مشكورين ياخوان على التفاعل .......لكن إذا كان المزرعة ما فيها ماء ينفع إن الواحد يتعاقد مع وايت ينزله مويا في البركة بحيث يعتمد عليها في الري لأن معظم المزارع جافة أو قليلة الماء ... هل طريقة الوايت مجدية ؟؟؟

لا ينصح ابدا بالزراعة بدون مصدر وفير للماء
خصوصا
الزراعة على مستوى استثماري

الله يوفق الجميع


نرجو التثبيت

الموضوع حقيقة دسم بل كثير الدسم

والف شكر للجميع ولصاحب الموضوع الأخ شنتر بن عداد والاضافة الجميلة لي الأخ سالم بن مطلق

وياليت سكان المدينة المنورة يزودونا عن بحثهم عن المزارع واسعار الايجارات إن امكن ذلك
والموضوع هذا من سنين يلف بي راسي لكن ماكنت متشجع

هلا أخوي شنتر بن عداد وجميع الأخوان

تشكر مقدماً لطرحك مثل هذه المواضيع وحب الخير لأخوانك وأسئل الله أن يرزقنا يرزقك والمسلمين الخير أضعاف مضاعفة

طبعاً أنا من (القصــــــــــــــــــيم)

وأرجو تقبل بعض الأسئلة........ (ياكثرها......... الله يعينك ياشنتر)

1- هل أنت مجرب الشغلة (يعني قد جربت) .
الجواب /



2- هل أضمن يومياً أني أبيع أو أصرف المحصول بسوق الجمله ولا لا .
الجواب /



3- هل أي شخص يزرع ويجي لسوق ويبيع محصوله عادي ولا لزم ورقه أو تصريح لدخول السوق .
الجواب /





4- هل ممكن أبيع لو المحصول قليل مثلا بيت محمي واحد عادي أبيع سعر الكرتون صندوق الددسن مثلا نفس سعر الدينا وهي مليانه وممكن أحصل ناس يشترون مني .
الجواب /


5- هل يجب علي بيع المحصول عن طريق الدلال ولا وقف وبع طبعاً جمله مو مفرق .

الجواب /


6- هل الدلال سعره ثابت ولا حسب الكمية .
الجواب /



7- متى أكون متواجد بالسوق بعد صلاه الفجر مباشرة مثلاً وأنا في السوق .
الجواب /



8- وهل هناك فرق لما أجي لسوق بعد صلاه الفجر مباشرة ولا بعد ساعة ولا ساعتين طبعاً معي محصول وببيع جمله .
الجواب /




9- ماهو أرخص سعر ممكن يوصله المحصول بالسوق على مدار السنة وهل هو سعر الكرتون أو المحفر .

الجواب /



10- هل الناس بالسوق تبيع بصطول ولا بكراتين يعني أنا لما أعبي من المحمي أعبي كراتين ولا محافر ........ ومن وين الكراتين نتشراء .
الجواب /


11 - طيب لما يكون عندي محصول بحول الله سواء لم يباع بالسوق أو تصريفة بطريقة أخرى غير السوق أذهب لمحلات الخضار وابيعه عليهم بنفس سعر الجمله أو أكثر بقليل بحيث أني أربح وهو يوفر العنا ويكون أرخص له من السوق ....

الجواب /


12- متى يقطف المحصول من المحمي العصر ومن ثم بيع الفجر ولا كيف ...
الجواب /



وأتمنا لك وقت ممتعاً للإجابة على الأسئلة فضلاً وتكرماً لا أمراً


ملاحظة :
طبعاً سبق لي وانا عملت عدد (2) بيت محمي طبعاً بالشتاء وكان الإنتاج طماط وليس لدي خلفية عن الخيار وبصراحة الطماط ماشاء الله غزارة بالإنتاج لكن مثلك عارف بيتين2 قليله وكنت أبيعهم بنفس المحافظة الي أسكن فيها ولم أذهب لسوق الجمله في بريدة أو أوزعهم على الأقارب حيث أنني بأحد المحفظات التي خارج بريدة يعني لم أخذها كمصدر تجارة ولم أهتم بها ذاك الأهتمام .

يأخ شنتر عندنا بالقصيم مزارع وأستراحات كثر والمحميات المهجورة أكثر وأكثر تتعب وأنت تعدها مافيه مزرعه ماتخلا من المحميات لكن مهجورة بصراحة لما أقراء موضوعك أتحمس ولما اشوف المحميات المهجورة يدخلني الخول (ليه هجروها وهي تدر ذهب )
أتوقع من كثرها لو أقول عطوني أياها يقولون فكانا منها فكاها وشلها ....

أرجو التوضيح لكي تعم الفائدة لجميع القراء
وجزاك الله خير