ٍ بطني وصابر ولا احد قال ليش
ليش يلحقني ظما فيك والدنيا رشاش =وليش اجوع وكل الاسلام من خيرك يعيش
ايه احبك والاوادم تحت ستر القماش =يوم بان العيب والغش في القلب الغشيش
كم ضعيف راح يطرد ورا ضوء الفلاش =واستباح مسامر الخمر واستهوى الحشيش
مايبيعك ياوطن غير لاش وابن لاش =والملوك يميزون الاصيل من الكديش
دام حكامك هل الدين حدك مايناش =وكلنا لك ياوطن ساعة الشدات جيش
ياوطن ودي بشي يساعد مير ماش =والسنين تمر والعمر يسرقني شويش
بجاه من ثبت ركونك عقب ماهي هشاش =من سكاكا للحساء للحرم لبو عريش
وجاه من والاء مسيره بعزم وربط جاش=وجاه ابن حثلين وابن محيا والدويش
حطلي نقطة بدايه وعطني منك كاش =دلني واظمن لي العيش ولا احياء من ايش
والختم كل تنعم بخيراتك وعاش =غير انا لا جيت ابي منك قالوا معليش
[/POEM]

قصيده رائعه اخوي
وصح السانك
ومعليش اخوي اللي برى اولى
ولو اهم شي لبنان مايكونو محتاجين شي
والحمدلله على كل حال
اهم شي عند الواحد اسلامه وصحته
ولى الدنيا تجي وتروح
وتحياتي لك اخوي وفالك التوفيق

هلا بك اخوي راجعنا بكره

القصيدة ليست من نظمي


واشكر لك التعليق على القصيدة

كما قلت مبدع سلمت يداك على النقل