عديت في مرقبً ٍ والليل ممسينـي

بديار غرب ٍ ياعل السيل ما جاهـا

أضحك مع اللي ضحك والهم طاويني

طية شنون الطلب لو قطروا ماهـا

وراك ما تزعجين الدمع يـا عينـي

على هنوفً ٍ جديد اللبـس يزهاهـا

هبت هبوب الشمال وبردها شينـي

ما تدفي النار لـو حنـا شعمناهـا

ما يدفي الا حضن مريوشة العينـي

وإليا عطشنا شربنـا مـن ثناياهـا

أبو عيـونً ٍليـا سلهـم تناجينـي

يا قرد عين المشقى كيـف يقواهـا

يا شبه وضحى فتاةً ٍ دلهـا زينـي

داجت على عقلةً ٍ والورد ما جاهـا

يا عل من شار بالفرقى عمى العيني

مخباط صمعا جليل الفخـذ يشظاهـا

جعله حسيرٍ كسيرٍ وراكبـه دينـي

وأتلى حلالـه ذلـولً ٍ راح يطلاهـا


لكن القائل تعددت الروايات ولا نعرف من هو بالضبط

(((منقولة)))

يسلم إختياااارك هتان الليل ..
ولاهنت على النقل ..

أعطر الود ..

الله ... هذي القصيدة جدا جميله وتعجبني حييل

قد سمعت انها للأمير السديري الله يرحمه !! بس غير متأكده

تسلم على نقلها .. يعطيك العافيه

صح لسان شاعرها وسلمت يمينك هتان الليل على هذه الابيات الرائعه
سلمت ودمت

صح لسااانك

قصيده رااائعه

ابدعت بالنقل اخوي

الله يعطيك العافيه


دمت بخير


حنين الرووح

هتـــــــــــــــــــان > >
رووووووووووووعه ..
ننتظر أبداااااااعاااتكـ...
يعطيكـ ألف عافيهـ ..
لاخلا ولاعدم..

يعطيك العافيه مكرر