تسجيل الدخول
|
|||||||
تأسس الموقع عام
2006
Site was established in 2006
|
|||||||
| أضف رد |
|
|
LinkBack | أدوات الموضوع | انواع عرض الموضوع |
20-09-2009, 07:45 AM
|
||||
|
||||
|
وصديت عنه وخاطري منه ماطاب
الاخوة والاخوات الكرام في منتديات البطاله السلام علكم ورحمة الله وبركاته ومن العايدين من الفايزين ان شاء الله// هذي مشاركه مني تعتبر بطاقة معايده للجميع //وهي عبارة عن قصيدة رائعة للشاعر الكبير لافي بن حمود الغيداني الحربي / / / / شاعر الحقيقه هو غني عن التعريف شاعر طوّع الكلمات والقوافي لتصبح أسيرةٍ تحت حكمه شاعر أبدع في كل أنواع الشعر وربما الكثير لايعرفه لأنه بعيد عن الاعلام بشكل عام .
فهوصاحب البيت المشهور يكبرالرجال امام المهمات الجسام ويصغر الرجال امام الجمال الانثوي اترككم مع القصيده العين عن حلو الكـرى موقهـا تـاب""ماتـذوق حلـو النـوم مـع ذايقينـه أسباب لأنه ماش شيئـاً بـلا أسبـاب""هاك الغـزال اللـي ذبحنـي بزينـه مـر يتخطـاء ويتلفلـف بالأسـلاب""وطير عـن القلـب المشقـى يقينـه من نظرته وقّع على القلب مضـراب""أشـد وقّـع مـن الرمـاح السنينـه يسرق نظر عينه حذر مدري أعجاب""وأنـا منـه قلبـي تقطّـع وتيـنـه عرّض ومن تعريضتـه خافقـي ذاب""وقمت أتبعه ما غيـر عينـي بعينـه وأقفى عجل من نظرتي فيه مرتـاب""ويحط ظـول النـاس بينـي وبينـه وصديت عنه وخاطري منه ماطـاب""كني مني يمه وأنـا أقـول وينـه ؟؟ من خوف يفطن لي وننشب بالأنشاب""السـوق زحـمـه والأوادم ذهيـنـه وأخذت عنه أشوي مقفي والأعصاب""متوتـره مــا فـكـرت بتهويـنـه ولّديت بـه لأنـه يسعـر بالاطيـاب""عنـد الهنـود اللـي لغتهـم رطينـه وأرسلت يمه نظرة أحبـاب لحبـاب""النظره اللـي مـا أتركتلـي غبينـه وأقبل يبـي يحطنـي عنـه مجنـاب""وشكيت فـي ممشـاه عـلاه وينـه؟ وناظرت فيه وضحك النـاب لنـاب""ومن ضحكته حلـت علـي السكينـه موّه على أهل السوق وأشر بالاهـداب""أشـارةٍ تبـغـى قـلـوبٍ فطيـنـه منها فهمت أنه يبي يعود لـو غـاب""وأن الأمر ماعـاد هـو فـي يدينـه وعقب غلاق أسبوع مر ومعه جـاب""أصغيـراً متـجـودٍ فــي يميـنـه أصغيراً فـي الزيـن للعقـل نهـاب""يقـول أخـوي ومقصـده فاهمينـه قصده يقول أن كان عندك أستيعـاب""علـي مـن هـذا ملامـح وعيـنـه وأخذت أنـا ويـاه مـزح وتعجـاب""عقلـه رزيـن وكـل كلمـه رزينـه في موقـعٍ عنـه المخاليـق غيـاب""الأ ملايكـة العـمـل حاضريـنـه بينـي وبينـه ماوقـف غيـر الأداب""أداب سـلـمٍ كـلـنـا وأرثـيـنـه منه إحترام شعور عربيـن الأنسـاب""ومنه إحترام الرجـل نفسـه ودينـه وبغى الوكاد وقلت هايـم ومنصـاب""حبـك