عملت اللازم من مجاميعه ديكور ولوحات ورفوف وثلاجات وابواب والحين مالحتيش ولا مليم

يعني بضاعه مافيه والي كلفت لحد الحين قريب من 50 الف عاد البدايه اي كلام تحتاج قرابة 50 الف

مساحة المحل فتحتين والعمال جاهزين وانا جاهز والجمهور جاهزين

الي عنده خبره عن طرق الحصول على بضاعه او سلفه عن طريق المؤيه يقول فكل الشروط تنطبق علي عاطلن باطلن داشرن ضايع حرمت نفسي من المبلغ الي كنت مدخره طار قرابة ميتين بين زواج وتأثيث وطارت خمسين حق تجهيز التموينات والحين على الحديده لا لي ولا علي

بالنسبه للتموينات مكانها روعه وظمان النجاح بإذن الله مظمون وشعبيتي في المجتمع جارفه والمؤجر يقول لو ما تفتح الا يوم يبعثون ما قلت اطلع بس المشكله ان كتبت عقد السنه الي طافت ودارت سنه وهو كل شوي يمدد واحرجني بطيبته وانا كل يوم اقول حتفرج حتفرج

وإنني من على هذا المنبر الخاص بنا كعاطلين أطالب الامه جمعاء بحضور افتتاح مشروعي التمويناتي

بس قبل كذا ارشدوني وقولوا وش المطلوب من صندوق المؤيه وكم المده الي راح تستغرقها اذا كانت التموينات من ضمن المشاريع المتاح دعمها

ولا تنسون دعواتكم ان الله ييسر وتفرج ونكسب ويكون الكسب حلال ان شاء الله

بالتوفيق

والله انك منسم اسمحلي ههههههههه

كيف تحط فلوسك كلها في الديكور وتجلس بدون بضاعه هههههههههههههه

أنت رجل أعمال صاحب تجارب كثيرة كيف ماحسبتها صح خخخخخخخخخخخخخخ

أتمنى أحد يقدر يفيدك وتمنيت ردك في موضوع البيوت المحمية يكون في موضوع مستقل

بصراحة تجربة تستحق الثناء


قل آمين الله يرزقك وتحقق مرادك

كخخخخخخخخخخخخخخخخخ يعني طلعت نكته كنت اضن نفسي تاجر محترم وطلعت اي كلام

في البدايه رحت استشرت يمين شمال في كل مكان وبرضو في كم مدينه يعنني حريص قالوا بالكثييييرر 25 الف قلت بس

بديت في المحل وكل شوي اضبط حاجه الين ما طارت 50 الف ويعنني حريص حاط دوسيه ومجمع فواتير ولما جهزت اطالع في مخباتي اليمين والشمال يؤؤ رجعت حليمه لعادتها القديمه طفران ولد ابو طفران

فما كان مني الا التطبيل على الرفوف (( يا حليلي جيت ابي اكسب ضاعت فلووسي )) طمبع .. طمبع

طرقع .. طرقع - بالاصابع (( ممعاي لا قشطه ولا علبة زبادي )) عاشوو .. عاشوو

زيكم كنت حاط في بالي ان فيه موزعين والدفع مع الفاتوره الجايه قلت نص البضاعه او 25% عن طريق الموزعين والباقي كاش

وكلما لقيت موزع طلعت لدينته وسلمت عليه مع الدريشه سلام كيف الحال (( ام .. ام .. ام .. معاك التاجر الكبير شهبندر التموينات يا شهبندر الدينات .. الا على طاري الدينه وش عندك .. شرايك تنزل كل الحموله وتراجعني بكره )) تمرمطت معاهم كل ابوهم يقولوا ما في آجل بس في المدن الآجل والقرايا اذا ماعندك كاش خلك واقف فباب بقالتك وصفررررررلي عشان تذكرني فشكلك بلا فشكلك

عاد زيه المستودعات كل ابوها تبي كاش في المره الاولى وبعد الثقه في العميل يبدى البيع بالاجل والدفع الفاتوره الجايه

الي ابي اعرف صندوق المؤيه كم ياخذ وقت يعني يوم يومين مثلا او اكثر او اقل وهل هم يشتروا البضاعه ويرصوها ويبيعوا وفي اخر الشهر يعطوني المكاسب احسبها وانا منسدح وحاط رجل على رجل

هل يحتاج انهم يجون عندي ويقولوا تعال عندنا او انا اروح لهم ويقولوا تعال عندنا والا ايش بالضبط

بالنسبه للبيوت المحميه اخوي الطربيد خفت من العين قلت اخبيه في موضوع عسى الله يكفينا شر الحاسدينا

بمناسبة مشاركتكم في الموضوع بعطي كل واحد فيكم رف لمدة اسبوع لجل يتسدح ويتبطح براحته ودمتم سالمين

ههههههههههههههههههه الله يسعدك ضحكتني سواليفك
معقوووووول مافي احد من اقاربك تتسلف منهم وترجع لهم المبلغ بعد ماتفتح تمويناتك
او تتعامل مع صاحب تموينات او بقاله
ان شاء الله تجد من يفيدك
وبالتوفيق