23-09-2009, 10:05 PM
|
موجّه تجاري
|
|
تاريخ التسجيل: Feb 2007
المشاركات: 986
معدل تقييم المستوى: 218609
|
|
حياكم ...
بالنسبة لورق A4 , كلامك صحيح المشهور هو روكو , ولكن السوق فيه أنواع ثانيه ومطلوبه , وممكن تتأكد بنفسك لو تمر محلات خدمات الطالب بتشوف انواع ثانيه .
طبعاً أنا مالي خبرة كبيرة فيها ولكن سويت عنها بحث مبسط وطلعة بعدة نقاط وأهمها :
ــ الكرتون فية 6 شدات , وكل شد فية 500 ورقة مقاس a4 وزن 80 جرام وابيض ناصع .
ــ الورق يجي كذا نوع , ومنها الناعم جدا ومنها الناعم خفيف .
ــ الشدة الوحدة يشترونها خدمات الطالب من الموزع بحوالي ( 7,30 الى 9,30 ريال ) بالجملة حسب نوعية الورق .
ــ سعر الشدة من اندونيسيا بحوالي ( 1,80 الى 3 ريال ) بالجملة وحسب نوعية الورق .
ــ طبعاً أندونيسيا تعتبر من أفضل الدول في إنتاج الورق .
طبعاً اسعاري هذي قديمة شوي , يعني يبيلك إعادة تسعير , وممكن تشوف اي خدمات طالب وتحاول تقابل راعيه السعودي وتسولف معه واكيد بيخدمك بمعلومات مهمه مثل ( بكم يشترون الشدة الحين - وش أفضل نوعية ورق - حجم سحبهم اليومي أو الشهري ) وبناءً عليها تقدر تسوي دراسة مبسطة على قد راس مالك وتحسب امورك زين .
الزززززززززززززززبدة ... الموضوع ماهب صعب , بس يبي تنبيش ورواقه واهم شي التنبيش الداخلي !!!!!!! لاتفهم غلط , لكن قصدي البحث مع محلات خدمات الطالب هنا اهم شي واحرص انك تقابل السعودي راعي المحل وممكن واحد او اثنين او ثلاثته يحبطون بك ولا يعطونك وجه ( شغل حسد ) لكن لا يهمونك بتلقا غيرهم عيال حلال .
وموفق بإذن الله ,,,, ويعلم الله اني اغليكم واعزكم ياهل عنيزة وتامرون امر وتراي حولك ( حبحرررررر ) هههههههههه .
التعديل الأخير تم بواسطة فتى نجد ; 23-09-2009 الساعة 10:08 PM
|
العرض العادي
