السلام عليكم

انا مثلك اشاهد العمالة اخذة حريتها واكأن المحل محلها والبلد بلدها

حرام اموالنا تطلع برا واحنا في جاحة لها

هو صعب جدا السعودي يا خذ المحل الأجنبي لان الدخل لو يعمل كأجير عند صاحب المحل جدا ضعيف
ولا ينفعة لكن الأجانب تساوي الدخل شيء كبير في بلدة وهو افضل

لكن الحاصل ان العمالة الأجنبية اكثر ربح من هذة المحلات يعني تعطي صاحب المحل 3000 اخر الشهر
وهو يحصل ضعف هذا المبلغ مرتان كربح وتنعكس يصير صاحب المحل هو اللي يشتغل عند العامل

انا اقول لكل صاحب محل ان يوظف عامل لكن براتب كل اخر شهر وهو يشرف على عملة بشكل يومي
ومع الفواتير والأوراق كل شيء راح يوضح

فيصل فرج

تجد عمالة هنا في بلادك اطلب من العمالة هم يوفرون لك واحد وانقل كفالتة من كفيلة لك
لكن مثل ما قلت لك كون مشرف علية بشكل يومي واعطي لة راتب شهري فقط ولا تجعل له المحل
يسرح ويمرح ويربح وانت تجي اخرالشهر تقول هاتي الراتب

الله يوفقك




.

صاحب المحل السعودي يحط رجل على رجل ويتسدح في بيته وتجيه ارباحه وهو في بيته

يعطيه البنقالي ٢٠٠٠ ريال ومسوي انه ماخذ ١٠٠٠ عاد كان راعي المحل مسوي فيها انصاف واتفاقهم على النص بالنص

وما يدري الاخ ان البنقالي ياخذ اضعاااااف اللي يعطيه معزبه

تحسب البنقالي بتسكته الف والا الفين !!!
واذا انت ما تقدر تشرف
حط لك واحد سعودي امين كمحاسب فوق العماله
وخذ لك شاب عمره ١٩ - ٢٥ وحولها لان هالفئه يحتاج فلوس ويرضى براتب ٢٠٠٠ الى ٣٠٠٠

والعماله لاتشيل هم استقدام

شف لك واحد قل دبر لي عامل تراهم كثر الذر

خذ لك لفه بالبطحاء يوم الجمعه بتشك انك بالرياض

بالتوفيق

كام تفضل الأخوة بأن أغلب المحلات مؤجرة للعمالة ..

بخصوص عمل مشروع يفضل دائماً .. بأن يكون صاحب المشروع لديه خلفية أو خبرة عن المشروع المراد عمله ..
كي تسهل علي المتابعة لاحقاً ..

عموماً الإدارة مهمة جداً وليست بتلك الصعوبة .. فسواءً مركز خدمي أو مركز لبيع السلع .. هناك خدمات تقدم ..

مثلاُ لو قلنا ورشة سيارات ..

بيكون عندك مجموعة خدمات تقدمها .. وكل خدمة لها سعر معين والمشكلة إن بعض الخدمات خاصة في مجال السمكرة لا يمكن تحديد سعر لها في جميع الأحوال لا زم يكون عندك التالي عشان تقدر تدير الورشة سواءً عندك خبرة أو ما عندك ..

أولاً : عمالة فنيين
ثانياً : مشرف للورشة
ثالثاً: محاسب

وطبعاً تبقى مهمتك إدارية بحته .. ولا تنسى تحط رقم جوالك على الفواتير أو على مطبوعات الورشة وأيضاً وضع لوحة في الورشة فيها رقمك .. ويكتب تحت الرقم للشكاوي والاستفسارات ..
ولا تنسى عليك أن تكون متواجد في فترات غير دورية .. يعني مره طب عليهم الصباح مره في المسى ......الخ
عشان ما يكون عندهم علم أو فرصة لأستغلال فترات غيابك
في حالة انك بتسافر أو بتغيب عن الورشة شوف أخوك أو أحد اقاربك أو اصدقائك يمر يشيك على الورشة ..ويراجع الفواتير أول بأول ..
كتابة عقود عمل .. فيها شروط وبنود لإبراء ذمتك في حالة قيامهم بإصلاح سيارة بصورة مخالفة "الحوادث تحتاج ورقة إصلاح" أي سيارة تدخل الورشة للسمكرة بدون ورقة تكون من مسئولية المشرف قانونياً .. عشان تريح راسك مستقبلاً ..

العميل يجيب سيارته .. يفحصها الفني ويحدد العطل .. مشرف الورشة يحدد السعر .."حسب الأسعار المحددة مسبقاً .. أو يستعين بالفني لتحديد السعر .. يتم الدفع لدى المحاسب ويستلم العميل فاتورة ..
يتم جمع تلك الفواتير وتسجل في دفتر اليومية وترحل المبالغ النقدية على الحساب البنكي ..مع إبقاء مبلغ لا يتجاوز ألف ريال في المحل "صرف، شراء قطع غيار للعميل....."

المهم إنك ما تعتمد على جنسية وحده .. فوجود جنسية واحدة في مكان العمل خطر بعض الشيء ..

