.

.

.

.

.



السلام عليكم ورحمة الله وبركاته

كل عام وانتم بخير


انا حاليا اعيش في داومه من الهم والتفكير

لايعلمها الا فاطر السموات والارض

المشكله :

تم قبولي نهائيا في كليه الملك فهد الامنيه

واهلي فرحوا لدرجه لم اكن اتوقعها ابداااااا

وانتشر الخبر بين الاقارب والجيران

لكن اكتشفت بعد طوول تفكير ان القطاع العسكري ليست لدي اي رغبه فيه

رغم ان مميزات الضباط كثيررره جدااااا

وهناك كثيرون ممن يتمنون الكليه الامنيه

لكنني اريد قطاع التعليم

لأسباب كثيرهـ .........

وعندما اخبرت الوالده بهذهـ الرغبه قالت لي وبالحرف الواحد

( لو فصلت من الكليه ... لا انت ولدي ولا اعرفك

وش راح يقولون الناس عنك لو عرفوا انك فصلت ؟؟؟)

انتهى كلامها



وانا عاااايش في جحيم من الهم والتفكير والضيق

فماذا افعل ؟؟؟؟؟

هل ارضيهم على حساب راحتي وسعادتي ؟؟؟

لأن موضوع الوظيفه قد يغير حياه اي شخص للأبد

ام افعل مايناسبني خصوصا انني لم افعلا منكرا ؟

اسمح لي اخوووي ... كيف قدمت على الكلية وانت مو متقنع بالعسكرية وكمان قبولك نهاائي يعني مشيت بالاجراءاات للاخير

انا من رائي اذا وظيفة التدريس او التعليم جاهزة اقنع اهلك انه مالك رغبه بالعسكرية وانه مصلحتي ومستقبلي اهم من كلام الناس ونظرتهم

لكن اذا مو جاهزة او متوفرة وظيفة التعليم احمد ربك على قبولك بالكلية وغيرك يتمناها واكسب رضا واالديك .. وبكره رح تقتنع لما تجتهد بحيااتك

واقولك شيء عن نفسي انا والدي كان حااب اتخصص هندسة او طب وقدمت وتم قبولي لكن ما كااان طموحي مهندس او طبيب ومشيت ورا رغباااتي واخترت اللي ابيه صحيح انا الان موظف والحمد الله لكن لو يرجع العمر للخلف كان سمعت كلمة الواالد لاني عرفت صدق اختياره الان بس الحمد الله على كل شيء

الله يهون عليك ويسخر لك الخير كله

عليك بمشورة أهلك ,,ولو تسمع كلامي العسكرية من أفضل الوظائف حالياً

اتفق مع اخي عاطل في مشاركته
اتمنى لك التوفيق
تحياتي

,والله وانا اخوك اهم شي ارضاء الولدين والله لو يقولك امشي على الجمر حافي ماقول شي على انها صعبه لكن والله لمشي لرضاهم وسعادتهم
ثانيا

تبي النصيحه التدريس هم وغم مو زي اول في مشاكل خياليه من تنقلات من منطقه الى اخرى تعب ورى العيال وهم التوجيه ومراقبه التوجيه محاسبتك على كل شي

العسكريه وانا اخوك افضل بكثيرتخيل الافراد طلابك لكن على عقل وفهم وانت مخير في توجهاتك تجيك من اعلى منك رتبه وعملك سهل جدا مافيه وجع راس كلها تطبيق ميداني وتوجيه ميداني غير الترقيات ومستقبلك المبهر
وسمعتك بين المجتمع وحترامك

اعمل صلاة الاستخاره وامشي مع اللي ترتاح له
والله يوفقك والجميع

ايـــــوة مجــــــــــــــــــــــنون وبالبنط العريض
مالي دخل انتا سالت ..

اولا يالغالي اش تبغا بالتعليم من زينة ..واللا من زين مخرجاته؟؟ واللا انتا حاب مثلاً تزيد العواطلية عاطل ؟؟ وهات بابا مصروف ؟؟
او يمكن حب الانسان لما منع ؟؟

اسمع ترا التعليم هنا وبها الوقت مافيه خير ولا فايده ولا مستقبل ولا شي يبرد القلب..

اقولك روح شوف عدد العواطله ""من التربيه والتعليم "" وقارنها بعواطلية العسكريه""
فكر لقدام اهلك رايهم تمام ومحد يدرس شي يحبو هنا في بلدنا واذا كنت تحبو بكرا اذا اخذت ملفك الاخضر وتحرقت تحت الشمس وراحت عيونك من النت والتقديم لوزارة الخبله المدنية ولا في فايده بكرا بتشوف حبك فين ووداك ""وبتقول

ليتش معي ونا معك .....

لالا


اقصد بتقول
ومن الحب ماقتل

الله يوفقك استخير واستشير ولا تخلي رزقك يطير

انت انقبلت في التعليم والا لالا..

لو انقبلت روح التدريس لانها رغبتك والاهل مافى اسهل من اقناعهم..

وانا متأكد ان مافيه اى واحد عسكرى من اهلك والا كان وقف في صفك..

وموفق ان شاء الله..

ان بغيتها دبلوماسية........... انت ادرى بمصلحتك
على بلاطة............... مجنووووووووووووون,
العسكرية
1- راتب
2- بدلات << كل يوم بدل جديد
3- مركز اجتماعي << تزوج وتزوج وتزوج وتزوج
4-امان وظيفي
5- معارف وواسطات
6- راحة نفسية << والله راحة نفسية.
اما التعليم فريحته طالعة مايحتاج توصيف
يعني...اهلك يعرفون مصلحتك.
هذا اللي اعرفه وهذا ميزان اي وظيفة مدنية تواجه (العسكرية)
والله يوفقك