بسم الله الرحمن الرحيم
السلام عليكم ورحمة الله وبركاته

يااعضاء لو سمحتو اللي عنده معلومات يقدر يفيدني يقولها

باختصار انا خريجه بكالوريوس علوم حاسب الي تربوي وعندي فرصتين وظيفيتن ومحتارة بينها
صحيح كلها خاص بس تمشي الحال وتعطيني خبرة استفيد منها
الاولى بمدرسه اهليه وبراتب 2500 وهي طبعا صباحي وانا متوظفه فيها اصلا من 3 اشهرولا ودي اتركها
والثانيه بمعهد تدريب حاسب الي براتب 2000 وشوي وشوي كم مدري وهي مسائي يعني من 4 الى 8 وقبلوني وانا بصراحه ابي دوامين يعني الراتبين والخبرتين من الطرفين نعمه
ونعمه كبيرة بعد بعد بطاله 3 سنوات
المهم مشكلتي مو بالدوام ولا بالراتب انا مشكلتي ابي اعرف اقدر اتوظف وظيفتين وكلها بالقطاع الخاص وكلها مسجله بالتامينات ولا ممنوع مايصلح

بصراحه انا محتاجه الراتب كثير وخاصه مع الديون اللي متراكمه علينا وابي الخبرة علشان اقدر اتوظف وظيفه حكومي
الله يعافيكم ويجزاكم خير ساعدوني وقولو لي كيف اتوظف وظيفتين ؟؟؟؟؟؟؟؟؟؟(طماعه )

الله يرزقك اختي
والله ماعندي خلفيه بس حبيت ارد لو بدعوهـ

بالتوفيق

اذا كانت الوظيفتين بيسجلونك بالتأمينات .. فهذا مايصلح

واعتقد المعهد ماراح يسجلك تأمينات .. تأكدي منهم وربي يوفقك ويسهل عليك

بالتوفيق

أولاً تأكدي حالياً هل أنت مسجله في التأمينات

لأن بعض القطاعات الخاصة لا يسجوا موظفيهم في التأمينات

تقدرين بالراحة

بس لازم واحد منهم يسجلك بالتأمينات والثاني لا

انتي نفس وضع واحد سوري درسنا انقليزي بدايركت انقلش يوم اخذت دورة بالمعهد

كان يدرس بمدرسة اهلية في الصباح وبعد العصر يدرس بمعهد دايركت انقلش لين 9 المساء

بالتوفيق

اخاف اذا عرفو الجهه الثانيه يطردوني ؟؟؟

نعم تقدري تكوني مسجلة عند التأمينات بكل الوظيفتين ,, بس اهم شي انه مايكون من ضمن الشروط في العقد انك ما تكوني مسجلة بغير الوظيفة الي متعينة عليها ..

مع العلم انا اعمل في اكبر شركتين ولله الحمد ومسجل فيهما ..

وبالتوفيق

في العقد وقعت على اني مااكون موظفه حكومي وانا لو موظفه حكومي ماجيتهم هههههههه

لكل من رد على موضوعي مشكورين و جزاكم الله جنات النعيم