مدربات حاسب ولغة إنجليزية- معهد شرق الرياض

الوفيه2006 · #21 (**permalink**) 04-10-2009, 05:33 PM

السلام عليكم ورحمة الله
من تجربة سابقة انصح بالابتعاد عن المركز الثقافي للسيدات
أوافق الاخت بأن الادارة ممتازة ولكن اختلف معها في
1- الرواتب جداً قليلة 1500 على الفترة و 2500 على الفترتين ولاتفكرين انه يزيد طول عمرك.
2- المالك جداً سيء يوقعك عقد ويربطك بالعمل وان لقيتي فرصه عمل اخرى او ظرف بتطلعين يرفض توقيع الاخلاء عشان تختمين الخبرة الا بالموافقة على شروطهاللي هي تتنازلينعن حقوقك المالية والشيء الثاني تستمرين الى الوقت اللي هو يبي واللبيب بالاشارة يفهم
دمتم بود

خريجة ترجمة · #22 (**permalink**) 05-10-2009, 10:36 AM

الرجاء من المشرفين تصحيح الرقم لايدعون علي الناس لخبطت بالرقم
هذا الرقم الصحيح
2338080

هموسه · #23 (**permalink**) 05-10-2009, 11:07 AM

اقتباس:

المشاركة الأصلية كتبت بواسطة الوفيه2006

السلام عليكم ورحمة الله
من تجربة سابقة انصح بالابتعاد عن المركز الثقافي للسيدات
أوافق الاخت بأن الادارة ممتازة ولكن اختلف معها في
1- الرواتب جداً قليلة 1500 على الفترة و 2500 على الفترتين ولاتفكرين انه يزيد طول عمرك.
2- المالك جداً سيء يوقعك عقد ويربطك بالعمل وان لقيتي فرصه عمل اخرى او ظرف بتطلعين يرفض توقيع الاخلاء عشان تختمين الخبرة الا بالموافقة على شروطهاللي هي تتنازلينعن حقوقك المالية والشيء الثاني تستمرين الى الوقت اللي هو يبي واللبيب بالاشارة يفهم
دمتم بود

هلا بك اختي

انا من موظفات المركز الثقافي للسيدات سابقاً , استمريت سنتين بالتمام والكمال وماطلعت الا راضيه وبدون اي مشاكل

خلينا نلخصها مثلك على نقاط

أولا/ الادارة ممتازه والمعلمات بكل الفروع عسل والله مسخرهم تسخير , بهالسنتين الي قضيتها كل ماادخل المركز احسني ببيتنا ولله الحمد ماعمري بيوم تهاوشت او تقلل قدري من احد وغيره تعاون وأخوه ماحسيت بها في اي مكان ثاني وليومك احن للمكان ولأخواتي الي فيه

ثانياً /الرواتب فعلاً قليلة 1500 الفترة والفترتين 2500 ولكن فيها بركه ويكفيك انه ماينتهي الشهر الا راتبك مصروف ومايتأخر يوم وهالشي يغفر قلة الراتب , والمالك التزم بأنه يعطي الاجير حقه قبل ان يجف عرقه , والله ماقلت هالكلام الا من تجربة لااماكن ثانيه سواء مدارس اهليه او معاهد اخرى الي مايجيني راتبي الا عقب مااصيح وانيح

اجل اجلس 3 شهور بدون راتب في معهد وبالاخير يطلع عن طريق الشكاوى وكذا

ثالثاً / اشتغلت السنتين كامله بالمركز الثقافي وعند تركي للعمل لم يحصل لي مضايقة على قولتك انهم يرفضون توقيع اخلاء الطرف

بالعكس اخذت خبرتي موقعه من المؤسسة العامه وفوقها اخلاء الطرف ويكون بعلمك لم ابلغهم بتركي للعمل مسبقاً كم هو بالعقد يعني قبل ترك العمل بشهر

