شكرا لكم ياخوان ولي عودة معكم

أنتم ياخوان تقولون هذه المحلات معظمها تأجير ...طيب أنا قبل فترة قابلت عامل وعرضت عليه افتح محل وأجره عليه وما قبل وقال أنا اشتغل بالراتب سيم سيم نفر ثاني ... يعني الدعوى ماهي تأجير

***********

وهناك شيء آخر وهو أنني أشوف بعض المحلات يديرها كذا عامل يمكن ثلاثة أو اثنين ويتناوبون عليها فهل التأجير مشترك بينهم ولا مستأجرها واحد والثاني شغالين عنده ( ما أدري كيف ما يخاف إنهم بسرقونه ) ولا وش وضعها .....؟؟؟؟؟عامل واحد في المحل هو المشرف وهو اللي يحاسب الزباين ممكن نقول إنه مستأجر لكن مجموعة عمال يشرفون على المحل وكل واحد منهم يحاسب الزباين فكيف يكون وضعهم ؟؟؟؟؟؟؟

والله ياخوي اكلونا العماله والله احنا نرضى ب 1000 او 2000 او 3000 اخر الشهر ومبسوطين نحسب اننا وصلنا سطح القمر والعمال الي بالمحل يصك له ربح من 15000 الى 30000 او اكثر كله علشان اريح نفسي

والله راحتنا في البيوت ما جابت لنا الا الفقر والهم

لكن وانا اخوك ان كان تملك الوقت والله قوم خطوه خطوه بمحلك لوتقعد تحط فيه ايجار بس لو تمر سنه وانت ما سويت شي مافيه مشكله كله في سبيل انك تبني نفسك ومعلوماتك كيف تتصرف تعلم ننفسك ولا احد يلعب عليك

ومافيه مشكله من الاستشاره اجلس استشير اكثر من شخص وبعدين حللها في مخك واطلع انت بالناتج النهائي ونفذ

افضل المحلات هي التي لايوجد عليها تاريخ اي ما تخسر اذا طولت في بيعها مثل اواني منزليه ادوات مكتبيه

قطع غيار سيارات كفرات

والا مغسلة سيارات

او جواتي

والله يوفقك ويرزقنا واياك

انا اعطيك الفكره اخوي انا عندي محلات كثير والحمد لله والعماله الاجنبيه مستحيل تشتغل بكل جهدها عشان يدخل جيبك اخر الشهر وهذا شي بالعقل نعرفه وندركه الفكره ياطويل العمر ان العامل الاجنبي في البدايه المشروح بيتحدد لك فكره الدخل للمحل وبعدين تاجر المحل بالكامل للعامل يعني مثلا تاخذ منه شهريا 2000 ريال والباقي له طبعا في هذي الحاله راح يشتغل ليل نهار بيده وبرجوله عشان يطلع الالفين من بداية الشهر وفي اقصى وقت عشان الباقي يكون له ونت حتضمن حقك مليون في الميه ونتا جالس في البيت ....... اعطيك مثال حي ممكن تلاحظه عندك محل صالون الحلاقه لو تروح لهم الظهر تلقاهم مو مشغلين الاظاءات ومكتفين بالشمس فقط ليش؟؟؟ يبغون يوفرون الفاتوره عشان يدخل جيوبهم اخر الشهر مبلغ محترم وصاحب المحل ياجر الكرسي عالعامل ب 1000 ريال والمحل احتمال يكون 3 كراسي يجي اخر الشهر وياخذ 3000 وهو مرتاح هذي الفكره اخوي وصدقني عن تجربه شخصيه اتمنى اني افدتك واي خدمه او سؤال انا جاهز

معلية على الرد القاسي .. نحن شعب نبغى فلوس الين عندنا في بيوتنا ومرتاحين ... ناجر على العمالة و ناخذ الف او الفين + الراتب و خلاص

خيرنا كله رايح للاجانب العمال ... اقتراحي لك شوف لك شي يكسب مكسب حلو و ما يقدر يلعب عليك العامل و لا تعطية الا راتب و يخب ... في اشياء كثيرة لف السوق و فكر و بتحصل افكار


بالتوفيق لك يا رب

الله يوفقك اخوي ولا انا ودي الود اني افتح محل من زمان لاكن مافيه رأس المال الله يرزقك من حيث لاتحتسب.

شكرا لكم لكن إذا كان الشخص بيأجر المحل على العمالة بمبلغ ألف ولا ألفين على كذا أجل متى بسيترجع رأس ماله فضلا عن الأرباح ؟؟؟؟؟!!!!!!

يعني مثلا كلفه تجهيز المحل ما بين استئجار وديكور ومعدات ثلاثين ألف مثلا فيمكن يحتاج ثلاث سنوات عشان يسترد رأس ماله وإذا بيدور أرباح يحتاج سنوات أخرى ...... فأين الفائدة من إيجار المحلات على العمالة خاصة وأنها تستلم المحل جاهز وما تدفع ولا ريال في تجهيزه ؟؟؟؟؟

طرأ في بالي هذه الفترة أحد المشاريع وهو مضمون بمشيئة الله لكن تدبير عمالة لهذا المشروع أمر حيرني

الله يوفقك حبيبي والله تعجبني بس ماودي احطمك مكتب العمل معقدين بطلعه الروح يطلعون لك عمال
مشكله انظمتنا سيئه جداً حتى يتكلم معك الموظف بطرف خشمه
اعرف واحد من فتره يبي يطلع عمال من الرياض مكتب العمل وهو له مؤسسه وعنده املاك ماشاء الله عليه
وفوق هذا له معارف وما اقدر
ادع ربك سبحانه وتعالى والله يسهل لك امورك يالغالي