أكيد كلكم يعرف خدمة الرسائل الخاصة
والكل عنده حب استطلاع ويبغى يشوف بعض الرسائل الخاصة اللي بين الأعضاء
فجات لي فكرة
تعالوا اقرؤوا الرسائل وبعدين اقول لكم سرها
وأتمنى ماحد يزعل لأن الهدف هو رسم الابتسامة

الرسالة الاولى بين حنين الروح وأخر العنقود

اقتباس:

المشاركة الأصلية كتبت بواسطة حنين الرووح مساء الخير ياعنقودة حبيت أسألك وين موضوعي الجديد ؟!

اقتباس:

المشاركة الأصلية كتبت بواسطة آخر العنقود مساء النور ياعسل آسفة حبيبتي موضوعك تلاقينه في قسم المخالفات لأنه تحول لدردشة

الرسالة الثانية بين زيدان والعنزي

اقتباس:

المشاركة الأصلية كتبت بواسطة زيدان مساء الخير يالعنزي وين قطتك ؟؟ تبغى تخاوينا للبر انت والا لا !! لك يومين تماطل وترى ماراح اعطيك سلف لأن قطتي بالقوة دبرتها

اقتباس:

المشاركة الأصلية كتبت بواسطة العنزي مساء النور زيزو القطة ابوي ماهو راضي يعطيني يقول توك صغير على البر وانا اخاف عليك من الذئاب والثعابين روحوا خلاص ابوي يقول بيوديني للملاهي بدل البر والغبار العب هناك احسن

الرسالة الثالثة بين نووسة وابعد من الحلم

اقتباس:

المشاركة الأصلية كتبت بواسطة نوووسة القرني يوووووه وينك من زمان بسررررعه ادخلي المسن بسولف معك :o

اقتباس:

المشاركة الأصلية كتبت بواسطة أبعد من الحلم والله انك فاضية انا للحين ماخلصت لاغسيل ولا طبخ ضغطي مرتفع فارقيني وسوي لي بلوك ما ابغاك ماهمك الا السوالف أنتِ

الرسالة الراابعة بين عاطل منذ 1970 وراعية الابل

اقتباس:

المشاركة الأصلية كتبت بواسطة عاطل منذ 1970 مساء الخير اختي راعية الابل حبيت أسأل عندكم حاشي للبيع ؟! لأني ناوي اطلع للبر هذا الاسبوع انا وبعض الشباب وقالوا لي شوف لنا حاشي صغير وطيب وحتى لو بيموت ماعندك مشكلة بس اهم شئ يكون رخيص

اقتباس:

المشاركة الأصلية كتبت بواسطة راعية الابل هلا اخوي عاطل عندنا حاشي ماعليه كلام سمين وصغير بس تراه بين الحياة والموت تعال عند ابوي واشتره بسرعه يمكن تلحق المسلخ قبل مايموت

الرسالة الخامسة بين heavenmoon وعديم اليأس

اقتباس:

المشاركة الأصلية كتبت بواسطة heavenmoon [grade="FFA500 FF1493 00BFFF 32CD32"] عديم اليأس أبغاك تفتح عيونك على الواحة في هذي اليومين لأني شايفة بعض الأعضاء يدردشون كثير وهذا الشئ ما أحبه ولا يعجبني مفهوم وأي واحد يلعب بذيله بلغني بعطيه باند على طول

اقتباس:

المشاركة الأصلية كتبت بواسطة عديم اليأس أبشري يامراقبتنا بفتحها عشره على عشرة حتى أنا اشتريت نسكافيه قلت اذا حسيت بالنوم اروح اضبط لي كوب حتى اجلس مصحصح على المشاركات والردود :o وبعدين فيه كم عضو عيني عليهم الظاهر بوجهك تعطينهم باند لأنهم رافعين ضغطي وكل شوي اعدل في مشاركاتهم

الرسالة السادسة بين ديمة وهتان ومستعدووه

اقتباس:

المشاركة الأصلية كتبت بواسطة ديمه وهتان مستعدووه الجامعه قربت ياويلك ترى الجامعه مرة صعبة والدكاترة مره قاسيين يلا ولولي دحين الين ماتطفشين

اقتباس:

المشاركة الأصلية كتبت بواسطة مستعدووه بالعكس الجامعة مرة حلوة وأحلى من الثانوية الا انتي الظاهر مقهورة وتبغيني افصل منها ! بس موتي حره ماراح افصل

الرسالة السابعة بين عاطل فاهم وسراق القلوب

اقتباس:

المشاركة الأصلية كتبت بواسطة عاطل فاهم سراااق وش رايك نروح للسوق الحين إتصل علي واحد من الشباب يقول السوق مليان بنات يلا اكشخ والبس جينز وتعطر وبمرك الحين

اقتباس:

المشاركة الأصلية كتبت بواسطة سراق القلوووب صدق والله بعدي والله ياعاطل هذي الافكار الحلوووة والا بلاش أقول هات معك جوالك الثاني لأن البلوتوث حق جوالي خربان وبتستخدم جوالك الثاني ولاتكلم أحد بس انا وانت نرقم براحتنا

على فكرة يمكن بعضكم صدق مضمون الرسائل
بس هذه ماهي رسائل حقيقة ولا مخترقة
هذه رسائل انشئتها انا من تأليفي وعلى طريقتي الخاصة
وإنشالله ماحد يزعل