ومع ذالك لم يحصل ماكتبتي

أختي الكريمه قولي خير والا اصمتي

وربما كلمة قالت لصاحبها دعني

والمالك مع اني مااعرفه وكل الي قلته كلمة حق ولازم تنقال واتصالنا يالموظفات دائما مع مديرة الفروع

اخواتي الكريمات الي حابه تقدم ترسل الفاكس على هالرقم لان الرقم الي وضعته الاخت غلط

الفاكس :2665001
والي حابه تكلم الادارة هذا الرقم :2665010

ويكون بالعلم الرواتب للسعوديات وخريجات البكالوريوس حاسب وايضا لخريجات الدبلوم ارتفعت ومع التسجيل بالتأمينات الاجتماعية

وعذراً للتطفل

الخااااالدية · #24 (**permalink**) 05-10-2009, 11:23 AM

موفقين

الوفيه2006 · #25 (**permalink**) 05-10-2009, 08:30 PM

اقتباس:

المشاركة الأصلية كتبت بواسطة الخااااالدية

موفقين

اختي الفاضلة
مالي هدف اضر المالك انا اقول الحق اذا انتي معه من سنتين انا معه 3 سنوات وقلتلك الادارة جدا كويسه لكن يالحبيبة بعد ما صار فيه تامين اخذت برنت من التامينات قالوا مسجل راتبك 1000 طبعا عشان تقل النسبة اللي يدفعها قلت انا راتبي 1500 وابشرك بالعقد كاتب 1800 غير كذا كاتب اجازة راتب شهر طلبت راتب الاجازة وتصحيح وضعي بالتامين قالوا الادارة هذا شيء راجع له كلميه رفضت كلموه هم رجع رفض وقال مافيه راتب اجازة الا للي كملوا 5 سنوات المهم قلت بترك وارسلت الاستقاله وقالوا لازم هو يوقعها وليومك ما شفتها جتني وظيفة واحتجت الخبرة رجعت طلبتها عطوني الورقة حقتم وديتها للموسسة طبعا الديوان مايختم زي ماقلتي اللي يختم الموسسة على نموذج الديوان المهم قالوا اذا انتي منتهية لازم اخلاء طرف والنظام هذا جديد رجعت طلبته قال توقع استلامجميع حقوقها وانها طلعت بدون استقالة قلت لا
ومشكلتي معه لا زالت قائمة
الشيء الثاني ارجعي كلمي المركز كل الادارة طلعوا وحتى زميلاتك اللي تجكين عنهم وانا وحدة منهم فنشهم هذا الشهر ولا بقى الا 4 وتقدرين تاكدين وازيدك من الشعر بيت بدون سابق انذار واللي بتاكد كلموا عليهم شوفوا كم باقي موظفة
انا ماتبلى احد ولعلمك اكثر من عطى هالمركز انا واكثر الاعلانات اللي بالنتدى باسمي وانا مادحه الادارة لكن هذا اللي حصل ورجعت له تبين اسلوبه وبالنهاية لو عنده انصاف ماكان رجعنا له ومديرة الفروع موجودة
دمتي بود

مدربات حاسب ولغة إنجليزية- معهد شرق الرياض

وظائف منطقة الرياض

السلام عليكم ورحمة الله وبركاته مطلوب مدربات لغه وحاسب للمعهد الثقافي للسيدات الموجود على شارع حسان بن ثابت الإدارة رائعه والتعامل مريح والمدربات...

مدربات حاسب ولغة إنجليزية- معهد شرق الرياض

تسجيل الدخول

مدربات حاسب ولغة إنجليزية- معهد شرق الرياض

وظائف منطقة الرياض

السلام عليكم ورحمة الله وبركاته مطلوب مدربات لغه وحاسب للمعهد الثقافي للسيدات الموجود على شارع حسان بن ثابت الإدارة رائعه والتعامل مريح والمدربات...

مدربات حاسب ولغة إنجليزية- معهد شرق الرياض