السلام عليكم جميعا
ياجماعه انا بشكي لكم حالي
والله انا خريجت ثانوي وحاصله على اكاديمي تقنية برمجه(دبلوم سنتين اربع مستويات)
والله وقسم بالله العظيم ان ظروفي الماديه يرثى لها يمكن احسن من غيري:o
بس ظروفي صعبه
انا ابي وظيفه:o
بنت بعمري 24 سنه
والله مكاياج معندها غير فتات ولبس اخر مره شريت شريت تنوره وبلوزه بالعيد حق الاضحيه
وجوالي فصلته
والله توفي ابوي من خمسه شهور وحالتي صارت زفت
ابيكم تساعدوني دورولي وظيفه انا ماعندي واسطه
ربي واسطي والله العظيم اني ابقى ابكي على حالي لين اشوي اتعب
قعدت البيت خبركم ممله وانا ماعندي حق برقيه ارسلها لاي احد يساعدني
من سنه وشوي كان عندي 40 الف بالاسهم والله اخذتها بالسلف وخسرتها كلها
مابقى منها غير 1500 ريال لاغير
طيب وش اسوي كيف اسدد ديوني واحنا اصلا علينا قسط للبنك بعمارتنا
طيب من لي ياجماعه والله اكتب كلامي وهذا وانا والله مستحيه منكم لان بنت بسني ماتعودت على الطلب وانا اكتب ابكي وبحسره لاني ماتوقعت يوم اكون بذا الحال لكن بعد وفاة ابوي انقلب الحال
وعفتي والله تذبحني مليون مره
طيب وش اسوي انا لو الاقي وظيفه بمرتب زين
لو معتدل اروح فين ماتكون بروح لو تكون بقريح
بس ابي اساعد نفسي واهلي
تكفون بنات انتم ساعدوني
والله بموت من كثر مابكي الله يخليكم ساعدوني النت والله ادخله من ورى اهلي عشان ادور وظيفه
والله ادري اني بثقل عليهم بالفاتوره يالله ياجماعه ساعدوني محتاجتكم موت موت
تكفون لبو مطلبي

معلومه انا من الطائف

اتمنا احد من الاعضاء يساعدها

والله ياختي ماملك لكي الا الدعاء الله يرزقك ويوفقك

عسالله يوفقك يالغاليه هذا اللي اقدر اقوله اما الواسطه عليك بالدعاء بجوف الليل والتضرع والالحاح بالدعاء وربي يوفقك بأذن الله

والله ياختي مقدر شعورك وحاس بهذا الالم الذي تعانين منة

والله يرزقك من واسع فضله

وكما سمعت من بعض الاخوان والاخوات ان الجمعيات الخيرية ومكاتب الدعوة النسائية يوظفون البنات للحالتهم صعبة .

والله يوفقك

ربي يفرج همك ويفتح لك أبواب الرزق
"شكا رجل الى النبي صلى الله عليه وسلم الفقر وضيق العيش , فقال صلى الله عليه وسلم "اذا دخلت الى منزلك فسلم ان كان فيه أحد أو لم يكن فيه أحد ثم صل وسلم علي واقرأ "قل هو الله أحد مره واحده "
ففعل الرجل مدة فأدر الله عليه الرزق حتى أفاء على جيرانه وأقربائه.
قال الرسول صلى الله عليه وسلم :" سورة الواقعة سورة الغنى فاقرأوها وعلموها أولادكم "
وقال ابن مسعود (رضي الله عنه) : من قرأ سورة الواقعة كل ليلة لم تصبه فاقة أبدا
(الفاقة: الفقر ).
الأحاديث من كتاب مفاتيح الفرج.

الله ييسر امرك ياغاليه

توجهي لله في آخر الليل ( نصيحه مجرب )
اكثري من الدعاء واقرئي ماتيسر من القرآن

وتذكري انك افضل من غيرك بألف مره والحمد لله على كل حال

السعادة ليست بالمكياج والمال ابداً بل بمقدورك تحويل الصعاب الى تيسير

اسأل الله ان يسدد دينك في اقرب وقت
وان يرزقك بالزوج الصالح الذي يعوضك مافقدته

الحياة قادمة بإذن الله تجدين الفرح ولكن كما اوصيتك تقربي إلى الله اكثر

لاأملك الى الدعاء لكي في آخر هذا الليل

لا حول ولاقوة الا بالله

ويقولون السعوديه مافيها ناس محتاجه
ويقولون السعوديه مافيها ناس عاطلــه

يا اختي كلنا هنا عاطلين ونبحث عن عمل

والله لو اقدر اساعدك لساعدتك

وقصتك هذي المفروض تنزلينها بالجريده وللمعلوميه الجريده تنزل الاخبار هذي مجانا

وان شاء الله اصحاب القلوب الطيبه راح تساعدك وتفرج همك


وعليك بالاستغفاااااااااار

الله يفرج همك ويسر امرك

بسم الله الرحمن الرحيم

السلام عليكم ورحمة الله وبركاته

بصراحة تقطع قلبي وانا أقر موضوعك وقسم بالله العظيم لو كان بيدي شىء

كانت ساعدتك لكن انا عندي إقتراح يمكن يفيدك وعلى الأقل تسددون دينكم الي عليكم

زي ما تقولين نبيك تحطين رقم حساب بنكي لك او لخوك او حق ابوك الله يرحمه

ونبي من كل عضو يتبرع لك لو بريال واحد ولا أحد ينسى قول الرسول عليه الصلاة

والسلام ( تصدقوا لو بشق تمره ) يالله خلونا نوقف مع بعض لو مره وحدة

وانا أول واحد مستعد يساعد بهالموضوع .