أختي

أرسلت لك رسالة خاصة

عوافي،،

تم الرد

يعطيك العافية

بالتوفيق يا رب للجميع

روحي لباب رزق إللي بالدمام وقدمي أوراقك عندهم وهم يبحثون لك عن وظيفة ولا تنسي الدعااااء وربنا معاك

وكمان قدمي على صندوق تنمية المورد البشرية وهم يبحثون لك عن وظيفة ولهم وقع على النت عبي بياناتك ثم كلميهم على أرقامهم الموجودة والله معاك

الشهادات مهمه ماينفع تقولي انا لغتي ممتازة واعرف للكمبيوتر ,, لازم فيه شهادات تثبت الكلام هذا

ومدام ما شاء الله تقدري تدرسي أدرسي على الأقل لو قدمتي في أي وظيفه ماتقولي لهم انا كنت جالسه في البيت ,, لمن يعرفوا انك كنت بتطوري نفسك راح يكون وضعك افضل بكثير صدقيني ..

وفي الأخر أحسني الظن بالله يا أختي ولو انتحرتي يصير لا دنيا ولا أخرة الله يكفيكي الشر

أشتغلي على نفسك لحد ما ربنا يكتبلك الرزق الطيب

وأنصحك بالشهادات الدولية في الحاسب واللغة بدل الدبلومات اللي مالها فايدة كبيرة

مودتي

انا معاك يا اختي وانا ما بتكلم عن تقبلي انا لمهاراتك أنا بتكلم عن أي مكان تقدمي فيه ويقولك ورينا السيرة الذاتية !!؟ وما تكون فيها غير شهادتك الجامعية

صحيح الواسطة هي الريموت في كثير من الأمور في حياتنا عموما بس خلي أملك في الله كبير ولا تخلي الواسطة عقبة ربنا قال اسعى ياعبد وأنا أسعى معاك

انا ماني ناصحة هنا ولا راح أقولك سوي واعملي لأنك اعلم بنفسك من أي أحد

للأسف أنا ماني من الشرقية لكن أنا أرجع أقولك أنا ماقصدت بالشهادات الدبلومات

مدام مستواك طيب في الانجليزي ادخلي التوفل او الايلتس

ومدام مستواك طيب في الحاسب ادخلي اختبارات الرخصة الدولية لقيادة الحاسب الآلي مع اني ما اتوقع انه في احد حاليا ما معاه الشهادة هذه لانها مطلوبة في كل مكان وزمان

جربي تسألي عن شهادات الشبكات !!

اتمنى لك التوفيق أولا واخير وتأكدي إني حاسة بمعاناتك

موفقه

أقول لاتستهبلين
مالك الا 7شهور ومضيقة صدرك
وسعي صدرك وتوكلي على الله وادعيه وخلي <<الله>>واااااسطتك
ماديك على ضيقة الصدر
تووووووووووووووووووووووووووووك

احكيلكم تجربتي

انا تخرجت ومعدلي جيد جدا + لغتي الانجليزية جيدة جدا + استخدامي للحاسب ايضا جيد جدا

وما لقيت شغل زي الاخت فطومة .. وقعدت اندب حظي ان ما عندي واسطة

ولما لقيت واسطة ترشحلي وظيفة في بنك .. وسويت 3 مقابلات شخصية .. وافقو على شخصيتي ومهاراتي .. لكن رفضوني لان لي احد من الاقارب يشتغل في نفس البنك


ولقيت دبلوم حاسب رخيص بالانتساب بس اجي اختبر .. يعني كاني اشتريت شهادة بـ 600 ريال

وكان معاه عرض دورة في الجودة الشاملة .. واخذت من عندهم دورة في خدمة العملاء بـ 100 ريال

كل هذه اشياء اعرفها ماحتاج ادرسها .. لكن الشركة ما تعرف غير سيرتك الذاتية .. اذا كانت فاضية ما تعطيكي وجه


وبعد كذا اشتغلت كسكرتيرة في احدى المنشآت .. براتب مشي الحال وبدون حقوق .. يعني لا عقد عمل ولا تامينات ولا شي .. لا وكمان سمعت ان المكتب مو مرخص

وشغل الله لا يوريكم .. اجي الصباح اطلع المغرب .. ومرة قعدت لما الساعة 11 الليل .. واذا طلعت قبلها اخذ شغلي البيت .. واحيانا يكون في عمل ميداني والمواصلات علي

غير طبعا الاستغلال والمعاملة السيئة .. لكن صبرت لاجل عيون (الخبرة) .. شهرين وطلعت

خبرة شهرين فقط + دورة خدمة عملاء .. مفيدة للبدء في مشوارك الوظيفي

بعدها بشهر او اقل .. لقيت وظيفة كخدمة عملاء والدخل معقول .. ولما احتاجو محاسبة كنت انا جاهزة لاستلام الوظيفة .. بخبرتي في الشركة وشهاداتي .. وصار عندي فيها خبرة سنة ونص

والى الان تتوالى علي عروض الوظائف .. ليست كلها مناسبة .. ولكن على قولهم (الشركات بدات تعطينا وجه)

خبراتي وشهاداتي ومؤهلاتي ليست عالية ولكن ..

* ترشحت لوظيفة تعاملي فيها يكون مع مالك الشركة بصفة مباشرة ولمدة 4 ساعات فقط

* ترشحت لوظيفة في موبايلي يقول ممكن يوصل الراتب 7000 لكن بمجال التسويق وهو ليس مجالي

* ترشحت لوظيفة في شركة التامين العالمية بوبا براتب 5000 ورحت سويت انترفيو

* ترشحت لوظيفة في الادارة العامة ببنك الرياض في الرياض .. هذا وبدون اي واسطة وكنت حديثة تخرج

* ترشحت لادارة صالون مشهور جدا في جدة

ولله الحمد والمنة .. كل ذلك بدون واسطة .. وتركت كل ذلك للتفرغ لدراسة الماجستير



الخلاصة:

* الواسطة مالها دور في القطاع الخاص

* شهادات اللغة والحاسب وباقي الدورات مهما كانت سمعة المعهد ليست جواز سفر للوظيفة .. لكنها تدعم السيرة الذاتية

* الخبرة اهم ما في الموضوع .. وبالنسبة لحديثي التخرج .. اشتغلو اي باي راتب حتى لو بدون راتب .. بعد كذا ممكن تلاقو وظيفة افضل وبالتدريج

* لا تتخيلو انكم تلاقو وظيفة الاحلام بهذه السرعة .. راح تتبهدلو في الوظايف كثير الى ما توصلو للشي اللي تبغوه


واولا واخيرا .. وفي السماء رزقكم وما توعدون



واعتذر على الاطالة .. بالتوفيق للجميع ..