( القصيدة )
الا يالله عفـوك لا معي بيـجــر ولا جــــوال *** ولا عنـدي وضيـفه والتجـــاره فاشـلٍ فيـها

ولاعندي شهـاداتٍ ولاحــرفه تسـد الحــال *** ولا حــظٍ كبير لا اخـطـت الجــــره يقديها

مخابي الثوب تومي مادخلها من زمان ريال *** بها فاتورة الكهــرب ولا يمـديني اقضيـها

علىذيك العراوي تتعب الحادي مع الجمّال *** ثلاث اشهـور فالورشـه وشهـرينٍ مغطيـها

ابيها لو تجـمّـل يـوم واجلـبـها على الدلاّل *** يجيـها واحـدٍ حـظه مثل حـظي ويشــريها

نصيت العسـكـريّه يوم قالوا للنظـام رجــال *** وقـدّمـت المـلـف وصـورةٍ متشــخـصٍ فيـها

خـذا الاوراق مني واحـدٍ مـا عند ابـوه دلال *** سلوم الناس واهل المعرفه والطيب مخطيها

قراهـا في دقيـقه والتفـت عـجـلٍ علي وقـال *** شهادتك العظيمه يا ولد وين انت مخفـيها

هزّيت الراس ماعندي تقول اني من البنقال *** وقمـت احـب خشـمه واطلبـه بالله تمشّـيها

حـذفها من يده شين الطبيـعه والنبا والفـال *** وقـال ازين تعـوّد صـوب نوقاتـك تعشّـيها

تناوشته من الكرسي وعفت الحل والترحال *** وضربته بالبياله عقب ما بيّحت شـاهـيها

خذوني للسجـن لا نيب لا ظـالم ولا محـتال *** مجـرّد واحـدٍ جـا يكـحل عيونه فيعمـيها

ويوم اني خرجت اقفيت لارض الله وسيع الجال *** عـلى بـرٍ هـواه يـداوي العـلّـه ويـبـريـهـا

ادوّر قصعة الجـربوع والظـب الفتي يخـتال *** والارنب يا شفاة الروح ما احلاها وطاريها

بـلا كهــرب ولا بيجــر ولا غـازٍ ولا نقّــال *** قوانين الحضــاره لا تبي شـوفي ولا ابيـها



جيش العاطلين سوف يزحف ويحطم جدار الصمت
سكوت مخيف وصمت عجيب من الدولة لمشاكل الشباب
والله اني خايف بكرا لاتصير فوظى بسبب الفقر والبطالة

( الله يستر)

نصيت العسـكـريّه يوم قالوا للنظـام رجــال *** وقـدّمـت المـلـف وصـورةٍ متشــخـصٍ فيـها

خـذا الاوراق مني واحـدٍ مـا عند ابـوه دلال *** سلوم الناس واهل المعرفه والطيب مخطيها

قراهـا في دقيـقه والتفـت عـجـلٍ علي وقـال *** شهادتك العظيمه يا ولد وين انت مخفـيها

هزّيت الراس ماعندي تقول اني من البنقال *** وقمـت احـب خشـمه واطلبـه بالله تمشّـيها


قصيده تمثل حال العاطلين
رغم طرفتها جميله جدا

يعطيكـ العافية

شرفني مرورك واشكر كيبوردك

ولاعندي شهـاداتٍ ولاحــرفه تسـد الحــال *** ولا حــظٍ كبير لا اخـطـت الجــــره يقديها


الا والله ماعنده وااسطه .. لو عنده وظفوه مدير لو يبي !

ياشيب عيني من هالزمن ..

اخوي جوجل لاهنت عالقصيدة واذا تعرف راعيها وصلَه هالنصيحه

( اقوله يكمل دراسته ليلي وياخذ شهاده ) ويشوف وش اخرتها معهم !!

القصيدة للشاعر الكبير / سعد بن جدلان الأكلبي ،

يعطيك ألف عآآآآفية يالغالي وتقبل مروري .

هههههههههههه
الله يعين على هالدنيا
يعطيك العافية جوجل

روعة وتشكي الحال للعاطلين