استفسار عن اختبار الانجليزي للخطوط السعودية

مبرمج نت · #31 (**permalink**) 04-10-2009, 02:27 AM

مرحبا شباب

انا اليوم راحت علية الطيارة وانا في الشمال ولا يمديني لجدة 1500كيلوا عن جدة

انا اختباري يوم الاحد 4 اكتوبر

ابي منكم خدمة اللي يروح يختبربكرة يسأل لي

هل يمكن لي اختبار بالايام المقبله مثلا الثلاثاء او الاربعاء ..؟

واكون لكم شاكر ...

أنس إبراهيم · #32 (**permalink**) 04-10-2009, 02:42 AM

ارجووكم ياشباب ..

اللي اختبروا ياليت يعطونا تفاصيل اكثر عن الاختبار وهل هو يستاهل التجربة ولا صعب ؟

انا جربت برنامج رواد المستقبل واله لو اعيد الاختبار ميه مره ما اعديه .. الانجليزي الله بالخير

فالقصد هل الاختبار اسهل بكثيير من اللي قبله ...ياليت تفيدونا .

مع العلم ان موعدي بكرة .. ولا اقدر اروح بحكم انه في الرياض فقط ,, فإذا كان الاختبار يستاهل حاولت بطريقة معينة اني ادخل مع مجموعة ثانية في الاختبار .

بس تكفون نبغى إجابة شافية .

طالب مثالي · #33 (**permalink**) 04-10-2009, 02:57 AM

اقتباس:

المشاركة الأصلية كتبت بواسطة أنس إبراهيم

ارجووكم ياشباب ..

اللي اختبروا ياليت يعطونا تفاصيل اكثر عن الاختبار وهل هو يستاهل التجربة ولا صعب ؟

انا جربت برنامج رواد المستقبل واله لو اعيد الاختبار ميه مره ما اعديه .. الانجليزي الله بالخير

فالقصد هل الاختبار اسهل بكثيير من اللي قبله ...ياليت تفيدونا .

مع العلم ان موعدي بكرة .. ولا اقدر اروح بحكم انه في الرياض فقط ,, فإذا كان الاختبار يستاهل حاولت بطريقة معينة اني ادخل مع مجموعة ثانية في الاختبار .

بس تكفون نبغى إجابة شافية .

صل ركعتين و استخر فيها
وأتوقع الإختبار أسهل من رواد المستقبل بكثييييييييير

أنس إبراهيم · #34 (**permalink**) 04-10-2009, 03:51 AM

يعطيك العافية اخوي على الاجابة

لكن والله لاتلومني .. انا عارف مستواي زين باللغة جربت 4 اختبارات بالرغم انها كانت متفاوته بالصعوبة الا اني كلها ماقدرت اجيب فيها اكثر من ربع الدرجة .

بالنسبة لإختبار خريجي الجامعات طبيعي أسهل .. لكن ودي تجربة واقعيه من الطلاب اللي اختبروا .

أنس إبراهيم · #35 (**permalink**) 04-10-2009, 03:55 AM

للتأكد :
موقع الاختبار في الرياض فقط ولا ؟!

مبرمج نت · #36 (**permalink**) 04-10-2009, 04:13 AM

اخوي انس

الاختبار بجدة والرياض

بس انا بجدة وموعدي اليوم 4 اكتوبر بس انا بالشمال ولا اقدر اجي لان راحت علية الطائرة

وابي من الاخوان اللي متواجدين وعندهم اليوم اختبار

يسألون هل من الممكن اختبار الثلاثاء او الاربعاء

أ مؤيد · #37 (**permalink**) 04-10-2009, 02:02 PM

اقتباس:

المشاركة الأصلية كتبت بواسطة طالب مثالي

مساء الخير.............
هذا رد واحد من الشباب في أحد المنتديات المجاورة أختبر اليوم الله يعطيه العافية

السلام عليكم ورحمة الله وبركاته

العلم سلامتكم << مسوي شايب

ما أطول عليكم اليوم حضرت الاختبار وكانت السالفة كما يلي :

الساعه 9:55 وصلت القاعه الثقافيه وطقيت لي زقارة قبل ادخل (عشان التركيز) خخخ امزح

المهم أول ما دخلت أخذ اسمي وبطاقة الأحوال للتأكيد وبعدين جلست في مكاني المخصص اممممم

وكنا تقريبا خمس صفوف وفي كل صف 20 مقرود تقريبا وعلى فكرة ما يمديها غش

لأني حاولت وما توصلت لنتيجة خخخ تذكرت أيام الجامعه (ذكريات فللله)

بعدين وزعوا الاوراق الممغنطة وشرحوا لنا طريقة تعبئة البيانات ... شوي والا الأسئلة جايه (100 سؤال ومعك 75 دقيقة)

وهات سؤال ينطح سؤال>< ...قرمر على شوية مرادفات على شوية حروف جر(بروبيزشن) واعطونا ارقام عشان نستعلم عن
النتيجة >> يقولون بعد اسبوعين بعدين استأذنت ومشيت

وسلامتكم ,,, العشا معنا خخخ

اتمنى لكم التوفيق ومع السلامه

منقووووووووووووووووووووووووووووووووووووووووووووووو ل

لااااااااااااااااااا يرحم اهلك قول غير الاختبار ذاااااا

دخلته 70 مليون مررررة وما عمري مشيت فيه

أ مؤيد · #38 (**permalink**) 04-10-2009, 02:58 PM

اختبار طاااااازج لعيونكم

http://secure.vec.bc.ca/vec/online-test.cfm

بس لازم تحطوا الايميل صح عشان النتائج ابشركم طلعت جحش في القرمر مع انه لغتي الانجليزي كويسة بس القرامر فاااااشل لووول

النتائج

Here's how you did in each level of our English Grammar test:

Level 2: 5 out of 9 (56%)
Level 3: 7 out of 10 (70%)
Level 4: 6 out of 12 (50%)
Level 5: 4 out of 9 (44%)
Level 6: 6 out of 14 (43%)
Level 7: 6 out of 11 (55%)
Level 8: 7 out of 14 (50%)
Level 9: 6 out of 17 (35%)
Level 10: 3 out of 10 (30%)
Level 11: 4 out of 8 (50%)
Level 12: 5 out of 8 (63%)
Level 13: 4 out of 10 (40%)
Level 14: 1 out of 5 (20%)
Level 15: 1 out of 3 (33%)

تحياااتي لكم