ذبحنـي نعنـبـو والديـنـه قال أستميحك عذر وأقـول لاعـاب""وش هالغـرام اللـي غدابـك بحينـه وحلفت له وأقسمت في رب الأربـاب""منقـذ مـن الطوفـان راع السفينـه إني معـه صـادق ولانـي بكـذاب""والـكـاذب الله لايـطـول سنيـنـه قال أنت صادق بس سابقّك خطـاب""وأهلي فـي تـال الشهـر موعدينـه كم له وهو ماغيـر ذهـاب وأيـاب""لاهــم براضيـنـه ولارافضيـنـه وإن كانها تمت علـى يديـن كتـاب""وتـم القـرأن وروحــوا كاتبيـنـه أنا تـراي أبعتبـرك مـن الأقـراب""وعلـى النقـا تبقـى صلـةٍ متينـه ودّّع وصارت كلمته تقـل مشهـاب""وأركت على كبـدي عراقـي مزينـه وبقيت في وضعٍ تحير أبه الأطبـاب""أيست منـه وحالـت اليـأس شينـه وأخذت وقت أحسب أيامـه أحسـاب""وقلبي علـى شوفـه تزايـد حنينـه أحيان أقول أنشد عنه بعض الاصحاب""ويجيـك بالعلـم المـؤكـد جهيـنـه وأحيان أقول أصبر على جور الأتعاب""ورزق الفتى وأجله كتّب فـي جبينـه وسكّت ماودي عليـه أفتـح ابـواب""للهرج مـن نـاسٍ مهـم راحميـنـه وصبرت مير الصبر طـول ولاثـاب""ومن طال صبـره يالله انـك تعينـه ويومٍ راسي من طويل الصبر شـاب""قررت عنه أنشـد حـدى مجاورينـه ونشدت عنه وقال راحوبـه أجنـاب""ومن قريته شّد وسكـن فـي المدينـه قلت أيه مادام أهلـه عندنـا يجـاب""أمـا بعيـد الفـطـر والا بحتيـنـه قال أهله معه أرحلوا قلـت ياشـاب""يعـنـي لازايـركـم ولازايريـنـه قال ايه مير أنسـه والايـام هـراب""تطـول وتنسّـي ظنيـنـن ظنيـنـه قبلي وقبلك خلت أصحـابٍ أحـزاب""وكم فرقـت بيـن الختيـن وختينـه ماعاد في شوفـه طلايـب وطـلاب""تـرى ماعـاد الا يـدرج جنيـنـه وش تطلبه وحباله في يدين قضـاب""أحـذر لاينصبلـك زمانـك كمينـه قلت الرجال أمفتلت روس الأشنـاب""لأقسى الظـروف حسابهـم حاسبينـه وأقفيت من عنده على الغلب غـلاب""أكّنّ غيـض القلـب وجحـد ونينـه وأعلنت يأسي وإنطوت صفحة كتـاب""مـن البـدايـه للنهـايـه حزيـنـه وأقـول يالله لاتبـارك بالأسـبـاب""اللـي رمتنـي بيـن حبـه وبيـنـه التعديل الأخير تم بواسطة رميزان ; 20-09-2009 الساعة 07:57 AM 
|
|
20-09-2009, 03:36 PM
|
||||
|
||||
|
أحيان أقول أنشد عنه بعض الاصحاب""ويجيـك بالعلـم المـؤكـد جهيـنـه
|
|
21-09-2009, 10:04 PM
|
||||
|
||||
|
ابدعت بالإختيار اخوي رميزان
|
|
24-09-2009, 10:37 AM
|
||||
|
||||
|
صح لسانك ولسان شاعرها
|
|
26-09-2009, 02:03 AM
|
||||
|
||||
|
|
|
26-09-2009, 03:29 AM
|
||||
|
||||
|
الله الله الله
|
|
26-09-2009, 03:51 AM
|
||||
|
||||
|
طرح رآآآئع .."
|
| أضف رد |
|
(( لا تنسى ذكر الله )) |
|
|
|
|
العرض العادي
