ربي يسعدكم ويوفقكم .. والله انوه انبسطت من كلامكم اللي يثلج الخاطر ..

رغم انه اليوم كان اقوى يوم تحطيم مريت فيه .. لكن مارح أيأس مهما صار ..

طبعا بكتب لكم المدارس تبع اليوم الثاني اللي لقيت عندهم احتياج للمعلمات ..

لكن فيه طبع مررره سيئ توي اصادفه .. مدري ليه هم ناجحين واصلين ليه يحطموننا واحنا ببدايه الطريق ..

لكن هيهات هيهات .. مارح يتوقف الطموح عند تحقير وتقليل بالعكس هي الدافع الاقوى .. ومثل مايقول مهند ابو ديه ..

انه مهما وصلني من تحطيم كانه انطلاقه السهم نحو الهدف .. ماعلينا .. نجي للاهم ..

اليوم لقيت كذا مدرسه .. واللي هي ..


المستقبل .. في السليمانيه .. رقمهم .. 4631190 .. عنوانهم .. طريق الملك عبدالعزيز دوار المطار ثم يمين لـ شارع الامير سلطان بجوار مخابز الكعكي .. وترى لوحتهم رايحه فيها صغييييره بس انتبهوا يوم تروحون شوي شوي .. محتاجين معلمات عربي ابتدائي ..

مدارس الفهد .. في السليمانيه .. رقمهم .. 4624949 عنوانهم .. شارع مساعد العنقري تقاطع العروبه ..
محتاجين عربي صفوف دنيا ..

بقولكم موقف .. امس وحده من المدارس اللي مريت عليها .. قالت لي الموظفه فيه مدارس جديده اسمها دلتا .. جديده واول سنه لها .. ومحتاجين مدرسات كل المواد .. من باب المساعد طبعا علمتني الله يسعدها ..

وكانت اليوم ظمن جدولي ..

مدارس دلتا العالميه .. حي صلاح الدين خلف فال للسياحه والسفر .. طبعا مو خلفها على طول لكن تمشون سيده .. رح تلقون كمباوند هي المدارس .. اول مادخلت عطيتهم السي في واسال وش محتاجين اداريات ولا معلمات .. قالت للاسف انتم متاخرين اصلن ما عندنا شواغر .. انا صرت كيذا اطالع مع اللي معي @@ .. تستهبل ذي ولا تستهبل .. قلت انوه سمعت تبون .. قالت لا مانبي روحوا دوروا غيرنا .. يالله وش هالوقاحه في التعامل .. طيب قولي كلمه حلوه محنا ناشبين فيك ولا غاصبينك الا توظفينا .. بس صدق من قال الملافظ سعد .. هذا اذا فهمت المثل من اساسه ..

اللي تبي تروح وتجرب تروح لها عادي .. يمكن يبون مواصفات خاصه .. انتم روحوا لا توقفون على مدرسه ولا ثنيتين ..

أكمل .. المدارس ..

مدارس الورود .. بحي الورود .. رقمهم .. 4545517 .. عنوانهم .. طريق الملك عبدالعزيز مقابل بنك ساب
بحاجه الى معلمات عربي ابتدائي

مدارس الصرح الاسلاميه .. بنفس الشارع مدراس الورود .. محتاجين رياضيات وعلوم ..

وبس هذي مدارس اليوم الثاني ..

والله يوفقني واياكم ..

بارك الله فيك

متحمسه لجولتك اليوم (^_^)

الله يوفقك ويرزقك

اهلا بك اختي ضما الرووح
الله يرزقك يارب
بالوظيفه
الصالحه
تخصصك وشو مدرستي محتاجه معلمات
ارسلي وارد لك خبر ياقلبو
ياليت ترسلينه خاص لاني مانتبه لكثرة الردود

الله يرزقنا واياكم .. الرزق الحلال .. ويوفقنا في كل اللي نطمح له ..

وشاكره كل من رد ومر او حتى قراء الموضوع ولا عنده وقت يرد .. =)

بدخل على طول في المدارس اللي عندهم احتياج ..

مدارس العنايه .. عنوانهم : حي الملك فهد .. محتاجين ..معلمات انجليزي و رياضيات .. عاد رواتبهم حلوووه دايم العنايه ..

مدارس جيل المملكه .. عنوانهم : حي المصيف شارع ظبيه بنت البراء بجوار خياط المستشار .. مدرسات صفوف اوليه .. يعني معلمه شااامله من مجاميعه ؛)

مدارس البرائه .. عنوانهم .. حي المصيف : شارع ظبيه بنت البراء امام روم .. محتاجين معلمات صفوف اوليه .. شفت بنات يحضرون درس علوم فـ اتوقع يبون علوم .. بس ما امداني اسالها لانوه تاخرت بالطلعه اليوم <-- فيس مستحي ..

وبس .. لاتنسوني من صالح دعواتكم .. =)

الله يعطيكــ العافيهـــ ...

الله يرزقك بالوضيفه الي تبينها

ويسعدك دنيا وآخره