مشكووورين ماقصرتوا
والله يوفق الجميع

والله يالغالين اسعدكم الله فين ما كنتو وغفر لنا ولولدينا ذنوبنا

بصراحه اعاني من نفس المشكله

كل ما اتجهت لنشاط لقيت عقبات

وكل ما حاولت لقيت مطبات

تعرفوا اني من محاولاتي لقيت شي وعرفت شي ان السعودي يحسد على السعودي

لقيت مركز تموينات صاحبه مهمله مرا وسمعت انه بقبله ويبغاله شغل وعليه غرامات

قلت انا اتكفل بكل شي .. طبعا كلامي مع العامل السعودي ادق عليه ما يرد بس فتره كلمني العامل يقوول السعودي يقوول مايبغا سعودي يبغا اجنبي

طيب ليش وبعد محاولات واتصالات ارسل ليا العامل يبغا اسمي بالكامل

طيب ليش قال يبغا يسأل .. طيب بناسبه انا ولا بيزوجني

سبحان والله عجب عجب عجب .. ولليوم والليله ما اتصل عليه


اللهم ابعد الحسد من قلوبنا وارزقنا جميعااا من واسع فضلكـ وكرمك

رزقااا اوله عافيه وصحه واخره عتق من النار يا عزيز ياغفار

الحمدلله والصلاة والسلام على رسول الله وعلى آله وصحبه أجمعين

الله يرزق الجميع .. الامر يحتاج الى تعب وتحمل ومغامرة بنفس الوقت ...

هالموضوع اوجع قلبي لكن بصراحه انتوا اللي تبون كذا

انتوا اللي تبحثون عن اسباب التبطح و الكسل

التهرب من العمل

ما احد يبي يتعب

في فكره غبيه منتشره بقوه
ان العاطل البطالي هو الانسان الكشخه السبور "خصوصا البنات كل ما كانت تافهه كل ما صارت كلاس !!" مع ان الناس الكلاس الحقيقين اللي متربين في قصوووووووور في السعوديه "ما اتكلم عن امريكيين"
تلاقيهم يكرفون من ايام الدراسه مع اهلهم ويتعلمون اصول العمل والبزنس و قيمة الريال

حتى البنات ترى ما يتدلعون زي ما الناس تفكر! والله كلن يكرف علشان يرتقون بانفسهم عن هالكسل اللي بيقتل ربعنا واخرتها يقولون العماله

العامل هذا حقه الشرعي! اللي القانون يسحقه و يمنعه عنه علشان خاطر عيونك و انت ترفس فرص العمل كلها رغبة في الانبطاح على مساند الاستراحات ومقاتله ابطال الوي و فاينل فانتسي!

و حتى لو تركنا البزنس وقلنا وظيفه مريحه

حتى بالوظايف السعوديين اكثر الناس تهربا من العمل و ضغوط العمل
اعرف شخص ترك وظيفه براتب 11 الف و راح لوظيفه ام 9 الاف عشان الشغل اقل
مع ان حتى ال 11 الف ما تسوي له شي هاليومين!

و قس على ذلك

انا سعوديه ابا عن جد ما فيني عرق اجنبي و اقولها بكل اسف

انتوا تستاهلون ان الاجانب يسرقونكم

شوف يا اخوي
انا الصراحة من اشوف الاجنبي يضيق صدري والله
وانا جربت الشغل مع الاثنين
الاجنبي الصراحة يكون يتحمل نوع ما ولا بعد ما يطلع من عندي من شعغله يروح يشتغل شغغل اني ولا يبيع بطايق ولا الي هوة
قد صار ليا تجربة مع واحد من اولاد ديرتي
كنا بحاجة موظفين وانا ضد اي اجنبي ابد
وظفت ليا سعودي وكان وقتها ضغط طلباات وكذا با العيد
المهم كلمتة وقلت له يا فلان عندنا ضغط طلبات وما حتنزل اجازتك الا ليله العيد
وحتجيك اتعابك زيادة على راتبه راتبه كان 3900 + بيجية 1800
قال لا مادري ايش قلت ماعليش احنا بحاجتك وما حتنزل اجازتك الا ليله العيد هذا كلمتة يمكن 25 رمضان
المهم قالي طيب وقفل بعد الفطور كلمتة مقفل جوالة والى يومك هذا .؟؟؟

يعني انا ليا تجارب كثيرة مع السعوديين تعرف ياخوي ايش مشكلة اولادنا ما يتحملون الشغل
رغم البعض عندي الصراحة فيهم تحمل ماشاء الله
بس الاغلب شهر شهرين ولا عاد يجي
ليه طيب هذا جازاتي
ابي كل الموظفين سعوديين

ومازلت الصراحة عندي تشدد
اتمنى من كل قلبي انة القي في المحلات سعوديين وخلاص يروح من عندنا الاججانب
نتطور شوي مثل باقي الدول
اما صاحب المحل يكون متواجد او ابنة او من ابن بلدة مافي اجنبي ماسك محل
ولا الاغلبيه الان نسبه
يفتح محل له
وعليه بس يجي اخر الشهر الف ولا 800 ولا الي هيا عاد

يحز بخاطرك يوم تعرف كم الحوالاات الخارجية كل سنة تكون برء السعودية
لو احنا مشغلين مخنا ومفكرين لي بعيد كان تطورنا ولا هذا حالنا


الف شكر على موضوعك
وسامحني على الاطالة