المشاركة الأصلية كتبت بواسطة عندي طمووح

هلا أخوي شنتر بن عداد وجميع الأخوان

تشكر مقدماً لطرحك مثل هذه المواضيع وحب الخير لأخوانك وأسئل الله أن يرزقنا يرزقك والمسلمين الخير أضعاف مضاعفة

طبعاً أنا من (القصــــــــــــــــــيم)

وأرجو تقبل بعض الأسئلة........ (ياكثرها......... الله يعينك ياشنتر)

1- هل أنت مجرب الشغلة (يعني قد جربت) .
الجواب / نعم مجربها



2- هل أضمن يومياً أني أبيع أو أصرف المحصول بسوق الجمله ولا لا .
الجواب / نعم يحرج عليه الدلال ويباع كله



3- هل أي شخص يزرع ويجي لسوق ويبيع محصوله عادي ولا لزم ورقه أو تصريح لدخول السوق .
الجواب /لا مايحتاج لا ورقه ولا تصريح





4- هل ممكن أبيع لو المحصول قليل مثلا بيت محمي واحد عادي أبيع سعر الكرتون صندوق الددسن مثلا نفس سعر الدينا وهي مليانه وممكن أحصل ناس يشترون مني .
الجواب /على حسب سعر السوق فيه ناس تشتري لاتشيل هم


5- هل يجب علي بيع المحصول عن طريق الدلال ولا وقف وبع طبعاً جمله مو مفرق .

الجواب /تروح لدلال وتفتح صفحه عنده وكل ماتجيب كميه يجي يحرج عليها وله نسبه


6- هل الدلال سعره ثابت ولا حسب الكمية .
الجواب /على حسب سعر السوق تفرق .. مثلا في رمضان ترتفع الخضره وفي الصيف تنزل



7- متى أكون متواجد بالسوق بعد صلاه الفجر مباشرة مثلاً وأنا في السوق .
الجواب /في المدينة فيه حراج الصبح وحراج بعد المغرب .. وحراج المغرب افضل سعر



8- وهل هناك فرق لما أجي لسوق بعد صلاه الفجر مباشرة ولا بعد ساعة ولا ساعتين طبعاً معي محصول وببيع جمله .
الجواب /نعم تفرق طبعا .. الافضل تنتظر الين يحمى السعر .. ويعتمد على متابعتك للسوق




9- ماهو أرخص سعر ممكن يوصله المحصول بالسوق على مدار السنة وهل هو سعر الكرتون أو المحفر .

الجواب /اقل سعر بعت انا شخصيا في فصل الصيف 18 ريال للكرتون طبعا كرتون موز مليان وبعت اوقات في الشتاء بـ 99 ريال .. ولو لحقت رمضان لبعت بـ 180 ريال للكرتون



10- هل الناس بالسوق تبيع بصطول ولا بكراتين يعني أنا لما أعبي من المحمي أعبي كراتين ولا محافر ........ ومن وين الكراتين نتشراء .
الجواب /الاغلب تعبي الخيار بكرتون الموز .. وهو الأفضل سعريا


11 - طيب لما يكون عندي محصول بحول الله سواء لم يباع بالسوق أو تصريفة بطريقة أخرى غير السوق أذهب لمحلات الخضار وابيعه عليهم بنفس سعر الجمله أو أكثر بقليل بحيث أني أربح وهو يوفر العنا ويكون أرخص له من السوق ....

الجواب /تبيعه بسعر اغلى من سعر الجمله


12- متى يقطف المحصول من المحمي العصر ومن ثم بيع الفجر ولا كيف ...
الجواب /لازم تسوي لك جدول .. انا كنت اجني الظهر وابيع بعد المغرب



وأتمنا لك وقت ممتعاً للإجابة على الأسئلة فضلاً وتكرماً لا أمراً


ملاحظة :
طبعاً سبق لي وانا عملت عدد (2) بيت محمي طبعاً بالشتاء وكان الإنتاج طماط وليس لدي خلفية عن الخيار وبصراحة الطماط ماشاء الله غزارة بالإنتاج لكن مثلك عارف بيتين2 قليله وكنت أبيعهم بنفس المحافظة الي أسكن فيها ولم أذهب لسوق الجمله في بريدة أو أوزعهم على الأقارب حيث أنني بأحد المحفظات التي خارج بريدة يعني لم أخذها كمصدر تجارة ولم أهتم بها ذاك الأهتمام .

يأخ شنتر عندنا بالقصيم مزارع وأستراحات كثر والمحميات المهجورة أكثر وأكثر تتعب وأنت تعدها مافيه مزرعه ماتخلا من المحميات لكن مهجورة بصراحة لما أقراء موضوعك أتحمس ولما اشوف المحميات المهجورة يدخلني الخول (ليه هجروها وهي تدر ذهب )
أتوقع من كثرها لو أقول عطوني أياها يقولون فكانا منها فكاها وشلها ....

أرجو التوضيح لكي تعم الفائدة لجميع القراء
وجزاك الله خير